Hibru 5:13 - Takia

¹³ Aloŋ uyan, enti iŋ su mi iluk o igane dan, iŋ kagin itaot san ru niŋen o iŋaoŋ da, man dugo, iŋ nanuk mi a.

Hibru 5:13 Referans Kwoze

1 Pita 2:2

Aŋ ibol nanuk foun ak igo woŋ, su ta dukubuli na yan Urgun ipanaŋ an aluk o amat geig a. Aŋ ago agane dop man ka atalbusi dop an lo sasau a Anut ipanad an aŋane wa.

1 Korint 14:20

Teig taog, aŋ nanuk igo woŋ ilom ago isou yau dan amoi a. Aŋ nek ibol nanuk adi kagin saiak digane san ta duloŋ uyan na yak igo, aŋ dam kagin naok an lo uŋaoŋ am amado wa. Aŋanem kankan lo man, aŋ nek tamol busumak igo woŋ amado.

2 Timoti 3:16

Girek gun an fidian Anut san Awan Ur ilon lo yen da. Amaiak niŋen o, dal wei mi lo ibinawad dan igo ya, mel a rumok an ikubiai panad san, kagin saiak tabi idu san, kududod tabi san, agod kagin a Anut malan lo itaot an ikubiai panad san mi a.

Efesus 4:14

Wagam id nanuk oŋ tumado na ya, id wog igo woŋ beig san bururuk gidigidad iriad ila iso se ya. Gug id Kristus oŋ tilasa wo dop, id afon nanuk oŋ ta tumado na wa. Man dugo, imug mi kagin en id Kris tamolpein luluŋad lo yen a. Tamol ta supalek ru nam piteŋanek foun foun ak dupanad a. Piteŋanek an Kris tamolpein iduduwai dugo ilo sou uyan ak san dal ifutani da. Tamol an dal funfun lo dirawai dugo dal saian ak lo didirai diau da. Teig taog, id fon ago ta tilasa na wa.

1 Korint 3:1

Teig taog, saen ŋai malmalan aŋsam na ŋupalu yan, tamolpein Urgun san ak igo aŋ da tiŋiŋeŋ san tia ya. Tia, aŋ tan en san tamolpein igo woŋ, nek ago mi ŋai aŋ da tiŋiŋeŋ se ya. Man dugo, gidad aŋ Kristus lo amado bo man, aŋ nek ibol nanuk adi a iŋaned tinadi gamu geig didiraisi ak igo woŋ a.

2 Korint 3:9

Man dugo, kontrak wagam an tamolpein idiraig dideg diau a. Ago bo man iŋsan saen lo girager tubun yen na ya. Amaiak niŋen o kagin itaot ak san saen e gamu yen den lo, nal en san girager amaiak nal imug ak san girager iriŋani a, agod lak na geig yau a.

1 Korint 13:11

Saen ŋai nanuk tusag man, ŋai nanuk igo woŋ ŋiŋiŋeŋ se ya. Agod ŋai nanuk igo woŋ ilo sou ŋigane dugo ilog igire se ya. Ak man saen ŋai tamol tubug man, ŋai nanuk sad kagin ŋigane se yan fidian patug ŋupani a.

Mak 10:15

Ŋai rumok nuŋon ŋurupaiaŋ da. Talpein enti nanuk igo woŋ Anut san kagin panek iŋane tap, iŋ Anut san kagin panek aben ilon lo ka iladu wa. Ak gug iŋ nanuk oŋ ilasa wo imoi tap, iladu san tia geig a.”

Matyu 11:25

Saen an lo Jesus ago ibol, “O Bai, oŋ kumaen panu agod tan en dam sad Tubun ak, ŋai oŋ ilo uyan ŋupano wo da, en ata wo? Oŋ melmel en mianaig an lo tamolpein a maŋau amad da yan, agod tamol kankan milaen amad da yak dam melmel en duloŋ san tia geig a. Ak gug tamolpein iŋ nanuk kititik oŋ dumado dan melmel en kubiai pidinaig duloŋ o uyanan a.

Rom 2:20

oŋ tamol burau ak sad ulumbek tamol ubol, agod oŋ nanuk sad girek maŋau mado dak ubol tap, agod oŋ kubiaeŋ ilon lo mi maŋau mok ak iŋ ru rumok da yen dugo ule uloŋ ak ubol tap,

2 Jon 1:11

Man dugo, talpein a tamol naok ago yak ilo uyan ru irupei dan, kulob an lo iŋsan urat saian an iŋ da sisem disini wa.