Kolosi 1:16 - Takia

¹⁶ Man dugo, Nanun banin log Anut mel fidian idirig dilasag dien da. Mel a kumaen panu lo yen dan, tan na dam yen dan, mel a malad nam teil san, agod mel a malad nam tile san tia yan dam fidian idiri a. Mel a malad nam tile san tia man, eŋel adi, tubud adi, tan keit tuon adi, agod ur naon funfun dabai amad da ya. Awo, rumok, Anut iŋ Nanun banin lo mel fidian idiri a, agod iŋ niŋen o mel an idiri a.

Kolosi 1:16 Referans Kwoze

Rom 11:36

Man dugo, iŋsan na dupalu dan, iŋ tuon lo, iŋsen niŋen o dam mi mel en fidian dilasag dien da. Iŋ saen pempem mi girager aman da imado wa. Rumok.

1 Korint 8:6

Ak man gidad, id Kris adi taloŋ man, Anut mok imado dan iŋ kisaek o lian a. Iŋ mi id Tamad, iŋ mi mel fidian idiri a, agod id ilo uyan tupani wo kumaed dumado da. Taida mi, idsad Tubun ak kisaek mi a, an man Jesus Kristus. Iŋanen tuon lo mel fidian dilasag dumado da, iŋanen dabai lo dam id tumado yau da.

Hibru 2:10

Nek uyan ak Anut iŋ mel fidian idirig ago dien diau dan, Jesus madai isini an lo iŋ iganeg itaot mok ilasa ya. Nek an lo iŋ nanuk wei mi iŋal ipalup iŋsan girager an lo iŋ da sisem dumado wa. Man ata wo? Jesus sen iŋ patun pasek san fun.

Hibru 1:2

Gug gamu nal wadan en lo man iŋsinan Nanun awan lo irupaiad a. Iŋsen lo mok Anut mel fidian igane ya, agod Anut sen iŋ murnap mel an fidian taman imado wo ipiliani a.

Efesus 1:10

Iŋsan ilo sou igo ya, iŋ mel fidian un ad yabip yau gup, nal a kob ipani antep, mel an fidian Kristus lo mi itumani wa. Melmel lak na, agod tan na dam, Kristus paen na mi dien a, agod iŋ mel an fidian sad tamad imado wa.

Kolosi 1:15

Anut Nanun man Anut a id malad nam tile san tia yan san mitilaen imado da, iŋanen mitilaen nuŋon mok a. Iŋ Anut anen nanun matu, agod mel fidian a Anut idiri an taman imado da.

Kolosi 2:10

Agod iŋanen kumaen aŋ aŋaneg, aŋ ilom iŋanefute ya. Kristus mi malan te ya, iŋ mi mel fidian sad gurman imado da, agod tubud sewak adi a tamolpein sad madok ditirni dan iriŋanai geig a.

Filipai 2:10

An niŋen o saen yaŋak Jesus dupate dop man, mel fidian turud disaluwi wa, did lo, tan na agod tan paen na dam ago digane wa.

Kolosi 1:20

Nanun lo mi Anut mel a tan na dumado dan, agod a kumaen panu lo yan dam, fidian iŋiliaip iŋanen muroun muroun igo woŋ siŋiren na dumul pe dupalu wa. An fidian iŋsan ager oŋ ago mi dumado san tia ya, man dugo, iŋanen Nanun san dar aigim fo iwatik an lo maror iganeg ilasa ya.

1 Pita 3:22

Iŋ kumaen panu na isidag Anut giraŋen won ak lo imado dugo eŋel adi, ur sensen sad gurman adi, agod mel dugon dabai amad da atna dumado dan, an fidian paen na dumado da.

Kolosi 2:15

Iŋanen mateŋ aigim fo yan lo, tubud adi tuon anda yak, agod ur saiak fidian a tamolpein ditirnai dan, iŋaned dabai igane itout a. Nek ibol yu gurman ta yu igane itout go, iŋsan ager ta dumat na yan banid ifoug, iŋ patun fo malak malak iraug diau dak igo woŋ, Kristus iŋsan mateŋ lo yu iganeg itout go, mel fidian a dabai ad da yan ibiai dudu go, malak malak miai ipidinai a.

Efesus 6:12

Man dugo, id tamolpein niŋedi wo ager ta tigane na da, tia, ur gurman adi, ur tirnek adi, ur dabai amad da a tidom tubun gamu yen dan lo, tan en san tamolpein ditirnai dak, ur sisaiak kagin saian geig ak san, agod lak na dumado dutor dan dam, amaiak niŋedi wo ager tigane da.

Rom 8:38

Amaiak niŋen o ilog lo rumok a, mateŋ tia, kumaed tumado dan tia, eŋel adi tia, ur dabai amad da yak tia, mel gamu ilasa den tia, mel murnap ilasa dan tia, ur saiadi ak tia,

Jon 1:10

Iŋ lo mel fidian dilasa ya, agod iŋ tan en lo kuai isig imado la yak bo man, tamolpein diŋaoŋ geig a.

Rom 9:5

Iŋsad dar igileg lo tamol yaŋad tutubun ak dilasa ya, agod Kristus dam iŋsad dar igileg ipalu yan lo ilasa ya. (An rumok, iŋ tinin tan emaiak san niŋen ŋabol da.) Ak man Kristus san mel taidam igo ya, iŋsen Anut. Ago yak niŋen o iŋ mel fidian fufo na ya, an lo tamolpein iŋ pempem yaŋan lak na diabisa isuda yau da. Rumok.