Jon 6:38 - Takia

³⁸ Man dugo, ŋai kumaen panu ŋubuseig ŋadu yen seg ilog nam kulob ŋigane wo ta ŋadu na ya. Tia. Bai a ŋai idinag go ŋupalu yan mi, iŋanen ilobol ŋuri ŋupani wo ŋadu ya.

Jon 6:38 Referans Kwoze

Jon 5:30

Ŋai seg ilog nam mel ta ŋigane san man dabai amag tia ya. Ŋai bitinaek ŋigane den man Bai sen irupaiag ago mi ŋiŋane da, an niŋen o ŋaisag bitinaek man uyan a. Man ata wo, ŋaiseg ilog ŋurig, urat ta ŋigane na da, tia, a iŋ ŋai idinag go ŋupalu amaiak ilon mi ŋiri wo yaes isofutanag da.

Jon 4:34

Gug Jesus irupidaig ibol, “Ŋaisag anaŋ man igo ya, ŋai Bai idinag go ŋupalu yan iŋanen awan ŋuri ŋupanip, iŋanen urat ŋiganep itout pasik a, an mi ŋaisag mel tubun a.

Jon 3:31

Tamol iŋ lak nag idu yan iŋ yaŋan tubun geig a, mel fidian iŋ paen na dumado da. Tan en san tamol man iŋ tan en san ru mi ka ibol ilasa wa. Gug tamol a kumaen panu log idu yan man fidian iriŋanai a.

Jon 6:33

Man dugo, Anut san anaŋ mok man, nek anaŋ a kumaen panu ibiseig idug, tan en san tamolpein kumaen mok ipidinai dan nek ama ya.”

Jon 3:13

Tan en san tamol ta kumaen panu lo iladu man tia ya. Tamol Nanun iŋ mi aben an lo iladu ya. Man dugo, iŋanen fun panu man tan en san tia ya, tia, gubak mi iŋ Anut da dumado gug, kumaen panu ibiseig idug tan na ilasa ya.

Hibru 5:8

Iŋ man gidad Anut Nanun bo man, madai isini se yan lo awa yabek kagin iloŋ uyan a.

Rom 15:3

Agod Kristus iŋsinanen ilo ibol an ta iri na da. Tia, iŋ muruan dam isini da. Ru girek lo na igo ibol, “O Anut, tamolpein a dupaio saian an iŋsad tiŋae saiak an ŋai ŋisini a.”

Efesus 4:9

(“Iŋ lak na isuda yau” ru an fun dugo yak i? An fun man iŋ imug mi tan en lo ipalu idu ya.

Matyu 20:28

Nek ibol Tamol Nanun iŋsen igo woŋ, tamolpein aenta binawek urat dupani wo ta ipalu na ya, tia, aenta niŋedi wo binawek urat igane wo ipalu ya. Agod sen tinin fidian ibiseip an lo tamolpein wei mi siganen dar lo idad pe iŋal imul o dam ipalu ya.”

Jon 3:17

Man dugo, Anut iŋanen Nanun tan na iganeg ipalu yan, iŋ tamolpein bitinaek lo idiraip naon muruan ipidinai wo ta ipalu na ya. Man tia. Iŋ ipalu yan lo tamolpein patud ipasi dop, pitiŋinek aben lo ta diau na wa.

Jon 5:19

Jesus irupidaig ibol, “Ŋai rumok nuŋon mi ŋurupaiaŋ da, Nanuk man iŋ sen ilon nam mel ta igane san tia ya. Tia, iŋ Bai san banin leil ipani dugo, kagin naok dugo yak igane dan ago mi iŋ dam igane wa. Man dugo, urat dugo Bai igane dan mi Nanun dam igane da.

Jon 6:29

Ago tag Jesus awad yabig ibol, “Anut san ilo sou lo urat agane man igo ya, tamol emaiak iŋ iganeg ipalu yan mi aŋ iŋ o ilom lo rumok a.”

Jon 6:42

Ago dugo iŋ dubol, “En dugudo i? Tamol an man Jesus, Josef nanun, id iŋsan tinan taman dam taloŋ a. Ago gug en dugog iŋ kumaen panu ibiseig tan na idu ibol di?”

Jon 6:57

Bai kumaen imado dan iŋ ŋai idinag go ŋupalu ya, agod ŋai Bai san wagen lo kumaen ŋumado da. Nek ago mi, talpein iŋ ŋai iniag dan, ŋaisag wageg lo kumaen iŋane wa.