Jon 11:55 - Takia

⁵⁵ Aria, Juda sad nal tubun ak Pasova tumanek dubol dan sumeik a. An niŋen o panu sensen an san doup wei mi dupalug Jerusalem na dutumani a. Man dugo, iŋsed ikubuniaip Anut malan lo iŋ ikok dilasa san niŋen o ago digane ya.

Jon 11:55 Referans Kwoze

Jon 12:1

Nal 6 itout dop, tumanek ta tubun Pasova dubol dan san nal idu wa. Gug nal an gamugo dugo Jesus Betani panu na yau a. An Lasarus tamol a mutou lo ifufunig imasa yak san panu.

Jon 6:4

Nal an man Juda sad nal tubun, tumanek tubun san nal Pasova dubol dan san saen sumeikan a.

Jon 2:13

Aria, Juda sad tumanek tubun ak, Pasova dubol dan san saen sumeik tag, Jesus imasag Jerusalem na yau a.

Jems 4:8

Anut siŋiren na au dop iŋ aŋ siŋirem na ipalu wa. Aŋ aupasek tinami, banim afulani. Aŋ bubem raru raru amami, bubem akubune pasik pe ikok yen a.

1 Korint 11:28

Fun an niŋen o talpein sen ikubiani ile la gup, murna bret yanip gab lo iluk a.

Aposel 24:18

Saen an lo, ŋai midaeŋ lo ikok ŋilasa la gug tempel lo ŋator dugo diliag a. Ago dugo ŋai atna doup ta dida mumado man tia, agod leiŋ dam tia ya.

Jon 18:28

Tidom lom mikinik anda Jesus diŋaneg Kaiafas san ab dubuseig, dida gabman gurman malan te yak, yaŋan Pailat dubol dan, iŋsan gabman san ab lo diau a. Pailat man iŋ Juda tia, iŋ Rom tamol. An niŋen o Juda adi ago dubol, “Kabelan iŋsan ab lo tisidap mel ta tabi dop, Anut malan lo sed nun ipanad pe, an lo idsad tumanek Pasova en lo anaŋ tani san tia banau.”

Jon 13:1

Pasova ad nanek tumanek gamugo ilasa dugo, Jesus tan en ibiseip Taman san na yau san saen sumeik an iloŋ a. Iŋanen tamolpein tan en lo dumado den ilon ipidinai a. An niŋen o gamu iŋsan ilo panek tubun a iŋ niŋedi wo yan ikubiaip dile san ago ilon yen da.

Jon 5:1

Murnag Juda adi sad tumanek nal tubun ak ta ilasa wo dugo, Jesus dam Jerusalem na yau.

Jon 2:6

Ab an lo bod tubun tubun ak 6 dutur dan ate you disirip, Juda sad kagin lo mi ŋied banid dufulani da. Bod kisaek kisaek an ate you 90 lita boi, tia, 140 lita boi, ago lo you disiraip dien da.

Mak 14:1

Tumanek tubun ak yaŋan Pasova dubol dan san saen idu san, nal uraru o lian yen da. An itout gup, tumanek aenta yaŋan Bret Yis Aman Tia ak San Soubul dubol dan ilasa wa. Pris gurman adi agod kubiaeŋ san girek maŋau adi iŋ dal ta pasak nam ate Jesus diabip dufuni imat san niŋen o abaŋ diabi se ya.

Matyu 26:1

Jesus ru mitilaen en fidian ibol itout go iŋanen megeloum irupidaig ibol,

Matyu 26:2

“Aŋ aloŋ ak, Pasova san ad nanek idu san man nal uraru mi yen da. An lo dop Tamol Nanun ager banid lo diganep aigim fo dubali wa.”

Luk 22:1

Bret yis an tia yak san soubul, yaŋan Pasova, san saen sumeik.

Aposel 21:24

Iŋ promis an digane itout san saen gamu ya. Ago yak niŋen o dida aup, promis digane itout dan san midaeŋ lo aladup, malak malak lo dida gun alasa wa. Ago dop iŋsad promis itout san naon sapta dubol dop udad pidinai a. Ago dop iŋ ka gurmad didawi yau a. An lo dop tamolpein oŋsa ru fidian duloŋ na yan rumok tia yak dubol a. Man dugo, oŋse dam oŋ Moses san kubiaeŋ kagin pani da.

Aposel 21:26

Ago tag dien dumasag Pol tamol an iŋal go Anut malan lo sed idiraig gun dilasa ya. Murnag Pol tempel lo iladug, iŋsad midaeŋ an itout san nal kob ipani wo pris ta irupei a. Nal 7 itout gup, iŋ anen anen Anut yai digane pani o dam irupei a.