Galesia 5:10 - Takia

¹⁰ Aŋ ŋai da Tubun ak lo tutumani an lo man, aŋanem ilo sou mel an niŋen o, nek ibol ŋaisag ago woŋ yen yau ak ago ŋabol da. Gug talpein a iganeg aŋ ilom ibalkaluk dan, gidad iŋ tamol naok dugo yak, Anut bitinaek lo iganep ai wadan dugo igane amaiak naon ka isini wa.

Galesia 5:10 Referans Kwoze

Galesia 5:12

Gidad, tamol ensauta a aŋanem ilo sou dukubuli dan, iŋsiŋaned nabud dutartip dibiliau tap, an uyanan mok a. Ŋaisag ilo sou nek ago ya.

Filipai 3:15

Tamolpein a id luluŋad lo ilod lo rumok dabai an ilo sou ago digane wa. Aŋ aenta mel ta niŋen o kankan sensen amam da ator tap, Anut iŋanen ilon yen dan kuai te igane ilasap ikubiai panaŋ a.

Galesia 1:7

Bilaluŋ naon sen ak taida mi ak i? Tia geig a. Ak gug aenta e dumado den maeg diganep aŋ ilom muruan dupanaŋ a. Kristus iŋanen bilaluŋ uyanan en naon sensen iŋ dubulisa dibilila wo ilod ibol da.

2 Korint 2:3

Ŋaisag girek imug mi ŋigire yan lo, aŋ aŋanem madok akubune wo ago ŋigire ya. Fun man saen ŋai aŋsam na ŋupalu wan lo, tamolpein a ŋai ilo uyan dupanag o ilog ibol dan iŋ ŋai ilo muruan an fon ta dupanag na wa. An niŋen o ŋai ilo sou igo ŋigane ya. Aŋ aŋanem madok akubunep itaot dop man, aŋ ŋai da sisem ilo uyan lo mi tumado wa. Agod ŋai ŋaloŋ ak aŋ ŋaisag ilo sou aganuri wa.

1 Timoti 1:20

Luluŋad lo Himeneus iŋ Aleksanda da kagin ago digane tag ŋusubanaig Satan banin lo ŋidirai diau a. An ago dop afon Anut o ta dubol saian na wa.

Galesia 6:17

Saen gamu tumado yau den lo talpein ta ŋai muruan ta ipanag na wa. Man dugo, ŋai Jesus niŋen o tini madai dupanag an san teb ŋisinig ŋumado da.

Galesia 4:17

Teid sewak adi a wagam niŋedi wo ŋurupaiaŋ an iŋ aŋ tubun mi dipitianaŋ na ya. Ak gug iŋ ilo sou uyan ak lo ago digane man tia ya. Tia, iŋ maŋsama na aŋ naom diabiani wo ilod ibol da. Iŋ ilod igo igire ya, aŋ iŋaned ar lo asadu dop lo aŋ iŋ mi apitianai a.

Galesia 3:1

O Galesia, bururau ami enti ŋiŋeo ipanaŋ ak i? Maŋ Jesus Kristus nek mukubiai panaŋ la ya. Aŋsem malam mok lo aigim fo iyuk dugo ale yak igo woŋ a. Enti iganeg aŋ ilom ibilisa yak i?

Galesia 2:6

Tamol adi a midaeŋ san leil lo yaŋad anda yan, iŋ ŋaisag ru en awan ta dibate na ya, man dugo, ŋaisag piteŋanek fidian itaot a. (Ŋaisag ilog lo man, rumok iŋ yaŋad da i? Tia i? An man mel tusan a. Anut iŋ tamol yaŋad amad da yak niŋedi wo mi ilon ta isou na da.) Aria, tamol a yaŋad amad da yan iŋsad ru ta ŋaisag ru ta fo dubate man tia ya.

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

2 Korint 10:6

Maŋ aŋ malam migane da. Malan malan aŋ Kristus awan paen na amado mok tap, aŋsam awa yabek kagin an aŋ idaisuda wa. Saen ante mi gup maŋ tamolpein awa parsisalek digane dan muruan mipidinai o tawaŋ miganep mumado wa.

1 Korint 5:5

tamol an Satan tuon lo aganep an lo iŋanen tinin aupasek anda yak pitiŋinek iŋane wa. Ago dop an lo Tubun en imul ipalu san nal lo tamol an san ur patun ipasi wa.

