Jon 18:20 - Takia

²⁰ Agog Jesus ru naon igo ibol, “Ŋai ru fidian tamolpein kuai te mi ŋurupidaig duloŋ na ya. Nal wei mi Juda sad tumanek aben lo, tempel lo dam, ante maŋau ŋupiteŋanai se ya. Ru ta mianuk lo ŋabol man tia ya.

Jon 18:20 Referans Kwoze

Jon 7:26

Ak ale, iŋ malak malak ru kuai tem ibol ilasa da. Gug gurman ta awan ipuk go ru ta ipani na da. Dag iŋ ilod lo duloŋ uyan ak iŋsen Kristus i?

Matyu 4:23

Aria Jesus aben Galili ilon lo fidian itiliani pasik go sad ubou ab ilon lo maŋau ipiteŋanai dugo, Anut iŋanen kagin panek an san bilaluŋ dam malak malak ifulale se ya. Saen an lo tamolpein ilod lo subam naon funfun fidian agod ŋied banid ikikai an ikubuniai idu se ya.

Luk 21:37

Nal anen anen atem Jesus tempel san ar ilon lo tamolpein maŋau ipiteŋanai se ya, agog gurai idug bubun a Did Oliv dubol dan fo yaug ante ŋioŋ yabi se ya.

Jon 7:4

Talpein ta iŋ malak malak yaŋak tubun ak iŋane wo tap, iŋ mianuk lo urat dabai tutubun ak igane san tia ya. Oŋ kulob igo yak gane wo tap, waup, tamolpein fidian malad lo gane wa.”

Luk 4:15

Iŋ panu panu sad ubou ab lo ipiteŋanai dugo tamolpein fidian yaŋan diabisa se ya.

Matyu 26:55

Saen amaiak lo Jesus ager tamol an igo irupidai, “Enta wo aŋ sabiri iŋ ai tok da asinig aliag pe abiag o apalu yak i? Ak dugo, ŋai wagai adi dida gabman mabi idu san gurman igo woŋ aŋ ago ilom isou di? Nal fidian ŋai tempel aben lo ŋumasi dugo tamolpein ŋupiteŋanai se ya, ak gug ŋai ta abiag na ya.

Matyu 9:35

Jesus panu fidian agog taun fidian lo itilianig itor se ya. Iŋaned ubou ab fidian ilod lo ipiteŋanai go aben gidigidad lo Anut san kagin panek an san bilaluŋ uyanan ak niŋen o ibol ilasa se ya. Agod subam naok funfun an fidian dam ikubuniai na ya.

Jon 8:26

Saen ŋai aŋ kot lo ŋidiraŋ dop, ru wei mi ŋupanaŋ a. Ak man ŋai seg ilog nam ago ŋigane san tia ya. Tia, Enti a ŋai idinag go ŋupalu yan, iŋsan kagin rumok geig a, iŋ ŋaisag ru dabai ipani wa. Ŋai tan en lo ŋumado dugo, ru a iŋ ibol dugo ŋaloŋ ak ago mi tan en san tamolpein ŋurupidaip duloŋ a.”

Jon 8:2

Tidom lom mok iŋ imul fon tempel lo yau dugo, doup tubun ante dumado yan dupalug dulubani a. Ago tag iŋ imasig Anut san ru ipiteŋanai a.

Jon 7:28

Agog Jesus nek ate tempel ilon lo mi imado se man, tamolpein maŋau ipiteŋanai dugo, iwagiŋ go ibol, “Awo, aŋ ŋai aloŋ a, agod ŋai dugon teg ŋupalu yan dam aloŋ abol da. Ago gug aŋ ŋai aŋaoŋ geig a. Ŋaiseg ilog nam ente ta ŋupalu na ya. Tia, Enti a ŋai idinag go ŋupalu yan mi ŋaisag fug mok a, ak man aŋ iŋ ta aloŋ na ya.

Jon 7:14

Aria, dumado yaug tumanek san saen titiŋae gug, Jesus iŋ tempel ilon lo iladug tamolpein maŋau ipiteŋanai a.

Matyu 26:65

Agog pris gurman, ru an niŋen o imasa saian go, iŋsan ilo muruan an kuai te ikubiai dile wo iŋanen kulos irasireg igo ibol, “Iŋ Anut yaŋan malan isue ya. Gidad, tamol taidam, tamol en san kagin niŋen o dubol ilasa san id ta tigiai na wa. Man dugo, gamu geig iŋanen ru lo Anut yaŋan malan isue yan aŋsemi aloŋ a.

Aposel 26:26

Kiŋ Agripa, iŋ mel amaiak fidian iloŋ siŋaokan ak niŋen o ŋai ŋaloŋ ak iŋ naon na seg ipiranag dop ŋiŋiŋeŋ o ta ŋarer na wa. Ŋai ilog isou ak, dugo ilasa yan fidian luluŋad lo mel ta kisaek man, kiŋ Agripa mel an niŋen o ta iŋaoŋ na ya. Man dugo, mel an fidian mianuk lo dilasa man tia ya.

Matyu 24:26

“Amaiak niŋen o talpein ta aŋ durupaiaŋ pe dubol, ‘Ale, iŋ onte aben kawan talpein tia yak ate imado da!’ Iŋ ago dubol tap, aŋ ante ta au na wa. Nag igo dubol, ‘Ale, ab on san galuŋ ilon lo mok imado da!’ Aŋ ilom ta rumok na wa. Tia geig a.

Mak 8:32

Jesus ru an kuai te ibol irupidai a. Ago tag Pita iŋaneg ida gigin na diaug ru dabai nam Jesus ipei a.

Jon 6:59

Ru an, saen Jesus Kaperniam na ubou ab ilon lo imado dugo, ipiteŋanai a.

Jon 18:21

Fun an niŋen o ata wo ŋai sumianag dak i? Tamolpein ensauta a ŋai awag duloŋ an sumianai gup, ŋai awag aban dubol dugup uloŋ a.”