Luk 21:25 - Takia

²⁵ “Saen wadan sumeik dop, ad, kalam, patui lo kob funfun ilasa wa. Tan na tamolpein fidian tubun kasik direr dop ilod weiwei a. Man dugo, beig ibalsini dop tamun dam san liliŋan tubun kasik a.

Luk 21:25 Referans Kwoze

Revelesen 20:11

Agog ŋai kalik tubun milkouk ak, agod Enti iŋ kalik fufo imado dan dam ŋeil a. Tan keit da iŋ naon na dien san ta idaisuda na ya, an niŋen o dusol diaug itout yau a.

Aposel 2:19

Ŋai keit lo kulob girager naon sensen ŋigane wan ŋukubiai ale wa. Ago dop tan na dam kulob tutubun sensen ak kob igo woŋ ŋigane dop ale wa. An man dar, yai, agod yaikas malan bilkas nuŋon ak ilasa wa.

Mak 13:26

“Saen an lo dop, tamolpein iŋ Tamol Nanun keit san timtaen fufo na itur dop dabai agod girager tubun geig aman da yak lo ipalu dak dile wa.

Mak 13:24

“Saen en san muruan tubun ak itout la gup, ‘ad ta ided uyan na wa, an lo dop adian tidom oŋ ilasa dop kalam ta ided na wa.

Matyu 24:29

“Saen muruan tubun en itout dop, ad ta ided uyan na wa. Saen an lo ‘adian tidom oŋ ilasa wa, ago dop kalam dam ta ided na wa. Ante patui keit dibiseip dudu wa, agod Anut mel dabai a keit lo yan fidian imiriranai a.’

Mak 15:33

Ad mitilaen 12 kilok an lo, tidom tubun tan yafutani geig go yaug 3 kilok gurai isi a.

Matyu 27:45

Ad mitilaen 12 kilok an lo, tidom tubun tan an fidian yafutani geig go yaug 3 kilok gurai isi a.

Luk 21:24

Aenta ager adi sabiri nam dufu dumat a. Aenta iŋsad ager adi diŋal pe, subanek tamol dilasap tan asau mi sensen lo diaup ante dumado wa. Agop gob adi Jerusalem diŋanep dipartitale dop yaup nal a lo gob adi sad saen itout san nal an idaisuda wa.

Luk 21:26

Tamolpein fidian ata mel mok tan en lo ilasa wo sumeik dan niŋen o yaes tubun mi ifu dop, tinid irer dop, rirek lo malad itilianip dudu wa. Man dugo, Anut mel fidian keit lo yak imiriranai a.