Jon 14:9 - Takia

⁹ Jesus ru naon irupei, “Filip, nal milaen mi ŋai aŋ da tumado ya. Ak dugo, en dugo woŋ go ŋai enti mok an ta uloŋ na i? Ta iŋ ŋai iliag an iŋ Bai dam ile ya. An lo, enta wo ŋai Bai ŋukubiai panaŋ o ubol di?

Jon 14:9 Referans Kwoze

Kolosi 1:15

Anut Nanun man Anut a id malad nam tile san tia yan san mitilaen imado da, iŋanen mitilaen nuŋon mok a. Iŋ Anut anen nanun matu, agod mel fidian a Anut idiri an taman imado da.

Jon 12:45

Nek ago mi, ta ŋai iliag dan, iŋ ŋai mi ta iliag na da. Tia, iŋ Bai a ŋai idinag go ŋupalu yan dam ile da.

Jon 14:7

Aŋ ŋai aloŋ dop man, ŋaisag Bai dam aloŋ a. Nek gamu tumado yau den lo, aŋ ŋai Tamag o aŋaoŋ dan ago ilom isou man amoi, man dugo, iŋ aloŋ agod ale la ya.”

Hibru 1:3

Iŋsen iŋ Anut san lilaman iŋ lo yen dan isapudadeg Anut san girager tubun an kuai te ikubiai tile ya. Iŋsan bunun an nek Anut sinan bunun mok igo ya. Agod iŋsinan ru dabai an nam mel fidian igane ilasag yen yau da. Iŋ tamolpein sad aupasek isuas yau san dal ikubuneg itout a, ago gug iŋ kumaen panu lo Anut lak na yak iŋanen banin won ak lo imasig imado ya.

Jon 10:30

Ŋai Tamag da fuma kisaek a.”

Jon 1:14

Ru an tamol nuŋon ilasag kuai isi a. Agog iŋ maŋ luluŋama lo ida mumado na ya. Rumok, Bai Anut iŋanen Nanun kisaek o lian idinig ipalu ya, ago dugo Nanun an san girager tubun ak mile ya. Ilo panek iŋ ru rumok da iŋ tinin iŋanefute ya.

Filipai 2:6

Iŋsen man Anut mok igo imado dugo, iŋ Anut da tou kisaek dumado na ya. Ago bo man yaŋan lak na geig an yabi sakar o kankan ta igane na ya.

Jon 14:20

Nal an lo gup, ŋai Bai lo ŋumado dan, aŋ ŋai lo amado dan, ŋai aŋ lo ŋumado dan aloŋ uyanan a.

Mak 9:19

Iŋ ru naon irupidaig igo ibol, “Aŋ ilo rumok amam tia, nal sapta ŋai aŋ da tumado wak i? Nal sapta muruan apanag dan ŋisinip yau ak i? Nanuk an igo aŋane apalu.”

Luk 12:56

Aŋ sewak tamol. Aŋ abaŋ lak na yak ale dop fun aloŋ da. Tan na dam abaŋ ale dop, fun aloŋ da. Ak man ata wo melmel gamu ilasa dan fun ta aloŋ na dak i?”

1 Korint 15:12

Aria, maŋ Kristus mateŋ lo fon kumaen imasa da yan murupaiaŋ se yan rumok tap, en ata wo aŋ luluŋam lo tamolpein aenta, tamolpein a dumat la yan iŋ fon kumaed dumasa san tia dubol dak i?

Jon 8:19

Ago tag iŋ dusumiani, “Oŋane tama dugon te imado di?” Agog Jesus awad yabig ibol, “Aŋ ŋai ta aloŋ na ya, ŋaineg Tamag dam ta aloŋ na ya. Aŋ ŋai aloŋ ak man, ŋaineg Tamag dam aloŋ a.”

1 Jon 5:20

Id mel en dam taloŋ ak, Anut Nanun ipalug, an lo id Tubud a iŋ Tubud rumok ak taloŋ san niŋen o maŋau ipanad a. Rumok, id a Tubud rumok ak iŋ da tumado dan, iŋsan Nanun Jesus Kristus dam ida tumado da. Kristus iŋsen mi man Anut rumok ak, agod iŋ lo dam kumaen an pempem yen yau da.