Jon 13:22 - Takia

²² Iŋ ago ibol dugo, iŋanen megeloum Jesus ru an lo enti isue dan diŋaoŋ geig a, an niŋen o sed nug dile yau imul dugo awad itau dumado ya.

Jon 13:22 Referans Kwoze

Luk 22:23

Agog iŋsed nug dusumiani, “Enti mok ago Jesus lo igane wak i?”

Mak 14:19

Ru an duloŋ go ilod muruan idu ya. Agog iŋsed kisaek kisaek Jesus dusumianig dubol se, “Dugo ŋai tia i?” Ago ago dubol yau se ya.

Matyu 26:22

An lo na ilod muruan geig dugo, anen anen dusumianig dubol, “O Tubun ak, ŋai i?”

Matyu 26:21

Iŋ anaŋ diani dugo igo ibol, “Ŋai rumok ŋurupaiaŋ da. Aŋ lulaŋam lo tamol kisaek, ŋai ager adi tuod lo iginiag ŋau a.”

Mak 14:18

Saen iŋ sisem tebol giraŋen na dumasig anaŋ diani dugo, Jesus igo ibol, “Ŋai rumok ŋurupaiaŋ da, tamol ta ete ŋai da anaŋ tani tumado den, iŋ ŋai ager adi banid lo iginiag ŋau a.”

Luk 22:21

Gug aloŋ. Aŋ luluŋam lo tamol ta ŋai ager banid lo iginiag an banin, ŋai banig da tebol en fo dien da.

Jon 13:18

“Ak man, ru an aŋ fidian mi niŋemi wo ta ŋabol na da. Tia, ŋai tamol ensauta a ŋupilianai an ŋaloŋ a. Ŋai ru ago ŋabol, an lo Anut san ru iŋanen buk lo yen dan nuŋon ilasa dop ale wa. Ru an ibol, ‘Tamol ta iŋ ŋai da sisem munuai dan, iŋ ŋai iparfunag o ŋien gumin yabisa ya.’

Jon 13:21

Jesus ru ago ibol itout dugo, ilon tubun kasik muruan idug, ru kuai te igo ibol, “Rumok nuŋon mi ŋurupaiaŋ da. Aŋ luluŋam lo ta kisaek man iŋ ŋai ager tamol banid lo iginiag ŋiladu wa.”