Jon 3:34 - Takia

³⁴ Man dugo, Tamol a Anut idinig idu yan, iŋ awan Anut san awan aban mi iŋiŋeŋ da. Ata wo? Anut iŋ Ur kabelan ka Tamol an ta ipani na da, tia, iŋsan Ur tubun mi iŋ lo awan isa wa.

Jon 3:34 Referans Kwoze

Aposel 10:38

Jesus Nasaret tamol Anut ipilianig, iŋ fo Urgun dabai da iganeg idu yan aŋ aloŋ a. Iŋ panu panu itor dugo binawek igane dugo, talpein enti ta ur saian sad gurman paen na dumado dan ikubuniai se ya. Man dugo, Anut iŋ da dumado na ya.

Jon 15:26

“Gug ŋai Binawek Tamol ŋiganep idu wa. Iŋ Awan Urgun, ago dugo iŋ dam ru rumok ak san fun. Iŋ Bai san na ilasap, aŋsam na ipalu wa. Agop iŋ ŋai fug kuai te ibol dop aloŋ a.

Matyu 12:18

“En man ŋaisag urat tamol, ŋaiseg mi ŋupiliani a, ŋaineg bubeg mok, iŋ niŋen o ilog bulbal da. Ŋai ŋaisag Ur iŋ lo ŋigane wa, agod dop iŋ tamolpein aben fidian lo dumado dan sad na bitinaek Anut san nag ipalu dan niŋen o ibol ilasa wa.

Kolosi 2:9

Man dugo, Anut san bunun fidian an Kristus tinin iŋanefute ya.

Jon 5:26

Bai iŋ kumaen san taman imado dak ago mi Nanun dam iŋ kumaen an ipani a, an niŋen o iŋ dam kumaen san fun imado da.

Luk 4:18

“Tubun en san Ur ŋai lo imado da. Man dugo, ŋai tamolpein kawan filiad tia yan, ru uyanan ak ŋurupidaip duloŋ o ipilianag a. Iŋ ŋai idinag go ŋupalu man, tamolpein ru igo ŋurupidai a: a Satan isubanai an ŋai ka ŋupasaip kuai te dilasa wa, a malad itapul idu yan fon abaŋ ka dile wa, a tamolpein sen ak banid lo muruan dile dan, ŋai iŋsad muruan ŋigane itout a.

Kolosi 1:19

Man dugo, Anut sen iŋanen bunun an fidian, Nanun aman da wo ilon yen a.

Rom 8:2

Man dugo, id tamolpein Jesus Kristus da tumado den kubiaeŋ foun en paen na tumado da. Kubiaeŋ en man kumaen san Ur igane ya. Aria, kubiaeŋ en id aupasek mateŋ da sad kubiaeŋ lo isubanad an kuai fo idirad tilasa ya.

Jon 7:16

Ago tag Jesus iŋ ru naon igo ibol irupudai, “Ŋai ru e ŋabol ŋurupaiaŋ den man ŋaisag ru tia ya. Tia, en Anut ŋai idinag go ŋupalu yen iŋsan ru ŋabol aloŋ da.

Jon 3:17

Man dugo, Anut iŋanen Nanun tan na iganeg ipalu yan, iŋ tamolpein bitinaek lo idiraip naon muruan ipidinai wo ta ipalu na ya. Man tia. Iŋ ipalu yan lo tamolpein patud ipasi dop, pitiŋinek aben lo ta diau na wa.

Jon 1:16

Iŋsan ilo muŋanek tubun mok iŋ lo awan isa ya, an lo binawek wei mi an iŋanen banin dibiseig id fidian tiŋane na ya.

Efesus 3:8

Gidad, ŋai Anut san tamolpein luluŋad lo, tamol kawan ak igo woŋ ŋumado bo man, iŋ ŋai ilon ipanag go urat emaiak ipanag a. Urat en man, Kristus san bunun uyanan a taloŋ san id ta idaisuda na yan niŋen o, gob adi naod na kuai te ŋabol ilasa dop duloŋ a.

Jon 8:47

Ta iŋ Anut san tap, Anut awan iloŋ dop iri wa. Aŋ Anut awan ta aloŋ na dan fun man, aŋ Anut san tia ya.”

Revelesen 22:1

Agog eŋel en ŋai you tubun ak ta ikubiaig ŋile ya. You en kumaen san, iŋsan lilaman nek ibol galas oŋ a. You en Anut iŋ Sipsip Nanun da sad kalik paen na ilasa dugo,

Jon 16:7

Ŋai rumok ŋurupaiaŋ da, ŋai aŋ ŋubisawaŋ pe ŋau o dan, aŋ o uyanan a. Ŋai gidad ŋau a. Ta ŋau na tap, aŋ Ur Binawek San an ta aŋane na wa. Ak man ŋai ŋau dop man, Ur Binawek San an ŋiganep, aŋsam na ipalup, ida amado wa.

Revelesen 21:6

Agod iŋ igo ŋai irupaiag a, “Melmel fidian dilasa la ya. Ŋai mi malan te ŋumado dak, ago mi murna dam ŋumado wa. Ŋai mi fun, agod ŋai mi wadan. Gidad talpein ta kulagun igos dop, ŋai you kumaen san e sen ibanai den ŋiŋanep, naon tia kawan ŋupanip iluk a.

Jon 8:40

Ŋai ru rumok Anut san na ŋiŋane an mi ŋurupaiaŋ aloŋ da. Ago bo man aŋ ŋai afunag ŋamat o agane da. Abraham kagin naok ago yan ta igane na ya.

Aposel 1:2

saen ibisawamag Anut giraŋen na yau an san ŋiŋeŋ itout a. Gamugo imat dugo Urgun san dabai lo aposel ipilianai an ru kagin irupidaig duloŋ a.