Jon 17:25 - Takia

²⁵ “O Bai, oŋ itaota mok, gidad tan en san tamolpein oŋ duloŋ man tia ya, ago gug ŋai oŋ ŋaloŋ a. Ago dugo ŋaisag adi oŋ ŋai dinag go ŋupalu yan duloŋ a.

Jon 17:25 Referans Kwoze

Jon 17:11

Ŋai tan en ŋibiseip, oŋsa na ŋupalu wo da. Gug iŋ ete tan na dumado wa. O Bai, oŋ gun ak, oŋane yaŋa dabai, nek ŋai panag en, an lo idaned tamolpein kaginad gane dop, iŋ kisaek mi dumado wa, nek ŋai oŋ da tumado dak ago mi a.

Jon 17:8

Ru fidian ŋai panag an iŋ ŋupidinaig, diŋane ya. An lo iŋ duloŋ fufei mok, ŋai oŋsa nag ŋupalu ya, ago dugo oŋ ŋai dinag go ŋupalu yan dam ilod lo rumok a.

Jon 15:21

Ŋai niŋeg o aŋ diliaŋ saian pe kagin naok ago yak aŋ lo digane wa. Man ata wo? Bai ŋai idinag go ŋupalu yan, iŋ ta duloŋ na ya.

Jon 7:29

Gug ŋai mi iŋ ŋaloŋ a, man dugo, ŋai iŋsan na ŋilasa ya, agod iŋ ŋai idinag go ŋupalu ya.”

Jon 16:27

Tia, Bai iŋsen aŋ niŋemi wo imat da. Amaiak niŋen o iŋsen aŋ awam iloŋ a. Man dugo, aŋ ŋai o amat go Bai san na ŋumadog ŋupalu yan, ilom lo rumok a.

Hibru 8:11

Nal en lo ta luluŋad lo turan boi, tia, tein boi, ipiteŋanip ibol, ‘Tubun en uloŋ,’ an ago ta ibol na wa. Man dugo, iŋ fidian ŋai duloŋ uyanan a. Tamol yaŋad tia yan, agod tamol yaŋad anda yan, dam fidian ŋai duloŋ a.

2 Korint 4:4

Tamolpein an tan en san tubud Satan, iŋsad ilo sou yabi idu yan lo, tamol malad itau igo woŋ dilasa ya. An niŋen o lilaman iŋsad na ipalu dan dile san tia ya. Lilaman an man Kristus san girager, an bilaluŋ uyanan ak ilon lo yen da. Agod Kristus man naon Anut naon igo ya, ago gug an dile san tia ya.

Jon 10:15

nek ibol Bai ŋai iloŋ dugo, ŋai iŋ ŋaloŋ ago mi a. Ŋaiseg tinig en sipsip niŋedi wo ŋubusei idu wa.

Jon 8:55

Aŋ iŋ ta aloŋ na yak bo man ŋai iŋ ŋaloŋ a. Ak ŋai iŋ ta ŋaloŋ na yak ŋabol ak man, ŋai sewak tamol, nek aŋ igo mi a. Gug rumok, ŋai iŋ ŋaloŋ a, ago dugo iŋ awan kagin ŋupani da.

Luk 10:22

“Ŋai Tamag iginiag go mel fidian sad tamad ŋilasag ŋumado da. Tamol ta iŋ Anut Nanun ta iloŋ na ya, nek Taman iŋsen mi a. Agod tamol ta iŋ ŋai Tamag ta iloŋ na ya, nek ŋaiseg mi, agod tamol nek amaiak Nanun iŋsinan ilobol lo mi Taman ikubiai pani wa.”

Revelesen 13:8

Tamolpein fidian tan en lo emaiak mel kasik en dugudanip ubou an dile wa. Ak man warou kisaek mi ago ta digane na wa. Warou an man, tamolpein fidian nek a, tan en gamugo ilasa dugo, Anut iŋaned yaŋadi buk lo igire idu ya. An man Sipsip Nanun dufunig imat ak iŋanen kumaen san buk nek ama ya. Aria, tamolpein nek an mi mel kasik an san ubou ta dile na wa.

1 Jon 1:9

Ak man iŋ awa urek san tamol, agod itaot geig a, amaiak niŋen o id idsad aupasek an kuai te tabol ilasa tap, idsad aupasek an fidian isasi yau dop, ilod lo kagin itaot tia yan fidian ipasi dop ikok tilasa wa.

2 Tesalonaika 1:8

Saen an lo, iŋ iŋanen pani naon iŋsen lo inawai geig ak da imul a. Ago dop tamolpein ensauta a Anut ta duloŋ na, agod tamolpein ensauta a bilaluŋ Tubun ak Jesus niŋen o ilo rumok adi dufulaleg duloŋ gug ta duri na yan dam, naon saian geig ak ifuli ipidinai a.

1 Korint 15:34

Malam ipuk, aŋanem kankan akubunep afon aupasek ta agane na wa. Ŋai itaot ŋurupaiaŋ da, aŋ aenta Anut aŋaoŋ da, an aŋanem miai.

1 Korint 1:21

Man dugo, Anut iŋsinan kankan milaen an lo iŋanen ilo girek igo ya. Tan en san tamolpein iŋsiganed kankan milmilae an lo Anut duloŋ san tia ya. Tia, Anut ilon igo ibol dak man, ru burau a maŋ mabol ilasa na yan lo mi, tamolpein ensauta a ru an ilod lo rumok an, patud ipasi a.

Rom 3:26

Fun iŋ ago igane man, saen gamu en lo iŋsen bitinaek lo kagin itaot ak mi igane dan id ikubiaip tile wa, agod iŋ talpein a Jesus o ilon rumok dan itaot igane ilasa wa.

Rom 3:11

Talpein ta kankan milaen aman da man tia ya, agod talpein ta Anut abaŋan ta yabi na da.

Rom 1:28

Taida mi, iŋsad ilo sou lo, iŋ Anut duloŋ man mel kawan ak dubol a, an lo iŋsad maŋau Anut niŋen o yan diabi sakar o dumoi dugo, banid lo ilasag ideg yau a. Fun an niŋen o Anut afon yabianai da ya. Ago man iŋsad ilo sou saian geig an digane ilasag, an lo fun diganeg kagin sisaiak ak sensen an mi digane se ya.

Aposel 26:18

Oŋ iŋ malad wafutep, tidom tubun lo yak lilaman lo dupalu wa. Satan san tuon lo yak Anut san na diau a. Agop iŋsad ilo rumok ŋai lo iŋaned aupasek isasi pidinai a, agod tamolpein a Anut itaot idirai dilasa yan luluŋad lo aben ta diŋane wa.’”

Aposel 17:23

Man dugo, saen ŋai aŋsam taun ilon lo ŋitiliani ŋator se man, malag yaug melmel a lo ubou amad ale dan ŋeil a. Ago dugo alta ta fufo girek ta igo digire yak ŋile ya. Girek an igo ya, ‘Alta en tubud enti id ta taloŋ na yak san a.’ Aria, gamu tubud a ta aloŋ nag ubou an ale dan, gamu aŋsam na ŋabol ilasa wo da.

Jon 17:23

Ŋai iŋ lo ŋumado dop, oŋ ŋai lo mado wa. An lo nek ibol id ilod kisaek mi ak igo woŋ, iŋ dam ilod kisaek mok o ŋamat da. Agop tamolpein tan en san oŋ ŋai dinag go ŋupalu yan duloŋ a. Ago dop oŋ ŋaisag tamolpein niŋedi wo umat dan, ŋai o umat dak ago mi gane yan, an dam tan en san tamolpein duloŋ a.

Jon 17:21

Ŋai ilog man, iŋ fidian ilod kisaek mi dumado wa. Oŋ ŋai lo mado dak, agod ŋai dam oŋ lo ŋumado da, nek ago mi iŋ dam id da sisem tumado wo ŋugudano da. Ago tap, tamolpein tan en san oŋ ŋai dinag go ŋupalu yan ilod lo rumok a.

Jon 17:18

Nek ibol oŋ ŋai dinag go tan en lo ŋilasa yan ago mi, ŋai dam iŋ ŋidiraig tan en san tamolpein luluŋad lo diau a.

Jon 17:3

Kumaen pempem yen yau san man nek en. Iŋ oŋ Anut kisaek o lian duloŋ a, agod iŋ ŋai Jesus Kristus oŋ dinag go ŋupalu yan dam duloŋ a.

Jon 16:30

Gamu en maŋ maloŋ fufei ak, oŋ mel fidian uloŋ pasik a. An niŋen o ta iŋ oŋ isumiano wo mala igane san tia ya. An lo oŋ Anut san nag palu yan maŋ iloma lo rumok a.”

Jon 16:3

Gug iŋ man ŋai Bai da ta duloŋ na yak niŋen o ago digane wa.

Jon 8:19

Ago tag iŋ dusumiani, “Oŋane tama dugon te imado di?” Agog Jesus awad yabig ibol, “Aŋ ŋai ta aloŋ na ya, ŋaineg Tamag dam ta aloŋ na ya. Aŋ ŋai aloŋ ak man, ŋaineg Tamag dam aloŋ a.”

Jon 6:19

An lo iŋ wog lo dufulanig diaug kitekan asau mi, 5 kilomita ago dugo, Jesus you aten fufo na wog naon ipanig ipalu dugo dile ya. An niŋen o direr saian geig a.

Jon 3:17

Man dugo, Anut iŋanen Nanun tan na iganeg ipalu yan, iŋ tamolpein bitinaek lo idiraip naon muruan ipidinai wo ta ipalu na ya. Man tia. Iŋ ipalu yan lo tamolpein patud ipasi dop, pitiŋinek aben lo ta diau na wa.

Jon 1:18

Tamol ta Anut kitek ile man tia geig a. Gug Anut a kisaek o lian an, Taman giraŋen na imado na ya, iŋ tan na ipalug Taman ikubiai panad go taloŋ a.

Matyu 16:16

Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”

Matyu 11:27

“Melmel fidian man ŋaineg Tamag iŋ ŋai tuog lo idiri a. Tamol ta iŋ Anut Nanun ta iloŋ na ya, nek Taman iŋsen mi a. Agod tamol ta iŋ ŋai Tamag ta iloŋ na ya, nek ŋaiseg mi, gug ŋai mi tia ya, tia, tamolpein a ŋaisag ilobol lo mi Tamag ŋukubiai pidinai o yan iŋ dam ka duloŋ a.

Revelesen 16:5

An lo ŋai eŋel a tan san you fidian itirnai dan igo ibol dugo ŋaloŋ a. “O Tubud Gun, oŋ gubak mi mado yak, agod gamu dam mado da. Naon saian geig amaiak oŋ tamolpein pidinai an itaot mok a.