Galesia 4:1 - Takia

¹ Ŋaisag ru naok man igo ya. Tamol ta nanuk lo mi taman aben iŋanep san melmel kagin ta ipani na da. Tia, iŋ nanuk lo man nek ibol taman san urat pinein igo woŋ a. Gidad melmel an fidian iŋ muroun, ago bo man imado yaup iŋanen saen idaisuda gup, melmel an fidian iŋ yaŋan paen na dien a.

Galesia 4:1 Referans Kwoze

Galesia 4:29

Ak gug Abraham san saen lo, nanuk a Abraham sinanen ilo sou lo ilasa yan, muruan tubun mok nanuk a Awan Urgun san dabai lo ilasa yan ipani a. Agog kagin an dam nek gamu ago mi yen da.

Galesia 4:23

Abraham iŋsinanen ilo sou mi irig an lo urat pein an nanuk igansi. Ak man iwon mok man nanuk ago ta igansi na ya. Tia, iŋ Anut san promis Abraham ipani an lo nanuk igansi a.

Galesia 3:29

Amaiak niŋen o aŋ Kristus san tap, aŋ dam Abraham san malan kubulan mok a. An niŋen o aŋ Abraham san malan kubulan tap, Anut san promis ru a Abraham ipani an dam aŋsam mi a, ago dop iŋanen bar aŋ dam aŋane mok a.

Galesia 4:2

Nal a taman ipate pani an gamugo ilasa dop, iŋ tamolpein paed na imado wa, nanuk an taman iŋ tamolpein ipilianaig an lo iŋ nek ibol titianek tamol adi igo woŋ nanuk an kagin dupani wa. Taman iŋ titianek adi dida iŋaned waged lo mi nanuk an imado se ya.

1 Jon 5:10

Talpein a Anut Nanun niŋen o ilon rumok dan, iŋ buben lo ru a Anut ibol ilasa dan yen da. Gug talpein iŋ Anut san ru an ilon lo ta rumok na yan, iŋ Anut sewak tamol igo woŋ igane da. Man dugo, Anut iŋsen Nanun niŋen o ru an ibol a, ak gug talpein an ilon lo ta rumok na ya.