Jon 15:24 - Takia

²⁴ Iŋ luluŋad lo ŋai kulob girager tubun geig ak ŋigane na ya. Tamol sen ta gubak mi ilasag kulob naok ago yan ta igane man tia ya. Ŋai ago ta ŋigane na yak man, Anut malan lo iŋ aupasek amad tia wa. Ak gug, gamu iŋ kulob girager an fidian dile la gug, ŋai lo, agod ŋai Tamag lo dam, siai digane dugo sama ager dumado da.

Jon 15:24 Referans Kwoze

Jon 14:9

Jesus ru naon irupei, “Filip, nal milaen mi ŋai aŋ da tumado ya. Ak dugo, en dugo woŋ go ŋai enti mok an ta uloŋ na i? Ta iŋ ŋai iliag an iŋ Bai dam ile ya. An lo, enta wo ŋai Bai ŋukubiai panaŋ o ubol di?

Jon 5:36

“Ak man mel ta ibalsiŋanag go ŋai niŋeg ibol ilasa dan, Jon san ru iriŋani a. Urat e ŋigane den, urat nek emaiak ŋigane itout o Bai banig lo iganeg ŋigane da. Urat nek en ŋai niŋeg o ikubiai panaŋ dak, Bai iŋsen ŋai idinag go ŋupalu ya.

Jon 10:37

Urat a ŋaineg Bai igane dan ŋai dam urat kisaek mi ŋigane da. Isop an rumok tia tap, aŋ ŋaisag ru an ilom lo ta rumok na wa.

Jon 10:32

Ak man Jesus irupudaig ibol, “Ŋai Tamag wagen lo kulob girager tubun geig ak wei mi ŋukubiaig ale ya. Kulob girager an luluŋad lo kulob dugo yak niŋen o amoi dop, an lo pat nam ŋai afunag o abol di?”

Jon 9:32

Talpein ta ago malan itau man tinan igansip, tamol sen ak malan ikubune yak, id kududod kulob naok ago yan imug ilasa dop taloŋ man tia ya.

Jon 7:31

Tamolpein wei mi iŋ niŋen o ilod lo rumok go ago dubol, “Tamol en tag Kristus e. Ata wo? Tamol sen ak san kulob dabai tutubun igane dan tamol en san urat iriŋani wak i? Tia geig a.”

Jon 3:2

Tamol an tidom ta lo Jesus san na yaug, irupei, “Girek Maŋau, maŋ maloŋ ak Anut oŋ idinog maŋsama na girek maŋau igo palu ya. Man dugo, tamol enti a Anut ida dumado dan mi, kulob tubun tubun a oŋ gane dan iŋ ka igane wa. Iŋ Anut san tia dop man, urat a gane dan igane san tia ya.”

Matyu 9:33

Jesus tamol an ilon lo ur saiak an ikudi man, tamol an iŋiŋeŋ kisaek oŋ a. Agog tamolpein a dutumanig dumado dan kulob an dileg durut saian go dubol, “Mel tutubu naok ago yak imug mi Isrel na ta ilasa na ya.”

Jems 4:4

Aŋ Anut abisei ak ibol dal dal pein iwon ibisei ak igo woŋ a. Aŋ ta aloŋ na yak, aŋ tan en niŋen o amat tap, aŋ Anut san ager. Agog tamol enti tan en san turan imado wo tap, iŋ Anut patun ipanip Anut san ager igo woŋ a.

2 Timoti 3:4

iŋaned turadi ager banin lo didirai dan, silei tamol dilasa kisaek oŋ dan, iŋ ŋai ŋai kagin lo man da isuda geig a. Iŋ Anut o ta dumat na da, tia, tan en san mala bulbal mi niŋen o yaes ifunai da.

Rom 1:30

uf kagin, Anut dile saian san kagin, silei kagin, ŋai-ŋai kagin agod se pitianoi kagin. Iŋ kulob saiak digane wo dal abaŋ dile da, iŋ tinad tamad awad kagin ta dupani na da.

