Hibru 10:11 - Takia

¹¹ Nal kisaek kisaek atem pris dumasa dutur pe yai ganek aben na iŋsinad urat awan saen wei mi digane da. Iŋ mel mudan naon kisaek an mi nal pempem Anut yai digane pani da. Ak man yai ganek naok an tamolpein sad aupasek ipasi yau san tia ya.

Hibru 10:11 Referans Kwoze

Hibru 10:4

Man dugo, makau tamol ak iŋ bilelek da sad dar man aupasek ipasi yau san tia ya.

Hibru 5:1

Pris malan te yan kisaek kisaek tamol luluŋad lo Anut ipiliani a. Agod iŋsan urat man, tamolpein waged lo lou kawan ak iŋ mel mudan a yai lo dumari san da, iŋsad aupasek ipasi yau wo Anut ipani da.

Hibru 7:27

Nal wei mi pris aenkadi Anut yai digane pani da, malan malan iŋsinad aupasek dusuas san yai digane gup tinin te man tamolpein sad yai digane da. Ak man Jesus man iŋ ago tia ya, iŋ iŋsen tinin amaiak ibiseig nal kisaek tamolpein fidian niŋedi wo aigim fo imat a.

Hibru 10:1

Kubiaeŋ man mel uyan uyan murna dilasap dupalu wa, amaiak sad mitilaedi mi a. An man mel nuŋon tia ya. An lo tamolpein Anut anaŋar fidian yai naon kisaek anam digane pani dugo siŋiren na diau dan, kubiaeŋ ikubuniaip itaot mok dilasa san tia ya.

Hibru 8:2

Agod iŋ Anut san ubou ab rumok ak lo pris san urat igane da. Ubou ab an man tamol ta dususe na ya, tia, Anut sen mi isuse ya.

Hibru 8:4

Aria, iŋ tan en san tamol tap man iŋ ta pris ilasa na wa. Man dugo, pris wei mi tan en lo dumado la yan, Anut san kubiaeŋ kagin dupani dop yai digane pani se ya.