Jon 10:18 - Takia

¹⁸ Tamol ta iŋ ŋai iginiag ŋamat san man tia ya. Tia, ŋaineg ilog ibol ak atem ŋaiseg tinig ŋibisei pidinai a, ago gup fon ŋiŋane da wan san dabai ŋai tuog lo yen da. Bai sen ŋai ago ŋigane wo ibol a.”

Jon 10:18 Referans Kwoze

Hibru 2:9

Gug id Jesus mi tile da, iŋ saen katukan mi Anut iŋ eŋel paed na imado wo igane ya. Agod ilo muŋanek Anut ipanad dan niŋen o iŋ tamolpein fidian abed iŋaneg mateŋ ile ya. Mateŋ an lo na iŋ madai ikubiani a, fun an niŋen o gamu id tile yak iŋ yaŋak tubun ak girager da iŋane ya.

Taitus 2:14

Iŋsen id abed lo muruan isini a, an lo idsad aupasek fidian an san naon lo ipasad iŋiliad tamul a. Agod iŋ wagen lo idirad go ikok tilasag iŋsan tamolpein mok tumado da. An niŋen o urat uyan uyan ak mi tigane wo yaes isofutanad a.

Jon 10:17

Bai ŋai niŋeg o imat mok dan san fun man, ŋaiseg tinig ŋibisei wak gup, fon ŋiŋane da wa.

Jon 14:31

Ŋai ilog man igo ya. Ŋai tan en san tamolpein fidian ŋukubiaip dile dop duloŋ uyanan ak igo, ŋai Bai o ŋamat a, ago dugo ata ru Bai irupaiag an mi ŋiri uyanan da. Aria, amasap tau.”

Jon 6:38

Man dugo, ŋai kumaen panu ŋubuseig ŋadu yen seg ilog nam kulob ŋigane wo ta ŋadu na ya. Tia. Bai a ŋai idinag go ŋupalu yan mi, iŋanen ilobol ŋuri ŋupani wo ŋadu ya.

Jon 15:10

Ŋai Bai san ru kagin ŋuri ŋupani ak niŋen o, iŋsan ilo panek lo ŋumado da. Nek ago mi aŋ ŋaisag ru kagin an ari apani dop man, aŋ ŋaisag ilo panek lo mi amado wa.

Jon 10:11

“Ŋai sipsip sad titianek uyanan mok a. Titianek tamol uyanan mok man, iŋsinan tinin iŋanen sipsip niŋedi wo igane idug imat a.

Aposel 3:15

Aŋ tamol a id kumaed tumado san fun amaiak afunig imat a. Ak gug Anut mateŋ an lo ifufunig, afon kumaen imasa da ya. Agog kulob an maŋ malama nam mile ya.

Aposel 2:24

Gug mateŋ Jesus yabituani san tia tag Anut iŋ ifufunig, fon kumaen imasag mateŋ san madai tuon lo ipasi a.

Jon 5:30

Ŋai seg ilog nam mel ta ŋigane san man dabai amag tia ya. Ŋai bitinaek ŋigane den man Bai sen irupaiag ago mi ŋiŋane da, an niŋen o ŋaisag bitinaek man uyan a. Man ata wo, ŋaiseg ilog ŋurig, urat ta ŋigane na da, tia, a iŋ ŋai idinag go ŋupalu amaiak ilon mi ŋiri wo yaes isofutanag da.

Aposel 2:32

Anut Tubun ak Jesus nek amaiak mateŋ lo ifufunig, kumaen imasa da ya. Agod mel an maŋ fidian sema malama lo mile ya.

Jon 19:11

Jesus ru naon igo ibol, “Anut dabai ipanog lo oŋ ka ŋai bilag ŋadu san. Tia dop, oŋ mel ta saian ak giniag san dabai ama tia ya. Fun amaiak niŋen o, tamol a ŋai oŋ tuo lo iginiag an, iŋsan aupasek oŋsa aupasek en iriŋani a.”

Jon 10:15

nek ibol Bai ŋai iloŋ dugo, ŋai iŋ ŋaloŋ ago mi a. Ŋaiseg tinig en sipsip niŋedi wo ŋubusei idu wa.

Jon 5:26

Bai iŋ kumaen san taman imado dak ago mi Nanun dam iŋ kumaen an ipani a, an niŋen o iŋ dam kumaen san fun imado da.