Galesia 5:1 - Takia

¹ Kristus id a Juda sad kubiaeŋ paen na tumado dan ipasad an lo, kubiaeŋ an san subanek fon ta ibiad sakar na wa. Amaiak niŋen o aŋ aŋanem madok foun ak lo atur sakar a. Aŋ sem idiraŋ pe fon kubiaeŋ san subanek lo aladu wo ago ta agane na wa.

Galesia 5:1 Referans Kwoze

2 Korint 3:17

Aria, Tubun en iŋ Ur, agod aben a Tubun en san Ur yen dan te man iŋsan tamolpein bigabeg urat tia kawan dumado da.

Galesia 5:13

Teig taog, Anut aŋ Kubiaeŋ san subanek patun fo alasap amado wak o igiaŋ a. Ago dop aŋ kawan amado ator a. Ak gug aŋ kawan amado dan niŋen o, aŋanem tinim san kagin saiak saiak an mi ari apani wo ago ta agane na wa. Tia, aŋ ilo panek lo mi nug abinawi wa, aŋ nek ibol urat pinein ago woŋ ilo sou ago agane wa.

1 Pita 2:16

Tamol iŋsen kisaek imado dak igo woŋ, aŋ ago amado wa. Ak gug, an lo amianuk dop kagin saiak saiak ta agane na wa. Tia, nek Anut san urat tamol mok igo amado wa.

Rom 6:14

Aŋ kubiaeŋ paen na ta amado na da, tia, aŋ ilo muŋanek paen na amado da. An lo afon aupasek aŋsam titianek tamol ta imado na wa.

Rom 8:2

Man dugo, id tamolpein Jesus Kristus da tumado den kubiaeŋ foun en paen na tumado da. Kubiaeŋ en man kumaen san Ur igane ya. Aria, kubiaeŋ en id aupasek mateŋ da sad kubiaeŋ lo isubanad an kuai fo idirad tilasa ya.

Galesia 4:9

Ak gug gamu aŋ Anut aloŋ a, tia gidad ŋai ka igo ŋabol a, gamu gug Anut aŋ iloŋ a. An niŋen o ata wo fon amul pe tamol kagin an paed na sem idiraŋ au o di? An aŋ dibinawaŋ san tia ya, fun dugo, iŋ nuŋon tia ya, agod dabai amad dam tia ya. Ak dugo, aŋ afon iŋaned subanek ilon lo amado wan niŋen o ilom ibol di?

Hibru 10:23

Id Anut iŋiliad pe kumaen panu lo, iŋ da tumado wak san ilo rumok an niŋen tamolpein turupidai duloŋ dan ta tabip ila iso na wa, tia, tabi sakar pe itaot yen a. Man dugo, Enti a ru ibol panad an, iŋanen promis ru nuŋon igane ilasa wa.

Galesia 2:4

Gug rumok, teid sewak adi iŋ dimianuk oŋ go, maŋsama tumanek lo disadu ya. Id wagam kubiaeŋ san subanek lo tumado na ya, gug gamu patun fo tilasag tumado da. Fun man id Kristus da tutumani an lo mi a. Tamol sewak adi mianuk lo disadu yan san fun man, idsad madok foun ak lo tator dan niŋen o abaŋ dikibiani wa. Iŋsad ilobol igo ya, id afon iŋsad subanek an lo tiladu san niŋen o disadudunad a.

Galesia 4:31

Ak niŋen o teig taog, id man urat pein an san nanun muroun tia ya, tia, id pein a bigabeg urat tia kawan imado dan san nanun muroun mok a.

Revelesen 3:3

Amaiak niŋen o ru a gubak mi aloŋ dugo aŋane yan, ilom isou wa. An ari apani dop ilom ibilisa wa. Aŋ ŋioŋ mi abi dop ta amasa na tap, ŋai gumagam tamol igo woŋ aŋsam na ŋupalu kisaek oŋ a, ak gug saen dugon te ŋai ŋupalu san man aŋ ta aloŋ na wa.

2 Pita 2:19

Girek maŋau sewak an mel ta isubanai san tia ago dutor san ru dubol pidinai a. Ago gug iŋsedi man kagin saian ak san bigabeg dumado da. Man dugo, mel dugon tamol yabituani dan, nek iŋ mel an san bigabeg imado da.

1 Korint 16:13

Tawaŋ aganep amado wa. Ago dop aŋanem ilo rumok Kristus lo yan mi lo atur sakar a. Ilom dabai anda amado dop dabai lo mi tamol mok amado wa.

Rom 7:6

Ak gug gamu kubiaeŋ an lo id isubanad san tia ya. Kubiaeŋ a gubak mi isubanad na yan gamu ta ibiatuanad na da, man dugo, id tamol dumat la yak igo woŋ tumado da. Ata wo, id taloŋ ak tamol a imat la yan kubiaeŋ kagin ipani san tia ya. Ago dop an lo id ru girek wagam ak paen na Anut san urat ta tigane na wa, tia, Awan Urgun san kumaen foun ak lo urat tigane wa.

Rom 6:18

Agod aŋ aupasek lo Kristus iŋiliaŋ go kuai te idiraŋ a. An lo aŋ kagin itaot agane san bigabeg adi alasa ya.

Aposel 15:10

Ago yak niŋen o aŋ ata wo dal en lo Anut naon akubiani wo agane dak i? Aŋ gamu ilo rumok adi Moses san kubiaeŋ burod fo agane isuda wo agane da. Gug wagam id baged muroud, agod gamu idsed dam muruan an tisini san ta idaisuda na ya.

