Galesia 3:18 - Takia

¹⁸ Ak dugo, melmel a promis an lo mitep tiŋane wan, kubiaeŋ tiganuri dan lom tiŋane wak i? Ago tap man, promis a Anut Abraham ipani an nuŋon tia ya. Gug id taloŋ ak, Abraham iŋ Anut san promis an lo mi kontrak an iŋane ya. Ak dugo, Anut san promis a igane yan nuŋon tia yak i? Man tia geig a. Amaiak niŋen o id taloŋ ak, id melmel uyanan a mitep tiŋane wan, kubiaeŋ tiri tupani dan lo mi tiŋane san tia ya.

Galesia 3:18 Referans Kwoze

Galesia 2:21

Man niŋen o, ŋai Anut san ilo panek an mel kawan ak igo woŋ ŋigane ilasa man tia ya. Man dugo, Moses san kubiaeŋ an lo mi id itaotan tilasa tap man, Kristus imat an nuŋon tia ya.”

Galesia 3:29

Amaiak niŋen o aŋ Kristus san tap, aŋ dam Abraham san malan kubulan mok a. An niŋen o aŋ Abraham san malan kubulan tap, Anut san promis ru a Abraham ipani an dam aŋsam mi a, ago dop iŋanen bar aŋ dam aŋane mok a.

Rom 8:17

Aria, id Anut nanun muroun tumado tap, filian tiŋane san tamolpein tumado wa. Awo, id Kristus da madai tisini tap, id iŋ da Anut san filian tiŋane wa. Man dugo, id Kristus da madai tisini dan lo Anut mi id Kristus da girager ipanad a.

Galesia 3:26

Man dugo, aŋ Jesus Kristus da atumani an lo aŋ fidian Anut san nanun muroun mok a. Aŋanem ilo rumok iŋ lo yan niŋen o mi mel an ilasa ya.

Galesia 3:16

Aria, Anut iŋsan promis ru an Abraham mi ipani wo man tia ya, tia, Abraham iŋanen kubulan da mi promis an ipidinai a. Aloŋ uyan a. Anut Abraham iŋanen malan kubulan dadi promis an ipidinai o ago ta ibol na ya. Man dugo, Anut tamolpein wei mi niŋedi wo ilon ta isou na da, tia, tamol kisaek murnap ilasa wan niŋen o mi ilon isou da. Tamol an nek Kristus.

Galesia 3:12

Gug Kubiaeŋ man ilo rumok san mel tia ya. Man ata wo? Anut san ru igo ibol a. “Talpein enti a kubiaeŋ san kagin naok naok fidian igane mok dan, dal amaiak lo mi kumaen iŋane wa.”

Galesia 3:10

Fidian a kubiaeŋ mi duri dupani dugo, an lo Anut patud ipasi wak o tini ganei digane dan, iŋ misilanek ru paen na dumado da. Man dugo, ru e girek lo yen den ibol, “Talpein ta mel fidian a kubiaeŋ san buk lo yen dan lo ta itur sakar na tap, iŋ misilanek paen na imado wa.”