Jon 5:28 - Takia

²⁸ “Aŋ mel an niŋen o arut saian amoi, man dugo, nal idu dan te dop, tamolpein a fidian sad mutou lo dien dan iŋsan awan duloŋ a,

Jon 5:28 Referans Kwoze

Revelesen 20:12

Ago dugo ŋai tamolpein yaŋad aman da yak, tamolpein kawan a dam dumat la yan ŋeil a. Iŋ kiŋ san kalik naon na dutur se ya. Kot san buk awad dupasi dugo, buk taidam awan dupasi a. An man kumaen san buk. Gubak mi kulob dugo dugo tamolpein digane na yan, an fidian buk lo digire ya. Aria, gamu Anut iŋ buk an ilod lo ile dugo, ru dugo digireg yen den iri panim, ago mi tamolpein dumat la yan sad kagin naok naok atem, naon atem itaot mok ipidinai se ya.

Filipai 3:21

Iŋ iganep idsad tinid tan en san dabai an tia yan ibileksap, iŋsinan tinin kumaen panu san girager aman da ago mi ak ipanad a. Iŋ idaisuda dop mel fidian idiraig iŋ paen na dumado yan, an san dabai lo id tinid ibileksap girager panu san tinik tiŋane wa.

1 Korint 15:22

Id fidian man Adam malan kubulan, an niŋen o id fidian tamat a. Nek ago mi, tamolpein a fidian Kristus lo dumado dan, Anut murnap ifufunaip fon kumaed dumasa da wa.

Jon 3:7

Gug oŋ foun lasa wo ŋabol dan niŋen o oŋ masa saian umoi.

Jon 5:20

Taman iŋ Nanun o imat go, urat fidian igane dan ikubiai panig ile iloŋ a. Awo, aŋ amasa saian san urat tutubun geig ak taida ŋigane wo ikubiai panag a. An urat e gamu igane den iriŋani geig dop arut saian a.

Jon 4:21

Ago tag Jesus irupei, “O pein, ru e ŋurupaio den ilo lo rumok pe wabi. Nal ta idu dop, ate Bai Anut san ubou leil an did en fo, agod Jerusalem lo dam, ta agane na wa.

Aposel 3:12

Saen Pita ago yil tag irupidaig ibol, “O Isrel tamol adi, aŋ ata wo kulob en aleg amasa saian i? Ata wo ago aliama dak i? Nag aŋ ilom lo maŋsiganema dabai lo, tia, maŋsiganema Anut kagin lo tamol en ŋien mukubune abol dak i?

Jon 4:23

Gug nal ta idu wo yan gamu nek e ilasa la ya, ante man tamolpein ensauta a kagin nuŋon ak lo mi Anut san ubou an dile dan, Urgun lo, agod ru rumok ak da, iŋ niŋen o ubou dile wa. Man dugo, Anut ensauta a ubou naok ago digane dan mi yil o abaŋad yabi da.

Jon 5:25

Ŋai rumok nuŋon mi ŋurupaiaŋ da, nal ta idu wo igo yan gamu nek e ilasa la ya. Nal an lo tamolpein gamu mateŋ san dal lo dutor dan Anut Nanun awan duloŋ a, ago dop a iŋ awan duloŋ dan, kumaen pempem san diŋane wa.

Aposel 24:15

Ŋai Anut niŋen o mala nouk ŋumado dak ago mi Juda adi e dutur den iŋsad mala nouk dam naon kisaek mi a. Mala nouk nek en lo, mitep nal ta ilasa dop lo tamolpein itaot ak, agod a ta itaot na yan dam fidian mateŋ lo dumasa da wa.