1 Korint 7:22

Man dugo, tamol a bigabeg urat iganeg imado dugo Tubun ak iwagi an man, iŋ Tubun en san tamol kawan igo imado itor da. Nek ago mi, tamol a kawan imado itor dugo Kristus iwagi an man, iŋ Kristus san tamol bigabeg urat igane san a.

Jud 1:3

Ŋai turag muroug, patu pasek e aŋ maŋ da sisem tabig tumado den san fun ŋigire wo ŋai yaes isofutanag da. Gug ŋai ilog isoug gamu ru senamo ŋigire wo da. Ilo rumok e id gun adi tabi den, Anut iŋsen saen kisaek o lian id banid lo igane yan man id ta tibileksa na wa. Fun amaiak niŋen o, idsad ilo rumok abalgirani san niŋen wagai agane wo ru kagin ŋupanaŋ da.

Filipai 1:27

Muruan dugo ilasa tap, aŋ aŋanem tureŋ kagin apani uyanan a, kagin naok a bilaluŋ uyan ak Kristus niŋen o yaŋan tubun ak ipani san idaisuda yan, kagin amaiak mi agane wa. An lo dop gidad, ŋai aŋsam na ŋupalup ŋiliaŋ ak boi, tia, ŋai naog tia dop awam ŋaloŋ bo man, aŋ niŋemi wo ŋai ŋaloŋ ak, aŋ ilom kisaek mi lo atur sakar da. Ilom kankan kisaek lo atumanip dabai agane wa, an lo ilo rumok a bilaluŋ uyan ak igane ilasa dan tamolpein bubed lo ilasap yen a.

Efesus 6:14

Aŋ kam lapik galim te afouti wa. Lapik an man ru rumok igo ya. Aenta man, titirem te siot kapa ak agane wa. Siot kapa an man kagin itaotan ak igo woŋ a.

Revelesen 2:25

Aŋ melmel fidian nek a abi dan, gidad abi dabai dop na wa. Ago mi agane dop yaup saen ŋai ŋamul ŋupalu san ilasa wa.

Hibru 4:14

Id pris malan te tutubun ak amad da ya, an niŋen o iŋ lak na yaug, id Anut san na tau san dal yabirubeg iladu ya, an man nek Jesus, Anut iŋanen Nanun. Amaiak niŋen o id ilo rumok san ru tabol ilasa san tabip sakar a.

Hibru 3:14

Ilo rumok malan malan an id fun tiganeg an tabi sakar pe yaup wadan na idu tap, an lo id Kristus da sisem tutumani wa.

Hibru 3:6

Ak man Kristus iŋ Anut Nanun mok imado ya, an lo iŋ Anut san ab lo tamolpein kagin ipidinai a. Id dabai amad da Anut anen ru tabol dan, id ilo uyan amad da mel a Anut ipanad ak niŋen o ilod yen dan tabi sakar tap, id Anut san ab mok a.

2 Tesalonaika 2:15

Teim taoma, fun an niŋen o atur sakar a. Agod Kris kagin mipiteŋanaŋ an, awama lo aloŋ se yan, agod a maŋsama girek lo asuti an dam mi abi sakar pe ari uyanan a.

1 Tesalonaika 3:8

Amaiak niŋen o gamu maŋ ilo maror da ka mumado wa, man dugo, aŋ Tubun ak lo atur sakar da.

Galesia 4:26

Ak man Jerusalem lak na san man ago tia ya. Tia, tamolpein ate man bigabeg urat tia kawan dumado da. Id aben an san a. Sara aben an naon iŋane dan niŋen o idsad tinad man Sara, Abraham iwon. Agod pein an kubiaeŋ san subanek ilon lo ta imado na ya.

Galesia 3:25

Amaiak niŋen o Kristus ipalu yan lo, id afon kubiaeŋ a titianek igo woŋ an paen na ta tumado na wa.

1 Korint 15:58

Teig taog, fun an niŋen o aŋanem ilo rumok lo atur sakar a. Mel ta idiraŋ pe ta asuk amul na wa. Aŋ pempem aŋsem ilom tinim fidian lo urat agane wo dan Tubun ak apani wa. Man dugo, aŋ aloŋ ak aŋanem urat wagai agane dan nuŋon ta ideg yau san tia ya.

Matyu 23:4

Iŋ tu muruan ak dufou dugo, tamol yarod fo didirai da, ago yak gug iŋsed banid kuruŋen nam kitek diabip tamol dubunawai dop disini wo man dumoi da.

Rom 7:3

An lo, iwon tamol an malan kumaen imado dugo, tamol sen ak ta ida ditor tap man, iŋ jeit pein ak ago dubol a. Gug iwon tamol an imat pasik dop, kubiaeŋ a lo iŋ imado yan itufulak a. Saen an lo tamol ta iŋane dop man, iŋ jeit san pein tia ya.

Rom 8:15

Ur e oŋ ŋane yen man oŋ bigabeg igo lasa san ur tia ya. An lo oŋ rurek ta ipano dop usuk umul na wa. Tia, oŋ Anut nanun lasa san Ur ŋane ya. Agod Ur oŋ ilo iduduwi dugo igo ubol da, “O Bai, ŋaineg Bai.”

2 Korint 11:20

Ak dugo, talpein ta aŋ isubanaŋ pe iŋsan urat agane boi, tia, aŋanem filiam igane itout boi, tia, aŋ irawaŋ ifunaŋ boi, tia, iŋsen mi yaŋan anda yak ibol boi, tia, kudaŋam igufte boi, an ago igane tap, gidad alefunip awan abol dop amado wa.

Luk 5:38

Wain foun ak tap, bilelek suŋulon foun ak lo iwali wa.