Hibru 10:24 - Takia

²⁴ An niŋen id nug ilo sou tupanip nug tisusuŋani dop nug niŋen tamat dop urat uyan uyan ak tigane ilasa wa.

Hibru 10:24 Referans Kwoze

1 Tesalonaika 5:11

Ago yak niŋen o aŋ kisaek kisaek an ru uyanan lo teim muroumi ru arupidai dop, nug buben dabai apani wa. Nek gamu agane dak ago mi a.

1 Jon 3:18

Nanug muroug, id nug niŋen o tamat dan awad mi ru ibol da, gug an san nuŋon tia yak ago ta tigane na wa. Tia, idsad kagin kagin lo dam ago tigane mok dop man, nuŋon ilasa wa.

Hibru 13:1

Aŋ kisaek kisaek pempem teim taom igo woŋ nug niŋen o amat a.

Galesia 5:13

Teig taog, Anut aŋ Kubiaeŋ san subanek patun fo alasap amado wak o igiaŋ a. Ago dop aŋ kawan amado ator a. Ak gug aŋ kawan amado dan niŋen o, aŋanem tinim san kagin saiak saiak an mi ari apani wo ago ta agane na wa. Tia, aŋ ilo panek lo mi nug abinawi wa, aŋ nek ibol urat pinein ago woŋ ilo sou ago agane wa.

Kolosi 3:16

Ru a Kristus niŋen o aloŋ an aŋanep bubem ilon lo aganep idaisuda wa. Aŋ bubem lo ru an urat isini wa. Kankan milaen ak nam nug apiteŋani dop nug ru kagin arupei wa. Isrel kanam bar an abi, kanam bar aenta dam abi, Awan Urgun bar ikubiai panaŋ an dam abi; ilom bubem tinim fidian lo Anut niŋen bar abi wa. Aŋ ago agane dop Anut ilo uyan apani wa.

Taitus 3:8

Ru an ru rumok a. Agod ŋaisag ilo sou lo ru an dabai nam ubol ilasa dop, tamolpein a Anut o ilod rumok an kagin diganep mel uyan uyan digane san o tinid dupani wa. Kagin naok ago yan uyanan a, agod an mi tamolpein fidian ilod lo nuŋon iganep ilasa wa.

1 Timoti 6:18

Iŋ urat digane uyan ak ubol a. Iŋaned filian mok man, tan en san biouŋ tia ya, tia, kagin naok naok uyan an digane san mi ak ago rupidai a, agod mel uyan uyan wei mi tamolpein a mel ta lo katuk amadi an dipidinai o tawaŋ digane wa.

Hibru 13:3

Aŋ ilo rumok tamolpein a, subanek lo dumado dan ilom isou dop amado wa, nek ibol aŋ dam dadi subanek ab lo amado dak igo woŋ a. Tamolpein a aenta saian dupidinai dan, an dam ilom isou wa, nek ibol aŋsem iŋsad muruan asini dak igo woŋ ago abinawai a.

Galesia 6:1

Teig taog, saen tamol ta aŋsam midaeŋ ilon lo aupasek igane dop aŋ mel an kuai apani tap, talpein a pempem Awan Urgun da ditor dan mos nam dibinawip Anut san dal iri da wa. Aŋsem dam kagin agane wa, kabelan mel an ilom iŋanep, aŋ dam aupasek naok an lo adu banau.

1 Korint 10:33

Kulob fidian a ŋigane dan lo, tamolpein fidian ilo uyan ŋupidinai o ŋibitinae da. Man dugo, ŋaineg kumaen tan en san an kagin ŋupani wo urat wagai ta ŋigane na da, tia, ŋaisag urat funfun lo wagai ŋiganep tamolpein fidian ŋibinawai o ŋibitinae da.

Galesia 5:6

Man dugo, saen talpein ta iŋ Kristus da dutumani dan, gidad muluŋ lo idu boi, tia, muluŋ lo ta idu bo man an mel kawan a. Mel kisaek nek en mi iŋ tubun a, id ilo rumok amad da yan lo tamolpein aenta ilod tipidinai da.

2 Korint 8:8

Ŋai aŋ ago agane wo ru kagin ta ŋupanaŋ na da, tia, tamolpein aenta iŋ binawek naon kisaek dupani wo ilod yen da, an niŋen o ŋai aŋanem ilo panek kagin an mel mok boi, tia yak boi, ago ŋibitinae ŋile da.

Aposel 11:29

An lo man ilo rumok adi iŋaned turad Judea na yan dubunawai o dubol a.

2 Tesalonaika 3:9

Rumok geig, maŋ tamol yaŋama tubun ak mi a. Amaiak niŋen o iloma ibol tap man, maŋ ka aŋ musumianaŋ dop kagin apanama wa. Gug ago migane wan mamoi a. Man dugo, maŋ aŋsam tinanou igo woŋ mumado da, an lo aŋsem ale dop maŋsama madok en mi ari wa.

Galesia 5:22

Ak man Awan Urgun san nuŋon man, ilo panek, yousai, maror, mos ganek, ilo muŋanek, kagin uyanan ak gane dak, oŋane ru ganuri dak,

2 Korint 9:2

Man dugo, ŋai ŋaloŋ ak aŋ urat en agane wo tawaŋ amado da. An niŋen o ŋai Masedonia tamolpein naod na aŋ yaŋam ŋabisa da. Ŋai igo ŋurupidai, “Anaŋar inug ante Akaia tamolpein binawek an digane wo tawaŋ diganeg dumado na ya.” An niŋen saen aŋ dam binawek an agane wak ago duloŋ an, Masedonia wei mi ilod yabisag iŋ dam binawek an digane wo tawaŋ dumado ya.

Rom 12:15

Tamolpein ilod uyan tap, oŋ dam iŋ dadi sisem yousai agane wa. Agod tamolpein ilod saian pe tinaŋ digane tap, oŋ dam dadi sisem tinaŋ gane wa.

Taitus 2:4

Ago dop pein kubakan ŋied murna an dile dop iŋaned tamol niŋedi wo dumat ak, iŋaned nanuk dam niŋedi wo dumat a.

1 Korint 9:22

Agod tamolpein a iŋaned ilo rumok dabai an tia yan malad lo, ŋai tamol naok ago yak tamolpein amaiak aenta ŋaŋal o ŋilasag ŋumado ya. Tamolpein naok sen ak fidian malad lo man, ŋai iŋaned kagin anek anek ŋagam ŋiŋane ya. Man ata wo? Idaisuda tap, dal fidian ŋibitinaep an lo tamolpein an aenta patud ŋupasi wa.

1 Tesalonaika 1:3

Aŋsam ilo rumok an kagin uyan ak aŋ lo igane ilasa da. Aŋ nug niŋen o amat agog urat dabai mok nug abinawi san agane da. Aŋ dam aŋanem tini ganei idsad Tubun ak Jesus Kristus lo yan niŋen o kagin an iginiaŋ go muruan naok fidian lo atur dabai da. Ago tag maŋ aŋsam kagin an niŋen o id Tamad Anut ru murupei wo iloma ta isali na da.

Rom 11:4

Ak man Anut ru naon dugo woŋ irupeig ibol ak i? “Tamol seven tausen dumado da, iŋ tubud sewak a Baal dubol dan naon na ditakoksi man tia ya. Tamol an ŋai ŋaŋal go ŋaineg ak dumado da.”

Hibru 3:13

Tia, nal fidian aŋ tan suek ru nug arupei, nal “gamu” dubol dan lo aŋ ago agane wa. Kabelan aupasek san kagin irawaŋ dop aŋ luluŋam lo ta bubem afutani banau.