Kolosi 3:1 - Takia

¹ Aŋ Kristus da sisem Anut ibiaŋsa ya. An niŋen o aŋ aŋanem mala nouk an melmel a lak na dien dan fo agane wa. Aben an ate Kristus iŋ Anut banin won ak lo imado da.

Kolosi 3:1 Referans Kwoze

Rom 8:6

Talpein ta sen tinin o mi ilon isou dan, iŋ mateŋ lo idu wa. Gug talpein ta Ur san ilo sou iri dan, iŋ kumaen ilo maror da iŋane wa.

Matyu 6:33

Gug imug mi man, iŋsan kagin panek lo aladu san, agod iŋsan kagin itaot an dam aŋane san niŋen o maeg agane wa. Ago agane tap, mel an fidian dam aŋane wa.

2 Korint 4:18

Man ata wo? Maŋ melmel a kuai isi la yak meil o malama ta yau na da. Tia, melmel a meil san tia yan amaiak niŋedi wo mi iloma isou da. Man dugo, melmel e meil den man saen katukan mi dien a, ak gug melmel a meil san tia yan man pempem mi dien a.

Kolosi 3:2

Nal fidian pe aŋ tan en san melmel an mi niŋedi wo ilo sou ta agane na wa, tia, kumaen panu san melmel amaiak mi ilo sou an agane wa.

Matyu 6:20

Ak man kumaen panu lo mi filian afuti wa. Aben an ate kadum ta diani na wak, teirteir dam malad ta dusue na wak, agod gumagam dam ab digilep diladup ta digam na wa.

Hibru 12:2

Id fidian malad yaup Jesus tile, iŋ mi idsad ilo rumok fun a, agod murnap iŋ mi idsad ilo rumok an iganep itaot mok ilasa wa. Iŋ aigim an san muruan ileg an patun ta ipani na ya. Tia, iŋ murnap Anut ilo uyan tubun mi ipani wan niŋen o aigim san miai an man mel kabelan igo woŋ ile ya. Ago yak niŋen o gamu iŋ Anut banin won ak ate yaŋak tubun ak iŋaneg imado da.

Luk 12:33

Ago yak niŋen o aŋanem filiami an adad yaup, moni aŋanep, tamolpein a melmel ad tia yan abinawai. Dal an lo Anut urat naon iŋsiganen panu lo idirip, pempem yen a. Darir, gumagam tamol adi dida dusubari san tia ya.

Hibru 1:3

Iŋsen iŋ Anut san lilaman iŋ lo yen dan isapudadeg Anut san girager tubun an kuai te ikubiai tile ya. Iŋsan bunun an nek Anut sinan bunun mok igo ya. Agod iŋsinan ru dabai an nam mel fidian igane ilasag yen yau da. Iŋ tamolpein sad aupasek isuas yau san dal ikubuneg itout a, ago gug iŋ kumaen panu lo Anut lak na yak iŋanen banin won ak lo imasig imado ya.

Luk 22:69

Gug saen gamu yau den, Tamol Nanun Anut a dabai fidian anda yan banin won ak lo imado wa.”

Kolosi 2:20

Aŋ Kristus da sisem amat a, an lo man aŋ ka tan en san tubud kititik abisawaip kawan ator a. Fun an niŋen o, ata wo aŋ tan en san tamol amado dak oŋ, sem idiraŋ go tan en san tamol kagin wei mok an paed na amado dak i?

Hibru 8:1

Maŋ ru mabol dan man mel malan te igo ya: rumok, id pris gurman uyanan ago yak amad da ya. Iŋ kumaen panu lo Tubun Geig ak san badim siŋiren na banin won ak lo imasig imado da.

Rom 8:34

Enti imisilanad ak i? Jesus Kristus imat pasik a, iŋ mutou lo imasag Anut tuon won ak ate itur go id niŋed o igudani da. An lo id imisilanad ak i? Tia geig a!

Hibru 10:12

Ak man Kristus nal kisaek mi lo sen tinin Anut ipani a. Kulob an nuŋon pempem yen da. Saen kulob an igane itout man yaug Anut banin won ak lo imasig imado da. Man dugo, iŋsan urat itout a.

Matyu 26:64

Ago man Jesus igo ibol irupei, “Awo, nek oŋse ubol la ya. Ak man ŋai aŋ ŋurupaiaŋ da, murna gup Tamol Nanun iŋ Anut a dabai tubun geig anda yan tuon won ak ate imasi dop ale wa. Agod Tamol Nanun keit lo timtaen titiŋaem kuai tem ipalu wa, mel amaiak dam ale wa.”

Efesus 4:10

Enti iŋ a tan na idu yau amaiak, iŋ mi did aben fidian dam iriŋanaig isuda yau an lo, iŋsen mi mel fidian ilodi tinidi lo iŋ mi awan isa wa.)

Mak 14:62

Ago man Jesus igo ibol irupei, “Awo, ŋai mi Kristus. Aŋ murna gup Tamol Nanun iŋ Dabai Tubun Geig ak san banin won ak ate imasi dop ale wa. Agod Tamol Nanun keit san timtaen fufo na imado dop ipalu wa, mel amaiak dam ale wa.”

Hibru 1:13

En dugo, Anut eŋel ta irupeig ago ibol, “Oŋ ŋaisag aben malan te yak ate mado dop ŋai oŋane ager adi ŋidiraip paen na dumado wa,” Anut ru ta ago ibol man tia ya.

Aposel 2:34

Aŋ aloŋ ak Dawid iŋsen kumaen panu na ta isuda na ya. Ago bo man iŋ igo ibol, ‘Tubud ŋaisag Tubun en irupei: giraŋeg won ak lo masip, mado dugup,

Luk 20:42

Dawid iŋsen Isrel bar san buk lo igo ibol, ‘Tubun en ŋaisag Tubun ak igo irupei, “Oŋ ŋai tuog won ak ate masip yaup,

Mak 16:19

Tubun ak Jesus ru an fidian irupidai itout man, Anut iŋ iŋaneg isuda yaug kumaen panu na ilasa ya. Ante man iŋ Anut san aben malan te banin won ak lo imasig imado da.

Mak 12:36

Dawid iŋsen mi, Awan Urgun iduduwi dugo igo ibol: ‘Tubun en ŋaisag Tubun ak igo irupei, “Oŋ ŋai tuog won ak ate masip mado, murna gup ŋai oŋsa ager adi ŋidiraip, oŋ ŋie pae na dumado dop ŋie nam partuanai a.” ’

1 Pita 3:22

Iŋ kumaen panu na isidag Anut giraŋen won ak lo imado dugo eŋel adi, ur sensen sad gurman adi, agod mel dugon dabai amad da atna dumado dan, an fidian paen na dumado da.

Aposel 7:55

Gug Stiven tinin Urgun iŋanefuteg malan keit lo isidag, Anut san girager ile ya. Ago dugo Jesus Anut giraŋen won ak lo itur dugo ileg ibol,

Matyu 22:44

‘Tubun en ŋaisag Tubun ak igo irupei, “Oŋ ŋai tuog won ak ate masip yaup, murna gup ŋai oŋsa ager adi ŋidiraip, oŋ ŋie pae na dumado dop ŋie nam partuanai a.” ’

Efesus 5:22

Oŋ pein, oŋane tamol paen na mado wa, nek ibol oŋ dam Tubun ak paen na mado dak igo woŋ a.