Luk 2:32 - Takia

³² Iŋ sul oŋ ilasap imado dop gob adi ru iŋ niŋen o duloŋ pe ilod ilalaŋ a, agod iŋ lo oŋane Isrel tamolpein yaŋak tubun ak diŋane wa.”

Luk 2:32 Referans Kwoze

Aposel 26:23

Kristus iŋ muruan isinip imat mok a. Agop iŋ tamol malmalan mok mateŋ lo kumaen imasa da wa. An lo dop iŋ Juda adi agod Juda tia yak dida dal dugon lo Anut san patu pasek diŋane wan ikubiaip dile wa. An iŋsad leil lo man nek ibol sul san lilaman ak oŋ a.”

Revelesen 21:23

Taun en lo ad iŋ kalam da lilaman digane san urat amad tia ya. Tia, Anut san ilalaŋ tubun an mi lilaman ipani da. Agod iŋsan lam man Sipsip Nanun mi a.

Aposel 28:28

“Ago yak niŋen o aŋ aloŋ. Anut iŋsan patu pasek san ru iganeg tamolpein Juda tia yan sad na yau da. Iŋ ru an duloŋ pe niŋen o kududod dugure wa!”

Matyu 4:16

Abaŋ an san tamolpein a tidom tubun lo dumado dan, lilaman tubun ak dile ya. Agod ensauta a mateŋ san miriau lo dumado dan, ilalaŋ iŋsad na ilasa ya.”

1 Korint 1:31

Fun an niŋen o ru ta digire yan ago ibol da, “Talpein enti kagin ta niŋen o sen yaŋan yabisa wo igane tap, gidad imoip, iŋ Anut mi yaŋan yabisa wa.”

Luk 2:10

Ak gug eŋel an irupidaig ibol, “Arer amoi. Ŋai ru uyan ak ŋurupaiaŋ o ŋupalu ya. Tamolpein fidian mitep ilodi uyanan geig a.

Luk 2:31

Tamolpein fidian malad lo oŋ tamol en gane ilasa ya.