Jon 5:38 - Takia

³⁸ Iŋanen ru dam aŋ lo tia ya. Man dugo, Bai ŋai idinag go ŋupalu ya, ago gug ŋai o ilom lo ta rumok na ya.

Jon 5:38 Referans Kwoze

1 Jon 2:14

O tamag muroug, aŋ man iŋ fun lo mok imadog ipalu yan aloŋ uyanan ak niŋen o ru en ŋigire da. O aŋ pinein foumi, girek en aŋsam na ŋigire den man fun igo ya, aŋ dabai amam da, Anut san ru aŋ lo yen da, agod Satan san dabai abi idu ya.

Jon 15:7

Gug aŋ ŋai lo amado dop, ŋaisag ru aŋ lo yen dop man, aŋanem ilom ibol ak ago mi mel niŋen o asumianag dop, ŋai ŋupanaŋ a.

Jon 8:37

Ŋai ŋaloŋ ak, aŋ Abraham malan kubulan. Ago bo man aŋ ŋai afunag ŋamat san dal ale wo malam agane da. Man dugo, aŋ ilom lo ŋaisag ru en aben ta ate ka yen san tia ya.

Jon 1:11

Iŋsinanen tan lo ipalu ya, ago gug muroun muroun an iŋ diŋane man dumoi.

Kolosi 3:16

Ru a Kristus niŋen o aloŋ an aŋanep bubem ilon lo aganep idaisuda wa. Aŋ bubem lo ru an urat isini wa. Kankan milaen ak nam nug apiteŋani dop nug ru kagin arupei wa. Isrel kanam bar an abi, kanam bar aenta dam abi, Awan Urgun bar ikubiai panaŋ an dam abi; ilom bubem tinim fidian lo Anut niŋen bar abi wa. Aŋ ago agane dop Anut ilo uyan apani wa.