Kolosi 2:2 - Takia

² Ŋai ilog man, ŋai aŋ iŋ dida ilom ŋabisap, ilom dabai amam da amado wa, agod ilo panek lo atumanip kisaek a. Ago dop an lo aŋ iŋ dida maŋau milaen mok an ilom lo ilasap yen a. An lo dop Anut san ru mianuk an aloŋ pasik a. Ru mianuk a taloŋ san uyanan man Kristus iŋsen.

Kolosi 2:2 Referans Kwoze

Kolosi 1:27

Ru mianuk en girager andag awan isa. Agod Anut ilon yen ak igo, ru mianuk en kuai ipanig iŋanen tamolpein gun ak banid lo igane ya, an lo tamolpein tan fidian lo dumado dan, duloŋ uyan dop, ru en san girager tubun ak ka dile wa. Ru mianuk girager anda yak man nek en: Kristus aŋ tinim ilon lo imado da. Agod kulob an nuŋon man, murnap aŋ kumaen a girager anda yan aŋane wa. An aŋ o ilasa wak niŋen o mala nouk amado da.

Kolosi 4:8

Ŋai iŋ aŋsam na ŋigane yau da. An fun man, iŋ maŋ dugo mumado den san fun fidian ibol aloŋ a, ago dop aŋ ilom pasai ibol a.

Efesus 6:22

Amaiak niŋen o maŋ mel dugo dugo mile dan niŋen o aloŋ uyan o ŋai Tikikus ŋigane siŋirem na ipalu da. An lo aŋ ilom dabai ipani wa.

Kolosi 3:14

Agod kagin a kagin aenta fidian iriŋanai dan man, aŋ nug niŋen o amat a, nek an mi a. Nek ibol let ta, aŋsam kulos aenta ibiai sakar dak igo woŋ, nug niŋen o amat ak san kagin an, iŋ kagin aenta fidian ifou dop an lo sisem urat disini uyanan a.

Rom 16:25

Aria, gamu id Anut yaŋan tabisa dop ubou an tile wa. Iŋ ŋaisag bilaluŋ uyan ak Jesus Kristus niŋen ŋufulale dan lo, aŋ dabai ipanaŋ pe lo atur sakar san idaisida ya. O gubak mi Anut san bilaluŋ en imianig imianuk yen a, ak man id taloŋ an niŋen kuai te igane ilasa ya.

Filipai 3:8

Rumok, ŋai malag lo urat naon an fidian man mel ideg ak igo woŋ ŋabol da. Man dugo, ŋai Jesus Kristus ŋaineg Tubun en ŋaloŋ uyanan mok ak, an san nuŋon man mel a fidian nuŋod tia yan iriŋanai pasik a. Iŋ o ŋai mel fidian dideg diau an ŋeil a, agod mel an metmet igo ŋabol da, ago dop an lo ŋai Kristus ŋiŋanep ŋabi wa.

Filipai 2:1

Dugo, Kristus aŋ lo imado dan dabai ipanaŋ i? Dugo, iŋsan ilo panek aŋ maror ipanaŋ i? Dugo, Awan Urgun aŋ lo yen dan akubiani dop iŋ da sisem ator di? Dugo, aŋ tamol aenta niŋedi wo amat dop ilom imuŋanai di?

2 Pita 1:3

Id iŋ taloŋ amaiak niŋen o, Anut san dabai tubun ak Kristus lo yen dan niŋen o, id an lo ibinawad go mel fidian kumaed san, agod id Anut san kagin tiri san dam ipanad a. Iŋsinanen yaŋak tubun ak lo agod kagin uyanan ak lo melmel an tiŋane san niŋen o igiad a.

Rom 15:13

Aria, ŋai aŋ fidian niŋemi wo Anut igo ŋusumiani a. Iŋ mi, madok uyanan a niŋen o mala nouk amado dan san fun, aŋ ilom lo rumok an lo yousai tubun, agod ilo maror mok an aŋ bubem lo idaisuda yak, ago ka igane ilasa wa. Ago dop an lo na aŋ Urgun san dabai lo tubun mi mala nouk amado dan lo atur a.

Jon 10:30

Ŋai Tamag da fuma kisaek a.”

Jon 6:69

Maŋ maloŋ uyan go iloma lo rumok ak, oŋ mi Anut anen Tamol Gun a.”

Hibru 10:22

Fun uraru an niŋen o id Anut siŋiren na ilod siŋaokan mi tau a. Agod idsad ilo rumok idaisuda amaiak niŋen o iŋiliad san o tinid tigane wa. Idsad ilo sou saian saian an tiŋanep iŋsan na tau, ago gup Kristus san dar ifurfip idsad ilo sou saian saian an isuas yau pasik a. Agod idsad tinid an you uyan ak lo ifulanip ikok ilasa wa.

1 Timoti 3:16

Id mel en niŋen o ilod kisaek ak, idsad ilo rumok ilon lo mel tubun ak pasauman taloŋ san tia yak yen da: Iŋ tamol mok igo ilasag, Urgun iŋsen mi walal te tamol itaot ak ibol ilasag, eŋel adi dile duloŋ go, tan titin fidian lo dubol go yau, tan tilianek lo iŋ o ilod lo rumok go, Anut iŋaneg iŋ girager anda isida yau a.

