Biblia Todo Logo
Bib sou entènèt

- Piblisite -




Jon 6:51 - Takia

51 Ŋaiseg mi, ŋai anaŋ kumaen anda yak a kumaen panu ibiseig tan na idu ya. Talpein ta anaŋ emaiak yani dop man, iŋ mateŋ ta ile na wa, tia, iŋ pempem mi kumaen imado wa. Anaŋ en ŋaiseg tinig, tan en san tamolpein kumaen pempem san diŋane wo ŋipidinai a.”

Gade chapit la Kopi




Jon 6:51
30 Referans Kwoze  

Ago ibol itout go bret iŋaneg, Anut ilo uyan ipanig yafuteg, ipidinai dugo ibol, “Bret en ŋaineg tinig, ŋai aŋ niŋemi wo ŋiganeg idu ya. Aŋ ago agane dop ŋai ilom isou.”


Man dugo, Anut san anaŋ mok man, nek anaŋ a kumaen panu ibiseig idug, tan en san tamolpein kumaen mok ipidinai dan nek ama ya.”


Tan en san tamol ta kumaen panu lo iladu man tia ya. Tamol Nanun iŋ mi aben an lo iladu ya. Man dugo, iŋanen fun panu man tan en san tia ya, tia, gubak mi iŋ Anut da dumado gug, kumaen panu ibiseig idug tan na ilasa ya.


Iŋsen id abed lo muruan isini a, an lo idsad aupasek fidian an san naon lo ipasad iŋiliad tamul a. Agod iŋ wagen lo idirad go ikok tilasag iŋsan tamolpein mok tumado da. An niŋen o urat uyan uyan ak mi tigane wo yaes isofutanad a.


Nek ibol Tamol Nanun iŋsen igo woŋ, tamolpein aenta binawek urat dupani wo ta ipalu na ya, tia, aenta niŋedi wo binawek urat igane wo ipalu ya. Agod sen tinin fidian ibiseip an lo tamolpein wei mi siganen dar lo idad pe iŋal imul o dam ipalu ya.”


Dal a tiladu san an foun, agod kumaen yen yau san a. Yamel an id tiladu san dal ifutani a, ak man Jesus lo yamel an isireig dalawan id ipasi panad a. Yamel an iŋsen tinin amaiak naon iŋane ya.


Kristus iŋsen aupasek ta igane na yak bo man, Anut id abed lo iganeg iŋ aupasek tamol igo woŋ ilasa ya. Ago dop id Kristus da tutumani an lo Anut san kagin itaot mok an id ŋutud lo ilasa wa.


Iŋsen mi pat kumaen yen da. Ago dugo tamolpein iŋ diabiani ak gug Anut iŋ ipiliani a, agod iŋ malan lo pat an naon lak na geig a. Aŋ naon na au dan,


Aŋ aenta ilom apidinai san tureŋ lo mi ator a, nek ago mi Kristus ilon ipanad an lo iŋsen tinin ibisei panad a. Iŋ man nek ibol bilelek a Anut dupani wo yai digane dop iŋsan mumalun iwen siŋaokan pe lak na yaup Anut ilo uyan ipani san igo woŋ a.


“Anut iŋ tan en san tamolpein niŋedi wo imat, an niŋen o iŋanen Nanun kisaek o lian an ipanad a. An lo tamolpein iŋ o ilod lo rumok tap, ta dideg diau na wa. Tia, iŋ kumaen pempem yen san diŋane wa.


Agog dien dumasag nal tinin te yan, Jesus imasag Jon san na ipalu dugo, Jon malan yaug ile, agog ibol, “Ale dak, an Anut san sipsip nanun ipalu da. Iŋ ipalu dan lo, tan en san tamolpein sad kagin saiak fidian iragali pidinai a.


Agod id malad lo Anut iŋanen Nanun idinig tan en san tamolpein patud ipasi wo ipalu yan tile ya, agod an niŋen o tamolpein aenkadi tabol duloŋ da.


Ilo panek e ŋai niŋen o ŋabol den igo ya. Id malan malan Anut niŋen o ta tamat na ya, tia, iŋ imug id niŋed o imat a. Agod Taman san ilo wananan a idsad aupasek igane ilasa dan, Nanun iŋsen yabiani wo iganeg ipalu ya.


