Kolosi 3:14 - Takia

¹⁴ Agod kagin a kagin aenta fidian iriŋanai dan man, aŋ nug niŋen o amat a, nek an mi a. Nek ibol let ta, aŋsam kulos aenta ibiai sakar dak igo woŋ, nug niŋen o amat ak san kagin an, iŋ kagin aenta fidian ifou dop an lo sisem urat disini uyanan a.

Kolosi 3:14 Referans Kwoze

1 Pita 4:8

Mel malan te man ilom ŋutumi fidian nug niŋen o amat a. Man dugo, nug niŋen o amat dan san kagin aupasek wei mi imianai idu ya.

Efesus 5:2

Aŋ aenta ilom apidinai san tureŋ lo mi ator a, nek ago mi Kristus ilon ipanad an lo iŋsen tinin ibisei panad a. Iŋ man nek ibol bilelek a Anut dupani wo yai digane dop iŋsan mumalun iwen siŋaokan pe lak na yaup Anut ilo uyan ipani san igo woŋ a.

Kolosi 2:2

Ŋai ilog man, ŋai aŋ iŋ dida ilom ŋabisap, ilom dabai amam da amado wa, agod ilo panek lo atumanip kisaek a. Ago dop an lo aŋ iŋ dida maŋau milaen mok an ilom lo ilasap yen a. An lo dop Anut san ru mianuk an aloŋ pasik a. Ru mianuk a taloŋ san uyanan man Kristus iŋsen.

Jon 13:34

“Ŋai gamu kubiaeŋ foun ak ŋupanaŋ da. Kubiaeŋ foun ak igo ya: aŋ nug niŋen o amat mok a. Nek ibol ŋai aŋ o ŋamat dak ago mi aŋsem nug niŋen o amat mok a.

Rom 13:8

Oŋ talpein ta san gubun tini lo ta yen na wa, tia, nug niŋen o amat san gubun mi tini lo yen a. Man dugo, talpein ta iŋ turan ilon ipani dan, kagin an lo kubiaeŋ an fidian ituanai idu da.

Efesus 4:3

Aŋanem ilo kisaek Awan Urgun lo yan, maror nek a ituanaŋ iso yan lo mi maeg aganep kagin apani wa.

1 Jon 4:21

Agod taida mi, iŋsen ru kubiaeŋ en ipanad a, ta iŋ Anut niŋen o imat dan turan dam niŋen o imat da.

2 Pita 1:7

Agod tinin te Anut san kagin ari san an, turam muroum ilom apidinai san kagin da abate wa. Agod wadan man turam muroum ilom apidinai san kagin an, aenta niŋedi wo tubun mi amat dan san kagin da abate wa.

1 Timoti 1:5

Kubiaeŋ ru an san fun man aŋ ilom imasap ilo panek aŋ lo ilasap yen a. Ilo panek a bube ikok lo, ilo sou muruan an tia yan lo, agod ilo rumok nuŋon ak lo ilasa dan niŋen o ŋabol da.

1 Tesalonaika 4:9

Aŋ teim muroumi ilom apidinai san kagin niŋen o man, ŋai aŋsam na ru ta ŋigire san tia, man dugo, Anut kagin an niŋen o ipiteŋanaŋ la ya.

Jon 17:23

Ŋai iŋ lo ŋumado dop, oŋ ŋai lo mado wa. An lo nek ibol id ilod kisaek mi ak igo woŋ, iŋ dam ilod kisaek mok o ŋamat da. Agop tamolpein tan en san oŋ ŋai dinag go ŋupalu yan duloŋ a. Ago dop oŋ ŋaisag tamolpein niŋedi wo umat dan, ŋai o umat dak ago mi gane yan, an dam tan en san tamolpein duloŋ a.

Jon 15:12

Ŋaisag ru kubiaeŋ man igo ya, ŋai ilog ŋupanaŋ ak ago mi aŋ nug ilon apani wa.

1 Jon 3:23

En man iŋsan ru kubiaeŋ, id iŋ Nanun Jesus Kristus iŋsan yaŋan lo ilod lo rumok a, agod nug niŋen o tamat a, nek ibol ru kubiaeŋ ipanad ago mi tigane wa.

Hibru 6:1

Ago yak niŋen o id tamug tilasap, piteŋanek pasauman Kristus niŋen o yan tibiseip yen dop, tusokalik pe tamol tutubu yak sad piteŋanek lo tiladu wa. Id gamu piteŋanek pasauman ak tibiseip bag foun ak tugunai wa, kabelan id bag wagam an fon mi tugunai o tigane banau. Ru en igo ya, mateŋ san urat fidian lo id ilod ibileksap tadaŋsa san piteŋanek, id Anut ilod lo rumok ak san piteŋanek da,

Efesus 1:4

Saen Anut tan ta igane ilasa na dugo, id Kristus ida itumanad o kob ipanad a. An lo saen id iŋ naon na tatur dan, id gun tumado dop, iŋ malan lo man id ai wadan amad tiap itaot mi ago ka tumado wa.

1 Jon 3:10

Ru en tamol dugon Anut nanun ago dugo, tamol dugon Satan nanun, an fud ifulaleg kuai tem tile da. Talpein a kagin uyan ak ta igane na yan iŋ Anut san muroun tia ya. Agod ta iŋ tein niŋen o ta imat na dan iŋ dam Anut san muroun tia ya.