Hibru 6:11

Maŋsama iloma igo woŋ a. Nek ibol kagin a aŋ lo atur sakar dan, nek ago mi aŋ aŋanem ilo rumok mel a niŋen aŋ tinim agane dan abi awan isap, an lo dam atur sakar a. Aŋ anek anek atem urat wagai agane dop amado yaup aŋanem saen wadan ilasa wa.

Kolosi 1:9

Fun an niŋen o, saen maŋ ru aŋ niŋemi wo maloŋ go ipalug gamu en, maŋ aŋ niŋemi wo Anut mugudani panaŋ da. Maŋsama gadiŋ lo Anut musumiani panaŋ dak igo ya. Aŋ Anut ilon dugo ibol dan aloŋ fufei wa, agod Awan Urgun lo, aŋ kankan milaen ak, agod maŋau dam aŋ fidian tinim iŋanefute wa.

Galesia 3:28

Fun amaiak niŋen o gamu gup ta iŋ Juda tamol, ta iŋ Juda tia yak, enti iŋ bigabeg urat san subanek lo imado dan, enti iŋanen ilobol lo mi itor dan, enti iŋ tamol, enti iŋ pein, yaŋak an ago ta tipate na wa. Yaŋak naok ago yan man mel kawan a. Man dugo, gamu aŋ fidian mi man Jesus Kristus lo kisaek a.

1 Korint 2:12

Aria, ur ta tan en san id ta tiŋane na ya, tia, Ur a Anut san na ipalu yan mi id tiŋane ya. Anut Ur an ipanad a, an lo dop id ka binawek funfun a iŋ kawan ipanad amaiak taloŋ uyanan a.

Jon 17:3

Kumaen pempem yen yau san man nek en. Iŋ oŋ Anut kisaek o lian duloŋ a, agod iŋ ŋai Jesus Kristus oŋ dinag go ŋupalu yan dam duloŋ a.

Jon 16:15

Bai san mel fidian an dam ŋaisag a. Man niŋen o ŋai imug ŋurupaiaŋ, Urgun mi ŋaisag mel an iŋanep ibol dop aloŋ a.”

Jon 10:38

Ak man rumok, ŋai iŋanen urat ŋigane da. An niŋen o gidad, aŋ ŋaisag ru ilom lo ta rumok na yak abol bo man, kulob girager ŋigane dugo, ale yan fidian an niŋen o, aŋ ŋai o ilom rumok a. An lo dop aŋ ilo girek aganep, aloŋ uyan ak igo, Bai ŋai lo imado dak, ŋai Bai lo ŋumado da.”

Jon 5:23

Taman ilon man, nek ibol tamolpein Taman yaŋan disini dak igo woŋ, iŋ fidian Nanun dam yaŋan disini wa. Talpein enti a Nanun yaŋan ta isini na dan man, Taman a Nanun iganeg ipalu yan dam yaŋan ta isini na da.

Jon 5:17

Ago tag Jesus irupudai, “Ŋaisag Tamag iŋ nal fidian urat igane yau da, an niŋen o ŋai dam nek ago ŋigane da.”

Matyu 11:27

“Melmel fidian man ŋaineg Tamag iŋ ŋai tuog lo idiri a. Tamol ta iŋ Anut Nanun ta iloŋ na ya, nek Taman iŋsen mi a. Agod tamol ta iŋ ŋai Tamag ta iloŋ na ya, nek ŋaiseg mi, gug ŋai mi tia ya, tia, tamolpein a ŋaisag ilobol lo mi Tamag ŋukubiai pidinai o yan iŋ dam ka duloŋ a.

Matyu 11:25

Saen an lo Jesus ago ibol, “O Bai, oŋ kumaen panu agod tan en dam sad Tubun ak, ŋai oŋ ilo uyan ŋupano wo da, en ata wo? Oŋ melmel en mianaig an lo tamolpein a maŋau amad da yan, agod tamol kankan milaen amad da yak dam melmel en duloŋ san tia geig a. Ak gug tamolpein iŋ nanuk kititik oŋ dumado dan melmel en kubiai pidinaig duloŋ o uyanan a.

1 Jon 5:7

Mel utol en Kristus niŋen o kuai tem dubol ilasa da: Urgun, you, agod dar. An lo mel utol an dutumanig awad kisaek go ru an dubol ilasa da.

1 Jon 3:19

Dal an lo id taloŋ ak id man ru rumok ak san muroun a. An niŋen o saen id ilod ibiad tadu dan, Anut naon na id ilod san urer an ka kute ibol a. Man dugo, Anut iŋsen idsad ilod iriŋani geig a, agod iŋ mel fidian iloŋ uyanan a.

2 Pita 3:18

Gug aŋ idsad Tubun ak Jesus Kristus idsad patu pasek an san ilo panek, iŋ aloŋ uyan san aŋ da atabulsi wa. Id iŋ yaŋan tabisa dan lo gamu girager anda imado da, ago mi yen yaup kumaen pempem san nal ilasa wa. Rumok.

