Jon 19:13 - Takia

¹³ Pailat siseiŋ tubun mi ago iloŋ tag, iladug, Jesus kuai te iganeg ilasa. Iŋ ru tulek tamol san badim fo imasi a. Aben an yaŋan Pat Aten dubol da, Hibru ru lo Gabata dubol da.

Jon 19:13 Referans Kwoze

Matyu 27:19

Mel taida mi, saen Pailat iŋ tulek tamol san kalik fo imasig imado dugo, iŋsan pein san na ru igane ipalug igo ibol, “Oŋ mel ta tamol e itaot aman en niŋen o ta gane na wa. Man ata wo? Gamu na ŋai ŋioŋamin ta lo ŋile dugo iŋ niŋen o madai wei mi ifunag na ya.”

Aposel 4:19

Gug Pita Jon da awad diabig dubol, “Aŋsem mi mel en abitinaep ale wa. Dugon Anut malan lo uyan ak i? Dugo, aŋanem awam kagin mupani wak i? Tia, Anut awan kagin mupani wak i?

Jon 19:8

Pailat ru ago iloŋ go, ilon tubun mi irer se ya.

Luk 12:5

Ŋai tamol niŋen o arer san ŋurupaiaŋ da. Anut mi niŋen o arer a. Iŋ tamol tinin ifuni imat pe ŋutun dam ka ibal yai lo yau a. Awo, rumok ŋurupaiaŋ da, iŋ mi niŋen o arer a!”

Jon 5:2

Jerusalem man pat nam ar dufou dulubani a. Ar san dalawan wei mi dien da. Dalawan ta “sipsip sad dalawan” dubol dan te you saltek ta yen da, Hibru ru lo yaŋan Betesda dubol da. You an aen te lalai miriau faiv ate dien da.

Jon 19:17

Agog Pailat san yu gurman adi Jesus diŋaneg, iŋsinanen aigim isinig, dida Jerusalem dibiseig diaug, aen ate tan biŋaboŋ ta, yaŋan “kabuŋan kapen san aben” dubol dan ate dilasa. Hibru ru lo yaŋan Golgota dubol da.

Jon 19:20

Iŋ Hibru, Latin, Grik ru lo igire ya. Aben a Jesus ate dubali an man Jerusalem giraŋen na ya, an niŋen o Juda wei mi girek an dusuti se ya.