Galesia 4:13 - Takia

¹³ Aŋ ilom isou dak i? Ŋai tureŋ ŋabi wo dugo subam ta ifunag a, fun an niŋen o ŋai imug mi aŋsam na ŋupalug bilaluŋ uyanan san ru an naom na ŋufulale ya.

Galesia 4:13 Referans Kwoze

1 Korint 2:3

Ŋai aŋ luluŋam lo ŋumado dugo tinig dabai an tia ya. An mi tia, ŋai ŋarer dugo tubun mi ŋusuruwor se yan dam ale ya.

Galesia 1:6

Ŋai ŋarut saian da, man dugo, aŋ Anut enti a Kristus san ilo panek lo igiaŋ an patum apani kisaek oŋ a. Agog aŋ abileksag malam yaug bilaluŋ senamo geig an ale dugo an mi ari apani da.

2 Korint 11:30

Aria, aŋ ŋai asodudunag pe se pitianoi ru ŋabol tap, ŋai ru naok igo yak ŋabol a. Kagin naok naok nek a ŋai tamol dabai ag tia yak oŋ kuai te igane ilasa dan mi, niŋedi wo seg ipitianag a.

2 Korint 11:6

Gidad, ŋai ŋiŋeŋ lo ta uyan na ya, ago bo man, ŋaisag maŋau Kristus lo man ta katukan na ya. Saen fidian maŋsama kagin naok naok dugo migane dan lo maŋsama maŋau an mukubiaig ale se ya.

2 Korint 10:10

Man dugo, tamolpein aenta igo dubol, “Pol san girek an ru dabai funfun lo igire ya, ago gug saen iŋsen ipalup id luluŋad lo ru ifulale tap, iŋsan ru an dabai aman tia ya, agod iŋsan ŋiŋeŋ man kawan a.”

2 Korint 13:4

Rumok, wagam iŋ dabai aman tia an lo iŋ aigim fo dubali a, ago gug iŋ mateŋ lo imasag gamu Anut san dabai lo mi kumaen imado da. Nek ago mi maŋ Kristus da tinima tan en san an dabai amam tia ya, ago gug man Anut san dabai lo maŋ iŋ da sisem dabai amama da ya, an lo maŋ iŋ da mumado dop aŋ mibinawaŋ a.

Aposel 16:6

Urgun iŋ Esia san tan fidian lo Anut san ru dubol ilasa wo man geg ipidinai a. Ago tag iŋ Frisia na, agod Galesia na mi tureŋ diabi na ya.

Matyu 4:23

Aria Jesus aben Galili ilon lo fidian itiliani pasik go sad ubou ab ilon lo maŋau ipiteŋanai dugo, Anut iŋanen kagin panek an san bilaluŋ dam malak malak ifulale se ya. Saen an lo tamolpein ilod lo subam naon funfun fidian agod ŋied banid ikikai an ikubuniai idu se ya.

Galesia 4:12

O teig taog, saen ŋai aŋ luluŋam lo ŋumado se yan, muruan ta apanag man tia ya. Tia, nek ibol aŋ Juda sad kubiaeŋ patun fo amado se yan ago woŋ, ŋai dam, kubiaeŋ patun fo ŋumado se ya. Amaiak niŋen o, ŋai mel en niŋen o ŋuguduanaŋ da. Kubiaeŋ a ŋaisag madok wagam ak itirni na yan ŋibisei la ya, aŋ dam nek ago amado wo ilog ibol da.

Galesia 4:14

Agod subam a ŋai tinig lo ilasa yan muruan tubun geig aŋ ipanaŋ a. Ago bo man aŋ naom sakar go aliag saian dop abianag man tia ya. Tia, aŋ ŋai aŋiliag ak nek ibol Anut san eŋel igo woŋ a, tia, nek ibol Jesus Kristus iŋsen mi ak ago aŋiliag go kagin ag agane ya.

Galesia 4:18

Rumok, aŋ ŋai apitianag o tap, kagin an saen fidian yen o man uyanan a, ak gug ilo sou uyan mok ak lo mi ago agane wa. Agod saen ŋai aŋ da tumado dan mi ago agane boi tia, saen ŋai asau mi ŋumado dan dam ago agane wo ilog yen da.