2 Pita 1:10

Teig taog, fun amaiak niŋen o Anut igiaŋ go tamolpein aenta luluŋad lo ipilianaŋ an, dabai apani wo urat wagai agane wa. Aŋ kagin an fidian ari uyanan tap, au adu san tia ya.

1 Tesalonaika 5:14

Teig muroug, saen tamol ta urat igane wo ilon isali tap, dal an saian ak ago ru kagin arupei wa. Tamol a buben irer dan dabai apani wa, agod tamol a iŋsan ilo rumok dabai amad tia yan abiai sakar a, kabelan dideg diau banau. Nug kagin apani wo ilom ta isali na wa. Maŋ kagin ago agane wo mususuŋanaŋ da.

1 Tesalonaika 3:2

Agog maŋ id teid Timoti mi midinig aŋsam na ipalu ya. Iŋ bilaluŋ uyan ak Kristus niŋen o yan ibol ilasa san urat lo, iŋ Anut san urat kisaek a. Ago yan lo maŋ miganeg, aŋanem ilo rumok lo dabai ipanaŋ o aŋsam na ipalu ya.

1 Tesalonaika 1:5

Man dugo, saen maŋ aŋsam na mupalug malama mok nam abaŋ mile ya, ru uyanan mufulale man ru kawan ago tia ya. Tia geig, maŋ Anut san dabai aŋ lo mile agog Awan Urgun dam aŋ luluŋam log iŋsan ru ilom tubun mi isue ya. Maŋ tamol dugo yak, agod aŋ niŋemi wo maŋsama kagin aŋ luluŋam lo migane se yan aŋ aloŋ uyanan a.

Aposel 4:32

Ilo rumok adi fidian iŋsad kankan agod iŋsad ilod dam kisaek mi a. Ta iŋsan biouŋ biouŋ an iŋsiganen mi ago ibol man tia ya. Tia, fidian melmel nug duwae dupani se ya.

Matyu 13:11

Jesus ru naon irupidaig ibol, “Anut iŋsan kagin panek aben san melmel imianuk an san maŋau ipanaŋ a. Ak man iŋ maŋau an ta ipidinai na ya.

Luk 1:1

O tamol tubun en Tiofilas, tamol wei mi melmel a maŋ luluŋama lo nuŋon dilasa yan niŋedi wo digire la ya.

Rom 2:4

Anut oŋ ilon imuŋano dugo saen milaen mi oŋ kagin uyan uyan ak gane wo mala igane da, agod iŋsen yabituani dop muruan ririan ta ipano na da. Dugo, oŋ ilo lo mel an nuŋon tia yak ubol dugo ule saian di? Anut oŋ ilon imuŋano san fun man, iŋanen ilo muŋanek kagin an lo iduduwo dop ilo bileksa wan ta uloŋ na i?

1 Korint 14:31

Man dugo, aŋ fidian ka profet ru abol ilasa wa, ak man kisaek imug iŋiŋeŋ itout gup, fon sen ta iŋiŋeŋ da wa. Dal en lo aŋanem tamolpein fidian piteŋanek uyanan diŋane dop, bubed yabisap dumado wa.

Efesus 1:7

Kristus id da tutumani kisaek an niŋen o, iŋanen dar lo iŋ idad iŋiliad dugo idaned aupasek fidian ipare idu ya. An iŋsan ilo panek tubun geig ak iri pani a.

Efesus 3:3

Ŋai imug girek en ŋigireg lo ŋurupaiaŋ a, Anut sen iŋsan ilo sou mianuk an, an ŋai irupaiag a.

Efesus 3:16

Ŋai turug ŋusaluwig igo ŋugudani da, Anut iŋsan girager san binawek wei mi an aŋ ŋutumi ilon lo ka igane wa. Ago dop an lo iŋsan Urgun idiraŋ pe tamolpein ŋutum dabai tubun mi ak amam da ago amado wa.

Kolosi 1:26

Idsad tubud baged gamugo dilasa dugo, Anut ru en imianig saen milaen mok imianuk an yen na ya. Ak man gamu Anut ru en iŋanen tamolpein gun ak kuai tem irupidaig duloŋ a.

Kolosi 2:19

Talpein naok ago yan idaned gurman Kristus an yabipitili a. An niŋen o iŋ Kristus tinin ibiseig yaug patun fo ilasa ya. Kristus mi iŋsinanen tinin san gurman, agod tinin anen boi an fidian itirnai da. Iŋ lo, tinin san im, tinin san boi aenta fidian disatuanaig nug diabi dan lo italbusi da, ago dop Anut ilon yen dak ago mi tinin fidian isap dabai a.

Kolosi 4:3

Agod saen aŋ Anut agudani dop, maŋ o dam ilom isou panama wa. Anut asumiani dop, iŋanen ru mianuk Kristus niŋen o yan mabol ilasa san iŋ ka dalawan ipasi panama wa. Ŋai gubak mi ru mianuk an tamolpein ŋufulale pidinai se ya. Fun an niŋen o ŋai dusubanag go sein nam ŋieg banig dufoug subanek ab lo ŋumado da.