Luk 11:34 - Takia

³⁴ Oŋane mala man tini san lilaman. Saen oŋane mala uyan tap, tini fidian geig an ilalaŋ da awan isa wa. Ak man saen oŋ mala saian tap, tini fidian geig an tidom tubun da awan isa wa.

Luk 11:34 Referans Kwoze

Aposel 26:18

Oŋ iŋ malad wafutep, tidom tubun lo yak lilaman lo dupalu wa. Satan san tuon lo yak Anut san na diau a. Agop iŋsad ilo rumok ŋai lo iŋaned aupasek isasi pidinai a, agod tamolpein a Anut itaot idirai dilasa yan luluŋad lo aben ta diŋane wa.’”

Kolosi 3:22

Urat bigabeg adi, aŋanem tamam a kagin dupanaŋ dan, mel ta dugo agane wo dubol tap, aŋ pempem awad ari apani wa. Iŋ diliaŋ o, tia, iŋ ilod aŋanep dipitianaŋ o ago agane amoi. Tia, iŋ malad patun fo bo man, Anut o mi arer dop, tamol nuŋom ago woŋ, iŋsad urat itaot aganep ilasa wa.

2 Korint 11:3

Ŋai ilog irer da, kabelan supalek ru lo wagam mi geig mot Ewe irawi igo woŋ, ru sewak ta aŋ ilo burau ipanaŋ banau. Man dugo, kabelan tamol tata aŋ ilom diŋane dop lo aŋ ikok kagin agod rumok kagin dam a Kristus lo yen dan abiseip, ilo sou kawan ak ari apani wo man ŋai ŋamoi geig da.

2 Korint 4:4

Tamolpein an tan en san tubud Satan, iŋsad ilo sou yabi idu yan lo, tamol malad itau igo woŋ dilasa ya. An niŋen o lilaman iŋsad na ipalu dan dile san tia ya. Lilaman an man Kristus san girager, an bilaluŋ uyanan ak ilon lo yen da. Agod Kristus man naon Anut naon igo ya, ago gug an dile san tia ya.

Efesus 1:17

Idsad Tubun ak Jesus Kristus san Anut, iŋ nek a girager san Taman amaiak ŋai igo ŋugudani da. Aŋanem maŋau iŋ lo yan iganep, kankan milaen ak san ur, agod melmel imianuk yen dan kuai ipani san ur dam aŋ ipanaŋ a.

Mak 4:12

An lo man, ‘Iŋ bo malad pempem yau a, ak man ilod ta itarpasi na wa, agod kududod nam duloŋ bo man, fun mok ta duloŋ na wa. Tia dop, nag iŋ ilod ibilisa dop sed itilianaip Anut iŋsad aupasek isuas yau a.’”

2 Korint 1:12

Maŋ malak malak ru en ka murupaiaŋ a. Maŋ tan en lo, agod aŋ malam lo dam kagin uyan ak mi migane na ya. Maŋsama ru man rumok ago mi maŋsama kagin naok naok dam gun a, man dugo, Anut kagin mi muri mupani se ya. Maŋ tan en san maŋau uyan uyan ak lo urat ta migane na ya, tia, maŋ nek Anut sinan maŋau a ipanama yan lo mi urat migane se ya.

Mak 8:18

Aŋ malam da ya, ak gug aŋ ta ale geig na da. Nek ago aŋ kududom da ya, ak gug aŋ ta aloŋ geig na da. Mel en ilom iŋaoŋ ak i?

Aposel 13:11

Gamu Tubun en san tuon oŋ tini fo iganep ule wa. Oŋ mala itaup ad san lilaman ta ule na wa. Agop oŋ ago mado dop saen ipano yak fo gup abaŋ fon ule wa.” Gamu na mi Elimas kakao malan yafutanig, malan tidom tubun go tamol ta ile nag banin te yabi wo idab idab itor se ya.

Efesus 6:5

Urat bigabeg adi aŋ aŋanem titianek tamol tan en san awad mi ari apani wa. Aŋ niŋedi wo dam arer a. Aŋ pempem aŋanem urat niŋen o ilo sou kisaek a maeg apani dan lo urat ago mi agane wa, nek ibol aŋ Kristus niŋen o mi urat agane dan igo woŋ a.

Aposel 2:46

Iŋ fidian ilod kisaek mi nal fidian gudanek digane wo tempel lo dutumani se ya. Iŋsiganed ab ate tet mi dutumanig yousai lo agod ilod kisaek lo dam anaŋ diani se ya.

Mak 7:22

mala sek kagin, nun kagin, siai kagin, uf ru, se pitianoi kagin, agod burau kagin.

Luk 11:35

Ago yak niŋen o kagin agane. Kabelan lilaman a oŋ lo yan tidom tubun oŋ banau.