Hibru 3:12 - Takia

¹² An niŋen ŋai teig taog, kagin agane wa. Kabelan aŋ luluŋam lo ta iŋ buben ilo sou saian aman dap, ilon lo rumok tiap, Anut kumaen pempem san an patun ipani banau.

Hibru 3:12 Referans Kwoze

Hibru 12:25

Kagin agane, enti iŋ iŋiŋeŋ dop awan ta aparsisali na wa. Tamol a tan en lo ru kagin irupidai dugo awan duparsisali na yan lo, muruan an diriŋani man tia ya. Aria, Enti a kumaen panu lo imado dugo ru kagin irupaiad dan, id iŋsan awan tiparsisali tap, tasol tau san tia geig a.

1 Korint 10:12

Ago yan lo, oŋ utur sakar dan ago ilo isou dop man, kagin gane wa, kabelan oŋ udup udeg wau banau.

Hibru 10:38

Gug ŋaisag tamol itaot an ilo rumok lo mi imado wa, gug iŋ isuk imul tap, ŋaisag ŋutug lo iŋ o man ilog ta uyan na wa.”

Hibru 12:15

Kagin agane, kabelan talpein ta aŋ luluŋam lo Anut anen ilo panek ipanaŋ an yabigule banau. Kabelan talpein ta, dulun gigen ak igo aŋ luluŋam lo isap, an lo talpein fidian bubed igane saian banau.

Hibru 3:10

Fun amaiak niŋen ŋai iŋ niŋedi wo tiŋaeg saian go ago ŋabol, ‘Iŋsad bubed lo iŋ pempem dal senamo diau da, agod iŋ ŋaisag dal dugo woŋ ŋau dan ta duloŋ na ya.’

Mak 13:33

Amaiak niŋen o aŋ tawaŋ agane wa. Aŋ malam ipuk oŋ amado wa. Aŋ ta aloŋ na yak nal dugo lo aŋanem Tubun ak ipalu wa.

Matyu 24:4

Jesus ru naon igo irupidai a, “Aŋ kagin agane, kabelan tamol ta aŋ irawaŋ banau.

Mak 13:9

“Aŋ gidad tawaŋ aganep amado wa. Iŋ aŋ dibiaŋ pe aŋsiganem panu lo ager adi banid lo didiraŋ pe kot lo atur a. Juda adi sad ubou ab gidigidad dien dan lo aŋ tinimi dugufutute wa. Aŋ ŋai naog aŋanep kiŋ adi agod gabman gurman adi naod na atur a, an ŋai niŋeg o abol dop duloŋ a.

1 Tesalonaika 1:9

Tia, iŋsed mi aŋsam mala parek naok dugo yak apanama yan niŋen diŋiŋeŋ ilasa da. Aŋ bui adi sad tubudi lo adaŋsag, Anut mi ilom apani a. An lo gamu Anut e rumok di kisaek o lian en paen na amado dugo, iŋsan urat tamolpein mok alasa yak, an niŋen o diŋiŋeŋ da.

Rom 11:21

Man dugo, Anut iŋ ai oliv panu san an raen isalsuni san ta geg igane na tap, nek ago mi aŋ garaŋ san ai raen iŋ o ilom lo ta rumok na dop man, iŋ aŋ dam isalsunaŋ a.

Luk 21:8

Iŋ ru naon irupidaig ibol, “Aŋ kagin agane. Iŋ aŋ dirawaŋ banau. Man dugo, mitep tamol wei mok ŋai yaŋag lo dupalup dubol, ‘Ŋai tamol nek ama ya,’ ago dop dam dubol, ‘Saen a ate ipalu wan sumeik ipanad da.’ Ago dop iŋsad sewak an ta ari na wa.

Mak 13:23

Amaiak niŋen o aŋ tawaŋ aganep amado wa. Mel en gamugo ilasa dugo ŋai imug mi mel emaiak niŋen o kuai tem ŋurupaiaŋ la ya.”

Matyu 16:16

Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”

Kolosi 2:8

Kagin agane, kabelan talpein ta tamol sad maŋau lo iŋiŋeŋ, ago dop ru bulbal iŋiŋeŋ dan lo, ilom iŋane dop ru sewak an san subanek tamol alasa banau. Talpein kulob ago digane dan, iŋ tubud baged sad na kagin dugo diŋane yan, agod tan en san tan tubud adi sad kagin digam an diri na ya. Ilo sou naok ago yan Kristus san tia ya.

Hibru 3:1

An niŋen o aŋ ŋaineg teig taog gun ak, aŋ maŋ da Anut san wagiŋ an lo itumanad go tumado dan, aŋ Jesus niŋen o mi ilom isou a. Iŋ aposel agod iŋ pris malan te yak an niŋen o tabol ilasa da.

Hibru 3:19

An niŋen o id tile taloŋ ak iŋ diladu san tia ya, man dugo, iŋ ilod lo ta rumok na ya.

Hibru 9:14

Kristus san dar sapta taida mip dabai ak i? Ur pempem san dabai lo, Kristus iŋsen iŋanen tinin a muruan aman tia yan dufuni imat pe mel mudan yai lo digane yak igo woŋ Anut ipani a. Kulob an lo iŋsen mi idsad ŋutud ibinawig ikok tilasa ya, an lo idsad ŋutud lo kagin a sad nuŋon a lo mateŋ tile dan ipasi yau a, an lo id Anut kumaen imado dak mi ubou an tile wa.

Hibru 10:31

Rumok, Anut kumaen pempem san banin lo tau tadu tap, an tarut tarer san mok a.

Hibru 12:22

Gug aŋ did Saion fo na apalu ya, Anut kumaen imado dan san panu Jerusalem o keit lak na yen dan lo apalu ya, agod aben an lo man eŋel malan tubun pempem yousai lo mi dumado da.