Filipai 4:20 - Takia

²⁰ Id pempem idsad Tamad Anut mi yaŋan tabisap lak na yau a. Rumok.

Filipai 4:20 Referans Kwoze

Rom 11:36

Man dugo, iŋsan na dupalu dan, iŋ tuon lo, iŋsen niŋen o dam mi mel en fidian dilasag dien da. Iŋ saen pempem mi girager aman da imado wa. Rumok.

Revelesen 14:7

Iŋ dabai geig igo iwagiŋ go irupidai, “Aŋ gidad Anut niŋen o arer a! Iŋ yaŋan abisa wa! Ata wo? Iŋ tamolpein bitinaek lo idirai san nal ilasa la ya. Aŋ Tamol e iŋ keit, tan, beig di you gib lo ibanai dan dam idirai en, iŋ lo mi agudani dop iŋanen ubou leil lo mi amado wa.”

Revelesen 7:12

Iŋ igo dubol, “Rumok geig, per, girager, maŋau, ilo uyan panek, yaŋak tubun, dabai tubun, agod tuon dabai geig ak dam, an fidian pempem mi man Anut san mi a. Rumok!”

Revelesen 5:12

Iŋ awad tubun mi bar igo diabi se ya, “Sipsip Nanun e dufuni imat en, iŋ dabai, filian, maŋau, tuon dabai ak, yaŋan lak na geig ak, girager agod per dam, amaiak fidian iŋane san idaisuda mok a.”

Revelesen 1:6

Agod iŋ itumanad go iŋsan kagin panek paen na tumado da. An lo man Kristus id idirad go iŋsan Taman Bai san pris adi igo woŋ gamu tumado da. Aria, id saen fidian lo Jesus yaŋan tabisap yau a. Iŋ mi saen pempem melmel fidian itirnai san dabai aman da ya. Idsad per panek pempem nek ago yen yau a. Rumok.

Jud 1:25

Anut kisaek en mi patud ipasi san, Jesus Kristus idsad Tubun ak lo yaŋan tabisa wa. Iŋ Kiