Jon 17:13 - Takia

¹³ “Gamu ŋai oŋsa na ŋupalu wo da. Ŋai tan na ŋumado dugo, ru en fidian ŋabol duloŋ dop, ŋaisag uyasusai iŋ ilod anuai a.

Jon 17:13 Referans Kwoze

Hibru 12:2

Id fidian malad yaup Jesus tile, iŋ mi idsad ilo rumok fun a, agod murnap iŋ mi idsad ilo rumok an iganep itaot mok ilasa wa. Iŋ aigim an san muruan ileg an patun ta ipani na ya. Tia, iŋ murnap Anut ilo uyan tubun mi ipani wan niŋen o aigim san miai an man mel kabelan igo woŋ ile ya. Ago yak niŋen o gamu iŋ Anut banin won ak ate yaŋak tubun ak iŋaneg imado da.

Galesia 5:22

Ak man Awan Urgun san nuŋon man, ilo panek, yousai, maror, mos ganek, ilo muŋanek, kagin uyanan ak gane dak, oŋane ru ganuri dak,

Jon 15:11

Ru ago ŋurupaiaŋ dan aŋ aloŋ dop, ŋaisag uyasusai aŋ ilom lo yen o ŋabol da. Agop aŋsam uyasusai an ilom lo anuap ida amado wa.

Jon 3:29

Tamol ta iŋ pein da nug diŋane tap, pein an tamol an san. Go tamol sen ak turan an patun fo sumeik itur dan iŋsan turan an awan iloŋ, an niŋen o ilon uyanan geig a. Ŋai man Kristus san turan, tamolpein iŋsan na diau dan ŋeil dop, ilog uyanan geig da.

1 Jon 1:4

Maŋ girek e migire panaŋ den lo idsad yousai awan isa wa.

Jon 13:3

Aria, Jesus iloŋ ak, Taman mel fidian iŋ tuon lo idiri a, agod Anut sen idinig ipalu gug, fon imul Anut san na yau o an dam iloŋ a.

2 Jon 1:12

Ŋai ru wei mi ŋigirep aŋsam na ŋigane ipalu wa. Ak man ŋai gau nam pepa roun lo ŋigirep ŋigane ipalu man ŋamoi a. Ago gug ŋaisag ilog yen dak, mitep ŋaiseg ŋieg nam ŋupalup id sisem nug naon tupanip tiŋiŋeŋ a. Ago dop man id sisem ilod uyanan mok a.

Rom 14:17

Man dugo, saen Anut iŋsen mi idsad Tubun ak imado man, tani taluk san niŋen o mi tia ya. Tia, id Urgun lo kagin itaot, ilo maror, uyasusai amad da tator a. Kagin nek an mi malan te ya.

Jon 16:33

Aŋ ŋai lo amado dop, ŋaisag ilo maror aŋ da amado san niŋen o ru an ŋurupaiaŋ a. Tan en san tamolpein aŋ muruan dupanaŋ ak gug, aŋ ta arut arer na wa. Tia, aŋ ilom abisa, man dugo, ŋai yu ŋigane itout go, an lo tan en san tamolpein fidian sad dabai ŋabi idu la ya.”

Aposel 13:52

Antiok na ilo rumok adi yousai agod Urgun da tinid iŋanefuteg dumado ya.

Jon 7:33

Ago dugo Jesus ibol, “Ŋai saen katukan mi aŋ da tumado wa, ago gup Enti a idinag go ŋupalu yan san na ŋau a.

Jon 17:11

Ŋai tan en ŋibiseip, oŋsa na ŋupalu wo da. Gug iŋ ete tan na dumado wa. O Bai, oŋ gun ak, oŋane yaŋa dabai, nek ŋai panag en, an lo idaned tamolpein kaginad gane dop, iŋ kisaek mi dumado wa, nek ŋai oŋ da tumado dak ago mi a.