Hibru 12:5 - Takia

⁵ Agod en dugo, aŋ Anut ru kagin a irupaiaŋ na yan lo iŋsan nanun muroun ago ibol an ilom iŋaoŋ di? “Ŋai nanug, Tubun en bu ipano dan kabelan mel kawan ubol banau, agod an niŋen o oŋ ilo idu umoi. Man oŋ mel gane saian amaiak niŋen o naon bu ipano da.

Hibru 12:5 Referans Kwoze

Revelesen 3:19

Tamolpein a ŋai ilog ŋupidinai dan man, ŋai ru lo kududod ŋabip bu dam ŋupidinaip lo iŋaned kagin naok naok ŋukubune wa. Amaiak niŋen o aŋ ilom ibilisa dop ŋaisag dal ari apani san niŋen o dabai agane wa.

1 Korint 11:32

Gug aŋ mel en aloŋ uyan a. Rumok, idsad Tubun ak bitinaek lo idirad dugo bu ipanad da. Ak man iŋ id kududod yabi wo ago igane da, an lo dop saen iŋ tan en san tamolpein daoŋ ipidinai dan te id iŋ dida itumanad pe sisem ipitiŋinad san tia ya.

Jems 1:12

Tamol iŋ itur sakar pe, ate suek lo muruan isini tap iŋ dam ka ilon uyan a. Iŋ ate suek an iriŋani pasik tap, Anut iŋ murnap naon madok pempem san ipani wa, madok an kumaen panu lo yen da. Anut wagam ibol la ya, tamol iŋ ilon ipani mok tap iŋ kumaen imadop milaen a, an itout san tia ya.

Hibru 12:7

Kagin ipiteŋanaŋ san niŋen o muruan lo atur sakar a. Iŋ ago igane dan lo iŋsan nanun muroun igo woŋ kagin ipanaŋ da. En dugo, nanuk ta luluŋad lo imado dan iŋsan taman bu ta ipani na i? Man tia geig a.

Luk 24:6

Iŋ etna tia. Iŋ kumaen imasa ya. Ilo sou agane, gubak mi saen aŋ iŋ da Galili na amado yan igo irupaiaŋ go ibol,

Luk 24:8

Ago dubol dugo pein an Jesus san ru ilod isou.

Galesia 6:9

Amaiak niŋen o id kulob uyan uyan an mi tigane san kagin lo tatur sakar a. An ago tigane wo ilod ta isali na wa. Man dugo, murnap idaned naon tiŋane san saen gamugo idu dop, id ilod ta idu yau na tap, idaned naon siŋaok aman an tiŋane wa.

1 Timoti 1:20

Luluŋad lo Himeneus iŋ Aleksanda da kagin ago digane tag ŋusubanaig Satan banin lo ŋidirai diau a. An ago dop afon Anut o ta dubol saian na wa.

Hibru 13:22

Teig taog, tok abol pe amado dop kududom agurep ru kagin en aloŋ uyan o ŋusumianaŋ da, man dugo, ru en katukan mi ŋigire ya.