Luk 18:13 - Takia

¹³ “Gug takis ŋilaŋal tamol man, sen iparyanig, itakok go naon yabisag lak na abaŋ ile man irer. Iŋanen aupasek niŋen o ilon muruan go sen titiren ifunig ibol, ‘O Anut, ŋai aupasek tamol. Ak niŋen o ilo imuŋanag.’”

Luk 18:13 Referans Kwoze

1 Timoti 1:15

Ŋiŋeŋ en rumok a, an lo tiŋane dop ilod lo rumok a. Jesus Kristus aupasek tamolpein patud ipasi wo tan en lo idu ya. Ŋaiseg man fidian ŋiriŋanaig saiag geig a.

Luk 23:48

Saen tamolpein a gubak mi abaŋ dile wo dutumani an Jesus imat dugo dile man, ilo muruan lo sed titired dufunig aben an dibiseig diau a.

Hibru 8:12

Man dugo, ŋai iŋaned aupasek an ŋupasi yau a, agod ŋai iŋsad muruan an ilog isou san tia ya.”

Aposel 2:37

Saen tamolpein ago duloŋ dugo, ru an bubed isue saian geig a, ago tag Pita aposel aenkadi dida dusumianaig dubol, “O teim taoma, maŋ dugo mok migane wak i?”

Hibru 4:16

An niŋen o id pempem Anut san kalik giraŋen na tau a, ante man Anut ilo panek iwae san aben mi a. Aben an lo saen muruan sumeik ipanad dan, ilo muŋanek ka tiŋane wa, agod iŋsan ilo panek id ibinawad san tile wa.

Rom 5:8

Ak man Anut anen ilo panek tubun ak dal en lo ikubiai tile da. Saen id aupasek san dal turi dugo Kristus id niŋed o mateŋ ile ya.

Luk 5:8

Saimon Pita abaŋ ago ile tag Jesus naon na turun isaluwig ibol, “O Tubun en, ŋai tamol saiag. Oŋ ŋai bisawag pe wau.”

2 Korint 7:11

Man dugo, aŋ ale uyanan a, ilo papao e Anut aŋ lo igane ilasa yen man kagin naok dugo yak aŋanem madok lo iganeg ilasa ya. Aŋ kagin uyanan lo atur ak, aŋ yaŋami akubune wo ilom yen dan, ru dabai lo aŋ “ago tia yak” abol dan, ilo urer ipanaŋ dan, maŋ o yaes isofutanaŋ dan, kagin uyan ak dabai lo agane dan, aŋ aŋsem bu ipanaŋ da. Aŋ dal fidian lo maŋ akubiai panama yan lo man, kagin naok naok a agane yan man uyanan mi a.

Matyu 9:13

Alasa aup girek en ilom isou uyan dop san fun aloŋ mok a, ‘Aŋ ilo uyan apanag an niŋen yai agane panag o ilog ta ibol na ya, tia, aŋ aenta ilom imuŋanai o mi ŋamat da.’ Man dugo, ŋai tamolpein a itaot adi dubol dak ŋigiaip dupalu san niŋen o ta ŋupalu na ya, tia, aupasek tamol adi mi ŋigiai o ŋupalu ya.”

Luk 17:12

Panu ta ate iladu dugo, tamol 10 lepra amad da yak dal na dile ya. Iŋ kitek asau mi dutur dugo,

Matyu 6:5

“Agod saen oŋ gudani wo dop, tamol balek uraru san kagin diri dan, igo woŋ ta gudani na wa. Iŋ ilod ibol dak ubou ab lo, agod dal titin gidigidad ate dam, dugudani wo dutur dop lo tamolpein diliai o digane da. Ŋai rumok geig ŋurupaiaŋ da, iŋ naon nek an mi diŋane wa.

Matyu 10:3

Filip, Bartolomiu, Tomas, Matyu tamolpein sad na moni takis isi dan, Jems Alfeus nanun, agod Tadaeus.

Mak 11:25

Agod saen oŋ utur oŋ Anut gudani dan man, talpein ta ida ru ama da tap, malmalan ilo lo saian an sasi pani wa. Agop oŋane Tama kumaen panu lo yan iŋ dam oŋane saian an isasi pano wa.”

Luk 22:41

Agog Jesus ibisawaig kitek asau mi yau gug turun isaluwig igudani,