Aposel 15:24

Maŋ maloŋ ak maŋsama tamol aenkadi aŋsam na diaug ru dubol an lo aŋ ilo wei dupanaŋ dugo aŋanem kankan dukubuli a. Maŋ iŋ ago digane wo ru kagin ta murupidai na ya.

Filemon 1:21

Ŋai awag uri pani san o tinig ŋupano da. Ak niŋen o girek en oŋsa na ŋigire den lo ŋaloŋ ak, mel e niŋen ŋusumiano den oŋ itaot ganep subuŋan taidam gane panag a.

2 Tesalonaika 3:4

Agod Tubun en aŋ niŋemi wo mel e rumok en maŋ ikubiai panama ya. Ru kagin dugo gubak mi mupanaŋ an aŋ agane da, agod murna dop nek ago mi agane yau a.

Galesia 4:20

O kabel, ŋai gamu aŋ da tumado dop ru mos nam ŋurupaiaŋ o ilog ibol da. Ak gug tia ya, ru dabai mi ŋupanaŋ da. Man ata wo? Ŋai aŋ niŋemi wo ilog tinaŋ anda ŋumado da.

Galesia 4:11

Ŋai aŋanem kagin naok an niŋen o ilog saian da, kabelan ŋaineg urat aŋ luluŋam lo ŋigane yan kawan banau.

2 Korint 13:10

Ŋai ru dabai en saen ŋai aŋ giraŋem na ta ŋumado na dugo ŋigire ya. Man dugo, saen ŋai aŋsam na ŋupalu dop, ru dabai nam ŋurupaiaŋ dop aŋanem kagin ŋukubune wo ilog ta yen na da. Tubun en sen mi ŋai aŋanem ilo rumok dabai ŋupani san urat awan en ipanag a, iŋ ŋai aŋ ŋibiaŋ adu wo urat en ta ipanag na ya.

2 Korint 10:2

Saen ŋai aŋsam na ŋupalu dop, aenta aŋ luluŋam lo dumado dan ru dabai nam ŋupidai o ago ŋai ilog ta yen na da. Amaiak niŋen o aŋ kagin agane wa, man dugo, ŋai tamol a iŋ ŋai tan en san tamol sad ilo sou lo urat ŋiganed dubol dan ru dabai nam ŋurupidai dop dudu diau a. An niŋen o ŋai igo ŋurupaiaŋ da, aŋ ru naok ago ŋupanaŋ o ŋai ta asodudunag na wa.

2 Korint 8:22

Agod maŋ teima taida midini ak iŋ dam dida dupalu da. Saen wei mi iŋ urat fidian lo mibitinaeg mile yak iŋ urat igane wo ilon tubun mi yen da. Iŋ binawek kagin e agane den iloŋ uyanan a, agod iŋsan ilo rumok aŋ o man tubun geig a. An niŋen o gamu urat en igane wo ilon tubun mi yen da.

2 Korint 7:16

Ŋai yousai lo ŋumado da, man dugo, aŋ ŋai awag ari apani an ŋaloŋ fufei a.

2 Korint 5:16

An niŋen o gamu saen e yau den, maŋ tamolpein tan en san ilo sou lo ago ta meil na da. Rumok, maŋ imug mi Kristus tan en san tamol igo woŋ mile ya, ak man gamu man fon ago ta migane na da.

2 Korint 2:6

Aŋ talpein an muruan apani yau o ta agane na wa, man dugo, midaeŋ iŋ muruan dupani la yan idaisuda ya.

2 Korint 1:15

Ŋai aŋ niŋemi wo ilog lo rumok ak aŋ maŋ aloŋ uyan pe aŋanem tini ganei maŋ lo agane wan niŋen o, ŋai ilog igo yen a. Ŋai aŋsam na ŋupalu gup murna Masedonia na ŋau a, agod fon Masedonia ŋibiseip aŋsam na ŋupalu da wa. Ago dop man maŋ aŋ da saen uraru tumado wan niŋen ilom uyan dop ŋai adinag pe Judea na ŋau a.

Galesia 5:7

Teig taog, aŋ imug mi man amaspalu uyanan se ya. Enti naom ifutanig, an lo gamu aŋ fon ru rumok an ta ari na di?