Galesia 6:7 - Takia

⁷ Ak dugo, oŋ Anut awan patu pani dop iŋ naon muruan ta ipano na wak ago ubol di? Mel an niŋen o se ta irawo na wa. Man dugo, talpein ta ai patun naok dugo yak ipae tap, iŋ murnap ai patun naok an mi nuŋon mok iŋane wa.

Galesia 6:7 Referans Kwoze

2 Korint 9:6

An niŋen aŋ ilo isou agane uyan. Talpein anaŋ kabelan ipae an nuŋon kabelan iŋane wa, agod talpein anaŋ tubun mi ipae an nuŋon tubun mi iŋane wa.

1 Korint 15:33

Aŋ sem irawaŋ amoi, saen aŋ tamolpein sad madok uyan tia yak dida ator tap, iŋ aŋanem kagin uyan an dusuŋuŋi wa.

Efesus 5:6

Kagin agane wa, kabelan talpein ta ru kawan ak lo ŋudum dusue dop lo aŋ kagin saiak agane banau. Kagin naok nek an lo dop Anut tiŋaen saian pe iŋ ai wadan saian geig ak iganep awa parsisalek san tamolpein an sad tinid fo ikulmaek idu dop ka disini wa.

1 Korint 6:9

Tamolpein kagin sisaiak digane dan Anut san kagin panek aben lo diladu san tia ya, an ta aloŋ na yak i? Mel en niŋen o aŋ sem ta irawaŋ na wa. Tamolpein naok igo man kumaen panu diŋane san tia ya: tamolpein jeit digane dan, tubud aenta ubou ad dile dan, a talpein sen ak iwon ida dien dan, tamol iŋ tamol mi nug iwon oŋ digane dan,

Luk 16:25

“Ago tag Abraham ru naon irupei, ‘Nanug, ilo isou. Saen oŋ tan na kumae mado dugo, oŋ oŋsa mel uyan uyan ak ŋane na ya, ago dugo Lasarus mel saian saian ak mi iŋane na ya. Gug gamu iŋ ilon pasa ibol dugo oŋ madai tubun geig ak sini da.

Jems 1:22

Ru an kawan ta aloŋ oŋ na wa, aloŋ dop nuŋon dam agane kisaek a. Aŋ kawan aloŋ oŋ tap, sem irawaŋ da.

1 Jon 3:7

O nanug muroug, mel en niŋen o tamolpein eil afu dop dirawaŋ banau! Ta iŋ kagin itaot igane dan, iŋ mi itaot a. Ibol Kristus itaot imado dak ago mi iŋ dam imado da.

Galesia 6:3

Talpein a iŋsen yaŋan anda ibol, gug Anut malan lo iŋ yaŋan tia ya, an lo iŋsen irawi da.

Jems 1:26

Tamol iŋ ilo isou lo iŋ Anut san tamol ibol dak pempem igudani dak man awan kagin ta ipani na dan iŋsan ilo rumok an kawan a, an lo iŋsen irawi da. Agog iŋsan ubou leil an dam kawan a.

1 Korint 3:18

Aŋ sem ta irawaŋ na wa. Aŋ luluŋam lo tamol ta, tan en san tamolpein dugo woŋ ilod isou dak iri panim, iŋ kankan milaen ak aman da ago ilon isou tap, iŋ gidad iŋanen ilo sou ibilisa wa. Iŋ tan en san tamolpein sad leil lo tamol burau ak igo woŋ ilasa wa. An lo dop iŋ kankan milaen ak aman da ilasap imado wa.

1 Jon 1:8

Id aupasek amad tia yak tabol tap, sed ilod irawad da, agod ru a rumok an id ilod lo ta yen na da.

Luk 21:8

Iŋ ru naon irupidaig ibol, “Aŋ kagin agane. Iŋ aŋ dirawaŋ banau. Man dugo, mitep tamol wei mok ŋai yaŋag lo dupalup dubol, ‘Ŋai tamol nek ama ya,’ ago dop dam dubol, ‘Saen a ate ipalu wan sumeik ipanad da.’ Ago dop iŋsad sewak an ta ari na wa.

Jud 1:18

Iŋ ago dubol dugo aloŋ a, “Saen wadan lo dop, tamol dilasap kukok amam digane wa. Tamol naok an iŋsad ilo masai Anut san kagin ta iri pani na da. Iŋsinaned ilo masai an mi duri da.”

2 Tesalonaika 2:3

Mel an niŋen o tamol ta ale funi dop dal ta lo ta irawaŋ na wa. Tia, nal an ta ilasa na dop, awa bitek san nal imug mi ilasa wa, ago dop kubiaeŋ riŋanek tamol dam iŋ walal te ilasa wa. Tamol an man daoŋ san gib lo idu san mi a.