Jon 15:22 - Takia

²² Ŋai ŋupalug, ŋurupidaig, iŋsad aupasek kuai ŋupani dugo dile ya. Ŋai ta ŋupalu na yak man, iŋ aupasek amad da yan duloŋ san tia ya. Gug ŋai ŋupalug, iŋaned saian kuai te ŋurupidaig duloŋ ak niŋen o, gamu sad aupasek an dimiani san tia geig a.

Jon 15:22 Referans Kwoze

Jon 9:41

Jesus ibol, “Aŋ malam tia yak man, aupasek amam tia wa. Ak man aŋ malam ipuk ak abol dan lo aŋsam aupasek yen da.”

Jems 4:17

Tamol enti mel uyan ak igane san iloŋ, go ta igane na tap, kagin naon ago man aupasek anda ya.

Aposel 17:30

Id fidian tiŋaoŋ dugo kagin ago tigane na yan san saen lo Anut iliad funad se ya. Gug gamu man Anut ru dabai nam tamolpein fidian irupidai dop, ilod ibileksap iŋaned kagin saiak an patud dupani wa.

Rom 1:20

Fun lo mok Anut tan en iganeg yen ipalug gamu saen en lo man, iŋsan bunun imianuk yen an walal te igane ilasa ya. An igo ya, iŋ Anut mok a, agod iŋsan dabai pempem yen yau da. Mel uraru en kuai te tamolpein ka dile duloŋ a, iŋsan dabai, agod iŋsan mel idiri an lo banin mitilaen ka dile wa. Ago bo man iŋ Anut dumoi a. Fun amaiak niŋen o iŋ Anut malan lo sed idiraip itaot dilasa wo digane san dal ta yen na da.

Jon 12:48

Ta iŋ ŋai imoi dugo ŋaineg ru ta iŋane na dan, ru e ŋabol den man iŋsan bitinaek tamol oŋ imado wa. Man dugo, ru e ŋabol en, saen wadan lo gup, ru an mi iŋ ibitinae dop yabi idu wa.

1 Pita 2:16

Tamol iŋsen kisaek imado dak igo woŋ, aŋ ago amado wa. Ak gug, an lo amianuk dop kagin saiak saiak ta agane na wa. Tia, nek Anut san urat tamol mok igo amado wa.

Rom 2:1

Oŋ enti talpein sen ak kagin sisaiak igane dan bitinaek lo ganeg iŋ lo ru sue dan, dugo, oŋ Anut malan lo kagin a gane dan fun an tia ya. Tia geig a, man dugo, oŋ talpein sen ak ta lo ru sue yak gug, kagin sisaiak a talpein a igane dan oŋ dam kagin naon kisaek ago gane da. Amaiak niŋen o oŋse bitinaek lo iginio dugo se ibio udu wau da.

Luk 12:46

Urat pinein an san gurman nal agod auwa dam ta iloŋ na dop ipalu wa. An lo dop tamol tubun en ipalu saltik oŋ pe urat pinein an ibaltiti idu wa. Ago dop awa parsisalek tamol adi luluŋad lo iganep dida dumado wa.”

Jon 19:11

Jesus ru naon igo ibol, “Anut dabai ipanog lo oŋ ka ŋai bilag ŋadu san. Tia dop, oŋ mel ta saian ak giniag san dabai ama tia ya. Fun amaiak niŋen o, tamol a ŋai oŋ tuo lo iginiag an, iŋsan aupasek oŋsa aupasek en iriŋani a.”

Jon 15:23

Ta iŋ ŋai lo siai igane dan man, iŋ Bai lo dam siai igane da.

Jon 15:24

Iŋ luluŋad lo ŋai kulob girager tubun geig ak ŋigane na ya. Tamol sen ta gubak mi ilasag kulob naok ago yan ta igane man tia ya. Ŋai ago ta ŋigane na yak man, Anut malan lo iŋ aupasek amad tia wa. Ak gug, gamu iŋ kulob girager an fidian dile la gug, ŋai lo, agod ŋai Tamag lo dam, siai digane dugo sama ager dumado da.

Jon 16:9

Iŋaned kagin saiak san fun man iŋ ŋai lo ilod ta rumok na ya.