Jon 5:25 - Takia

²⁵ Ŋai rumok nuŋon mi ŋurupaiaŋ da, nal ta idu wo igo yan gamu nek e ilasa la ya. Nal an lo tamolpein gamu mateŋ san dal lo dutor dan Anut Nanun awan duloŋ a, ago dop a iŋ awan duloŋ dan, kumaen pempem san diŋane wa.

Jon 5:25 Referans Kwoze

Jon 5:28

“Aŋ mel an niŋen o arut saian amoi, man dugo, nal idu dan te dop, tamolpein a fidian sad mutou lo dien dan iŋsan awan duloŋ a,

Efesus 5:14

Fun an niŋen o ru e ilo rumok adi dubol den taloŋ a, “Oŋ tamol a wen dan, masa. Oŋ mutou lo wen dan masa dop, Kristus iŋ lilaman ipano wa.”

Jon 4:23

Gug nal ta idu wo yan gamu nek e ilasa la ya, ante man tamolpein ensauta a kagin nuŋon ak lo mi Anut san ubou an dile dan, Urgun lo, agod ru rumok ak da, iŋ niŋen o ubou dile wa. Man dugo, Anut ensauta a ubou naok ago digane dan mi yil o abaŋad yabi da.

Revelesen 3:1

“Oŋ ru ta girep taun Sardis na Kris midaeŋ sad eŋel malan te yan san na yau a. Ru man igo ya. Tamol enti Anut san Ur seven aman da dugo patui seven dam iburou dan, ru en aŋsam na iganeg ipalu da. Ŋai aŋ kulob fidian agane dan ŋaloŋ la ya. Tamolpein aŋ niŋemi wo igo dubol da, ‘midaeŋ en malad kumaen dumado da,’ ak gug aŋ amat pasik a.

Jon 8:47

Ta iŋ Anut san tap, Anut awan iloŋ dop iri wa. Aŋ Anut awan ta aloŋ na dan fun man, aŋ Anut san tia ya.”

Kolosi 2:13

Gubak mi aŋ gob mi a, aŋ aupasek kagin lo ator dugo, Juda sad muluŋ lo adu man tia ya. An niŋen o aŋ ŋutumi imat ak igo amado ator se ya. Ak man saen Anut Kristus kumaen foun ak ipani man, kumaen foun ak ipanaŋ go an lo aŋanem ŋutumi dam kumaen dilasa ya. Agod idaned aupasek fidian isuas yau a.

Efesus 2:1

Gubak mi aŋ aupasek agane dugo kubiaeŋ dam ariŋani se ya. Agog an lo ŋutum dam imat ak, ago mi amado na ya. Gug saen aŋ aupasek lo ator se yan lo iŋ iganeg aŋ kumaen amado ya.

Rom 6:4

Fun amaiak niŋen o idsad suguek an lo id iŋ da mateŋ san gib lo disiriad a. Amaiak lo nek ibol Kristus Taman san girager tuon lo yabisag imasa yak igo woŋ, nek ago mi id dam kumaen foun amad da tator a.

Jon 8:43

Ata wo aŋ ru e ŋabol den niŋen o ilom itarpasi san ta idaisuda na yak i? Fun igo ya, aŋ ŋaisag ru ŋabol den aloŋ san kududom itau aman a.

Jon 5:21

Ata wo? Taman iŋ tamol dumat ak fon iburousap kumaen ipidinai san iloŋ a. Nek ago mi Nanun dam iŋ sen ilon ibol ak atem, enti kumaen ipani wan ago igane wa.

Luk 15:24

Man dugo, ŋai nanug en imat ŋabol ak gug gamu afon kumaen imado da. Gubak mi ideg yau ŋabol ak gug gamu afon ŋileg ŋiŋane ya.’ Agog muguruŋ tubun ak fun digane ya.

Luk 9:60

Ago tag Jesus ru naon irupeig ibol, “Tamolpein a iŋsed ŋutudi lo dumat la yan bisawai dop, iŋsiganed tubabun an ka disiriai idu wa. Oŋ waup, Anut san kagin panek niŋen tamolpein naod na ubol ilasa dop duloŋ a.”

Jon 4:21

Ago tag Jesus irupei, “O pein, ru e ŋurupaio den ilo lo rumok pe wabi. Nal ta idu dop, ate Bai Anut san ubou leil an did en fo, agod Jerusalem lo dam, ta agane na wa.

Luk 15:32

Ak man gidad gamu ilod uyan dop muguruŋ tigane wa. Man dugo, oŋ tei en imat ŋabol gug, gamu fon imado da. Iŋ ideg yau gug fon imul ipalu ya.’”

Jon 17:1

Jesus ru an ibol itout dugo malan lak na isidag, ibol, “Bai, ŋaisag nal idu la ya. Oŋ nanu yaŋak tubun ak panip, iŋanen bunun kuai te gane ilasa wa, an lo Nanu dam oŋ yaŋak tubun ak ipanop, oŋane bunu kuai te igane ilasa wa.

Jon 13:1

Pasova ad nanek tumanek gamugo ilasa dugo, Jesus tan en ibiseip Taman san na yau san saen sumeik an iloŋ a. Iŋanen tamolpein tan en lo dumado den ilon ipidinai a. An niŋen o gamu iŋsan ilo panek tubun a iŋ niŋedi wo yan ikubiaip dile san ago ilon yen da.

Jon 6:60

Ganurek tamol adi wei mi ru an duloŋ go igo dubol, “Ru en muruan kasik a, enti ru an ka iŋane wak i?”

Jon 9:27

Iŋ ibol, “Ŋai gubak mi ŋurupaiaŋ la ya, gug aŋ aloŋ an amoi. Aŋ ata wo aloŋ da wo asumianag di? Dag aŋ dam iŋsan megeloum alasa wo abol duboi i?”