Hibru 2:18 - Takia

¹⁸ Iŋsen aupasek san ate suek lo itur go madai ikubiani a, fun amaiak niŋen o iŋ gamu tamolpein a aupasek san ate suek dile dan ka ibinawai uyan a.

Hibru 2:18 Referans Kwoze

1 Korint 10:13

Oŋ lo bitinaek fidian ilasa dan senamo geig man tia ya, tia, bitinaek naon kisaek an mi dam tamolpein fidian lo ilasa da. Anut kagin ipano wa. Oŋ bitinaek dugo oŋ lo ilasa dan ka sini san idaisuda wa. Man dugo, oŋane dabai dugo woŋ ate bitinaek naok an sayani san iloŋ uyanan da, an niŋen o iŋ bitinaek ta oŋane dabai an iriŋani san amaiak oŋ lo ilasa wo yabituani wa. Agod saen bitinaek ta oŋ lo ipalu tap, dal ta lo oŋ usol wau o ikubiai pano wa, an lo dop bitinaek an lo utur sakar pe mado wa.

Jud 1:24

Anut aŋ ititianaŋ siŋaokan dop, au adu san tia ya. Iŋ ka aŋ iŋiliaŋ pe aup youm isa dop, muruan tiap iŋsen naon na girager an lo atur a.

Hibru 5:2

Iŋ tamolpein a ilod tia yan, agod a dal diapitilip sen diau dan dam mos nam kagin ka ipidinai a, man dugo, iŋ dam dabai aman tia yan lo yau idu da.

Revelesen 3:10

Gubak mi ŋai ru en ŋurupaiaŋ a, aŋ muruan fidian lo atur dabai a. Aŋ ru an ari apani na ya, an niŋen o ŋai aŋ ŋubargiranaŋ a. Kubianek saian geig ak ipalu da, an lo tamolpein aben titin fidian lo yan ikubianai wo ilasa wa. Ak gug saen an lo ŋai kagin ŋupanaŋ dop muruan an iriŋanaŋ a.

2 Pita 2:9

An rumok tap, Anut muruan funfun dugo yak lo tamolpein a Anut san kagin duri dupani dan patud ipasi san iloŋ a. Nek ago mi iŋ tamolpein saiadi muruan lo idiraip dumado wan bu panek an paen na mi dumado dop yaup bitinaek nal ilasa san, an dam iloŋ a.

2 Timoti 1:12

Fun amaiak niŋen o ŋai gamu muruan igo ŋisini dak gug an o miai ta ifunag na da. Man dugo, Talpein a niŋen o ŋai ilog rumok dan ŋaloŋ a. Agod ŋai dam ŋaloŋ uyan en man, mel e ŋai iŋ banin lo ŋigane yen, iŋ ititiani uyanan san idaisuda ya. An lo ŋai ilog itarpasi siŋaokan a, an ta ideg yau na wa. Tia, an ago iŋ lo yen dop imul san saen ilasa wa.

Jon 10:29

Ŋai Tamag enti a sipsip an ipanag dan iŋsen mel aenta fidian iriŋanai geig a. An lo tamol ta ŋaineg sipsip ŋai Tamag banin lo ipasaip diau san dam tia ya.

Luk 22:53

Nal fidian ŋai tempel aben lo ŋumasi dugo tamolpein ŋipiteŋanai se ya, ak gug ŋai ta abiag na ya. Gug gamu en tidom tubun ak lo man aŋsam saen a, man dugo, tidom tubun san tuon man Satan.”

Filipai 3:21

Iŋ iganep idsad tinid tan en san dabai an tia yan ibileksap, iŋsinan tinin kumaen panu san girager aman da ago mi ak ipanad a. Iŋ idaisuda dop mel fidian idiraig iŋ paen na dumado yan, an san dabai lo id tinid ibileksap girager panu san tinik tiŋane wa.

Luk 22:28

Aŋ ŋai ta abisawag na ya, tia, muruan a fidian ŋisini se yan lo aŋ ŋai da sisem tatur kisaek a.