Idsad aupasek niŋen o Anut ilon wananan da. Ak man Kristus sen iŋsan mateŋ lo Anut ilon ago iganeg ibubarum a. Id niŋed o mi tia ya, tia, tamolpein a tan titin fidian lo dumado dugo iŋ niŋen o ilod rumok tap, sad aupasek an dam isasi yau a.


Ru an tamol nuŋon ilasag kuai isi a. Agog iŋ maŋ luluŋama lo ida mumado na ya. Rumok, Bai Anut iŋanen Nanun kisaek o lian idinig ipalu ya, ago dugo Nanun an san girager tubun ak mile ya. Ilo panek iŋ ru rumok da iŋ tinin iŋanefute ya.


Aria oŋ tamol, oŋane pein ilo pani wa, nek ibol Kristus iŋsan tamolpein ilon ipidinai dugo sen tinin ibisei pidinaig mateŋ lo idu yak ago ya.


Ŋai igo ŋabol, Kristus lo Anut iŋ tamolpein a tan titin fidian lo dumado dan, iŋsan turan muroun idirai san niŋen o urat igane ya. Agod saen ago igane yan, iŋsad aupasek fidian gigin na idiri dugo an niŋen ilon ta isou na ya. Agod iŋ bilaluŋ e id ka Anut turan muroun tilasa san en maŋ ipanama ya, ago dop maŋ awama lo an mabol ilasa wa.


Anut san ru girek lo igo ibol, talpein ŋai o ilon rumok tap, ‘you kumaen san amaiak talpein an buben ilon lo ibanai ilasa yau dop yen a.’”


Wagam Moses Isrel adi dida aben kawan ak ate dumado dugo mot dilasag, tamolpein diratai se ya. Ago yak niŋen o Moses ai igunig, mot mitilaen ta yabisag isuŋani a. Talpein mot mitilaen ile dan, imat san tia ya, tia, kumaen imado ya. Nek ago mi Tamol Nanun diabisap dusuŋani wa. An niŋen o tamolpein a fidian ŋai o ilod lo rumok dan, iŋ kumaen pempem san diŋane wa.


Ta iŋ Anut nanun ilon lo rumok tap, iŋ kumaen pempem yen san iŋane la ya. Gug iŋ a Anut Nanun patun ipani dan, iŋ kumaen pempem yen san ta ile na wa. Man ata wo? Anut san tiŋae saiak iŋ lo yen da.


“Ŋai rumok nuŋon mi ŋurupaiaŋ da. Talpein enti iŋ ŋaisag ru iloŋ dugo, Anut ŋai idinag go ŋupalu yan ilon lo rumok dan, Anut ru ibol pe talpein an ideg yau ak ta mok igane na wa. Tia, talpein an kumaen pempem san iŋane la ya, iŋ mateŋ san dal ibisei lag, gamu kumaen san dal lo itor da.


Agog Jesus irupudaig ibol, “Ŋaiseg mi anaŋ kumaen san. Ta iŋ ŋaisag na ipalu tap, iŋ fon imatigen san tia ya. Ta iŋ ŋai o ilon lo rumok tap, iŋ you o ilon igos san tia ya.


Saen Jesus, iŋsen anaŋ lak na yak ibiseig idu yen ago ibol dugo, Juda adi iŋ tiŋaed saian go iŋ niŋen o duŋurŋur se ya.


Rumok nuŋon mi ŋai ŋurupaiaŋ da, talpein iŋ ŋai o ilon lo rumok an, iŋ kumaen pempem san iŋane la ya.


Ŋai mi anaŋ kumaen pempem san.


Gug ente anaŋ a kumaen panu ibiseig idu yan yen da, ago dugo talpein enti a anaŋ an yani dan mateŋ ta ile na wa.


Agod dam, talpein enti a gamugo imat dugo ŋai o ilon lo rumok dan, iŋ pempem mateŋ ta ile na wa. Oŋ an o ilo rumok ak i?”


Swiv nou:

Piblisite


Piblisite