Jon 6:37 - Takia

³⁷ Tamolpein fidian ensauta a Bai ipanag dan, iŋ ŋaisag na dupalu wa. Ago dop ensauta a ŋaisag na dupalup dida mumado wan, ŋai iŋ ŋukudai diau san tia geig a.

Jon 6:37 Referans Kwoze

Matyu 11:28

“Aŋ fidian urat dabai geig agane dugo ilom isali dan, agod muruan tubun mi asini dan, ŋaisag na apalu dop, ŋai aŋ tinim yaes ibal uyanan san ŋupanaŋ a.

Jon 6:39

Agod Bai a ŋai idinag go ŋupalu yan iŋsan ilon man, tamolpein e ŋai ipanag en luluŋad lo talpein kisaek ideg yau o man imoi a. Tia, an fidian nal wadan lo dop, ŋufufunaip kumaen dumasa wak ilon ago yen da.

Jon 17:24

“O Bai, ŋai ilog man igo ya, aben a ante ŋai ŋumado wan, ante dam tamolpein a oŋ murnap panag an ŋai dida mumado wa. Ago dop ante iŋ ŋaineg girager dam dile wo ŋusumiano da. Tan en tia lo oŋ ŋai o umat go girager en panag a. Girager an iŋ fidian dile wo ilog tubun mi ibol da.

Jon 17:6

“Ŋai oŋsa fu mok, tamolpein a tan en lo sikatai go ŋai panag en ŋukubiaig dile ya. Iŋ oŋsa la ya, an niŋen o ŋai panag a. Agog oŋsa ru an dam kagin dupani da.

Jon 17:2

Man dugo, ŋai dabai panag la yen ate tamolpein fidian ŋai tuog paen na dumado wa. Tamolpein a oŋ ŋai panag an, iŋ kumaen pempem yen yau san ŋupidinai a.

Hibru 4:15

Dugo, idaned pris malan te tubun ak idsad muruan funfun niŋen o ilo muŋanek ipanad san ta idaisuda na yak i? Tia, iŋ tamol naok ago tia ya. Man dugo, bitinaek naon funfun id lo ipalu dan ago mi iŋ lo dam yau da, ago gug iŋ aupasek ta igane man tia ya.

2 Timoti 2:19

Ago bo man, Anut bag iguni an yau imul san tia ya. Agog fufo girek en igire ya, “Anut enti iŋsan an iloŋ siŋaokan a.” Agod fon, “Enti iŋ Tubun ak muroun ago ibol tap, kagin saiak saiak fidian patun ipani wa.”

1 Timoti 1:16

Ak man ŋai iŋsan ilo muŋanek ŋiŋane san fun man igo ya. Jesus Kristus iŋ iliad funad oŋ dan san kagin iŋ lo man tubun geig a. An niŋen o ŋai lo imug iŋsan ilo muŋanek kuai tem ikubiai panag a, an lo tamolpein a ilodi rumok dan lo kumaen pempem san diŋane wan, ŋai iŋsad tinanou igo woŋ ŋilasa ya.

Jon 6:65

Iŋ ru ibateg ibol, “Nek fun amaiak niŋen o, ŋai imug mi aŋ igo ŋurupaiaŋ; Talpein sen ilon nam ŋaisag na ipalu san tia ya, tia, ŋaineg Bai tamol an idaisuda mi igane ilasa gup ka ipalu wa.”

Rom 5:20

Anut kubiaeŋ Moses ipani an dugo wak i? Iŋ kubiaeŋ a ipani man fun, aupasek naok wei mi kuai te ilasa wa. Ak gug, saen aupasek tubun ilasa dugo, nek saen an lo mi ilo muŋanek dam ilasag tubun geig go aupasek san dabai iriŋani a.

Revelesen 22:17

Awan Ur iŋ Sipsip Nanun san pein da Jesus durupeig ago dubol, “Oŋ palu.” Agod talpein enti buk en lo ru iloŋ dan iŋ dam ka ibol, “Oŋ palu.” Talpein enti kulagun igos pe iluk o imat dop, iŋ ka ipalup you kumaen san an naon tia kawan iŋane wa.

1 Jon 2:19

Tamol malan an idsad doup lo dilasag diau a. Iŋ dubusawad man fun iŋ id muroud tia ya. Aria id muroud ak man ta dubusawad na wa. Gug id dubusawad an lo kuai tem tile taloŋ ak, an id muroud tia ya.

Hibru 7:25

Ago yak niŋen o tamolpein a iŋ lo Anut sumeik dupani dan patud ipasi pasik anen idaisuda ya. Man dugo, iŋ pempem imado dan niŋen iŋ waged lo Anut igudani da.

Matyu 24:24

Man dugo, kristus sewak, iŋ profet sewak adi dida dilasa wa, ago dop iŋ kulob girager tubun ak, agod mel naon senamo geig ak tamolpein malad lo dukubiaip dile wa. An lo dop iŋ tamolpein a Anut ipilianai la yan dam dirawaip lo diau dudu wo ago maeg digane wa. Ago bo man dirawai san ta idaisuda na wa.

Filipai 1:29

Man dugo, Anut bar uyan ak ta ipanaŋ a. An man aŋ Kristus o ilom lo rumok a. An mi tia, aŋ dam iŋ damon lo madai asini wa, bar an dam ipanaŋ a.

Jon 17:11

Ŋai tan en ŋibiseip, oŋsa na ŋupalu wo da. Gug iŋ ete tan na dumado wa. O Bai, oŋ gun ak, oŋane yaŋa dabai, nek ŋai panag en, an lo idaned tamolpein kaginad gane dop, iŋ kisaek mi dumado wa, nek ŋai oŋ da tumado dak ago mi a.

Jon 9:34

Ru an niŋen o Juda gurman adi tiŋaed saian go dupei, “Oŋane tina iginiosi dugo, aupasek oŋ tini iŋanefute la ya! Ago tag, ata wo oŋ maŋ piteŋanama wo gane di?” Ago dubol go kuai te dubal ilasa yau a.