Aposel 10:38

Jesus Nasaret tamol Anut ipilianig, iŋ fo Urgun dabai da iganeg idu yan aŋ aloŋ a. Iŋ panu panu itor dugo binawek igane dugo, talpein enti ta ur saian sad gurman paen na dumado dan ikubuniai se ya. Man dugo, Anut iŋ da dumado na ya.

Aposel 2:22

“O Isrel tamolpein, kudom agure! Anut aŋ naom na ikubiaig ale yak, iŋ Nasaret tamol Jesus an uyan ipani a. An dugo woŋ i? Anut sen kulob girager agod urat dababai funfun kob igo woŋ tamol an lo idiri dugo ale na ya. Melmel an aŋ luluŋam lo tamol an tuon lo dilasa dugo aŋ an fidian aloŋ a.

Jon 12:45

Nek ago mi, ta ŋai iliag dan, iŋ ŋai mi ta iliag na da. Tia, iŋ Bai a ŋai idinag go ŋupalu yan dam ile da.

Jon 6:36

Ago yak man ŋai aŋ ŋurupaiaŋ la ya, aŋ ŋai aliag la yak gug, aŋ ŋai o ilom lo ta rumok na ya.

Luk 24:19

Ago dugo Jesus isumianai, “So mel ta?” Iŋ ru naon durupei, “Muruan nek a Nasaret tamol yaŋan Jesus dubol dan lo ilasa amaiak niŋen o mabol da. Tamol an iŋ profet. Iŋsan ŋiŋeŋ, urat dam dabai anda igane se ya. Anut, iŋ tamolpein dida dupitiani na ya.

Mak 2:12

Agog tamolpein malad lo man, tamol an imasa kisaek oŋ go san kapal yabisag isinig kuai te ilasa ya. An lo man iŋ fidian durut saian mok dugo Anut yaŋan diabisa dugo dubol, “Maŋ kulob ta naok igo yak gubak mi mileu man tia geig a!”

Matyu 21:32

Man ata wo? Jon imug aŋ kagin itaot ak san dal ikubiaip ale wo, sam na ipalu ya. Ak man aŋ ilom ta rumok na ya. Ak gug takis ŋilaŋal tamol, agod dal san pein adi dam, iŋ ilod lo rumok a. Gidad aŋ ago ale bo man, ilom lo ta rumok na, agod ilom dam ta ibileksa na ya.”

Matyu 11:5

malad itau ak afon abaŋ dile dugo, ŋied saian ak afon tureŋ diabi dugo, a tinid lepra amad da yan tinid siŋaokan dilasa ya. Kududod itau ak ŋiŋeŋ afon duloŋ dugo, a dumat ak kumaen dumasag dumado dugo, agod tamolpein mel amad tia yak bilaluŋ uyanan ak ŋufulale pidinai dugo duloŋ da.

Jon 12:10

Ago tag Juda sad pris gurman adi iŋ Lasarus dam dufunip imat san palaŋ an dumari se ya.

Jon 9:41

Jesus ibol, “Aŋ malam tia yak man, aupasek amam tia wa. Ak man aŋ malam ipuk ak abol dan lo aŋsam aupasek yen da.”

Jon 15:21

Ŋai niŋeg o aŋ diliaŋ saian pe kagin naok ago yak aŋ lo digane wa. Man ata wo? Bai ŋai idinag go ŋupalu yan, iŋ ta duloŋ na ya.

Jon 15:22

Ŋai ŋupalug, ŋurupidaig, iŋsad aupasek kuai ŋupani dugo dile ya. Ŋai ta ŋupalu na yak man, iŋ aupasek amad da yan duloŋ san tia ya. Gug ŋai ŋupalug, iŋaned saian kuai te ŋurupidaig duloŋ ak niŋen o, gamu sad aupasek an dimiani san tia geig a.

Jon 15:23

Ta iŋ ŋai lo siai igane dan man, iŋ Bai lo dam siai igane da.

Jon 16:9

Iŋaned kagin saiak san fun man iŋ ŋai lo ilod ta rumok na ya.