Jon 7:37 - Takia

³⁷ Tumanek digane yan san wadan futanek nal tubun ak lo, Jesus imasa itur go awan tubun mi iwagiŋ go ibol, “Talpein ta iŋ you wo imat tap, iŋ ŋaisag na ipalup you ka iluk a.

Jon 7:37 Referans Kwoze

Jon 4:14

Gug ta iŋ you a ŋai ŋupani wan iluk tap, iŋ afon you o ta imat na wa. Rumok, you a ŋai ŋupani wan, iŋ ilon lo pempem ibanai ilasa dop, kumaen pempem yen san ipani wa.”

Jon 6:35

Agog Jesus irupudaig ibol, “Ŋaiseg mi anaŋ kumaen san. Ta iŋ ŋaisag na ipalu tap, iŋ fon imatigen san tia ya. Ta iŋ ŋai o ilon lo rumok tap, iŋ you o ilon igos san tia ya.

Revelesen 22:17

Awan Ur iŋ Sipsip Nanun san pein da Jesus durupeig ago dubol, “Oŋ palu.” Agod talpein enti buk en lo ru iloŋ dan iŋ dam ka ibol, “Oŋ palu.” Talpein enti kulagun igos pe iluk o imat dop, iŋ ka ipalup you kumaen san an naon tia kawan iŋane wa.

Jon 4:10

Jesus pein an ru naon irupeig ibol, “Oŋ talpein e, ‘you panag ŋaluk’ ago ibol an, agod Anut san lou panek an dam uloŋ uyan ak man, oŋ iŋ sumiani dop, you kumaen san an ipanop uluk a.”

Revelesen 21:6

Agod iŋ igo ŋai irupaiag a, “Melmel fidian dilasa la ya. Ŋai mi malan te ŋumado dak, ago mi murna dam ŋumado wa. Ŋai mi fun, agod ŋai mi wadan. Gidad talpein ta kulagun igos dop, ŋai you kumaen san e sen ibanai den ŋiŋanep, naon tia kawan ŋupanip iluk a.

Revelesen 22:1

Agog eŋel en ŋai you tubun ak ta ikubiaig ŋile ya. You en kumaen san, iŋsan lilaman nek ibol galas oŋ a. You en Anut iŋ Sipsip Nanun da sad kalik paen na ilasa dugo,

1 Korint 12:13

Man dugo, id fidian Ur kisaek mi nam suguek tiŋaneg, an lo tutumanig tinik kisaek tilasag tumado da. Gidad id aenta Juda, tia, aenta Juda tia yak, aenta urat bigabeg adi, aenta kawan tumado tator da, Anut id fidian Urgun kisaek mi lo taluk o ipanad a.

Jon 6:55

Man dugo, ŋaisag tinig man anaŋ mok, agod ŋaisag dar man you mok a.

Matyu 11:28

“Aŋ fidian urat dabai geig agane dugo ilom isali dan, agod muruan tubun mi asini dan, ŋaisag na apalu dop, ŋai aŋ tinim yaes ibal uyanan san ŋupanaŋ a.

1 Korint 10:21

Aŋ Tubun ak san gab lo, agod ur sisaiak sad gab lo dam aluk dop, muruan ta ariŋani san tia ya. Nek ago mi, aŋ Tubun ak san tebol fo, agod ur sisaiak sad tebol fo dam atutou dop, muruan ta ariŋani wak, an dam ago agane san tia ya.

1 Korint 10:4

kumaen panu san you dam duluk se ya. Man dugo, iŋ fidian pat tubun ak a kumaen panu lo yak ipalu yan, dida tureŋ diabi na ya. Ago dugo you a pat an lo ibanai na yan lo duluk se ya. Agod pat an man nek Kristus.

Efesus 5:18

Agod aŋ tubun mi aluk dop, aburaurau banau, man dugo, kagin naon nek an aŋ muruan ipanaŋ a. Tia, Awan Urgun an mi aŋ tinimi ilon lo awan isa wa.

1 Korint 11:25

Nek ago mi, anaŋ diani itout gug gab iŋane yabig igo ibol, “Gab en man kontrak foun ŋaisag dar lo ya. Saen en aluk dop ŋai ilom isou.”

Jon 14:6

Jesus awan yabig ibol, “Ŋai mi dal, ŋai mi ru rumok san fun, agod ŋai mi kumaen san fun. Dal sen ta lo Bai san na au san tia ya. Nek ŋai lo mi a.

Jon 6:37

Tamolpein fidian ensauta a Bai ipanag dan, iŋ ŋaisag na dupalu wa. Ago dop ensauta a ŋaisag na dupalup dida mumado wan, ŋai iŋ ŋukudai diau san tia geig a.

Jon 5:40

Ago bo man, aŋ ŋaisag na apalup, kumaen an aŋane wo man amoi da.

Jon 1:23

Ago gug Jon profet Aisaia awan aban iŋaneg igo ibol, “Ŋai man tamol ta aben kawan ak ate iwagiŋ emaiak san awan ŋisiaig ŋuwagiŋ da, ‘Tubun en iŋanen dal akubune apani!’”

Jon 7:28

Agog Jesus nek ate tempel ilon lo mi imado se man, tamolpein maŋau ipiteŋanai dugo, iwagiŋ go ibol, “Awo, aŋ ŋai aloŋ a, agod ŋai dugon teg ŋupalu yan dam aloŋ abol da. Ago gug aŋ ŋai aŋaoŋ geig a. Ŋaiseg ilog nam ente ta ŋupalu na ya. Tia, Enti a ŋai idinag go ŋupalu yan mi ŋaisag fug mok a, ak man aŋ iŋ ta aloŋ na ya.

Matyu 3:3

Profet Aisaia tamol an niŋen o wagam mi igo ibol a, “Tamol ta san kilagun tan kawan ak lo iwagiŋ go ibol, Tubun en iŋanen dal akubunep itaot yen a.”

Matyu 5:6

Talpein enti tamolpein fidian kagin itaot digane san niŋen o yaes isofutani dan, bar iŋaneg imado da. Man dugo, iŋsan mala nouk an idaisuda wa.

Jon 4:11

Ago tag pein an Jesus irupei, “Tamol tubun en, oŋ you kapen ama tia ya. Agod you gib en kuror kasik a. Ago yak niŋen o you a kumaen san an oŋ dugon te ŋane wak i?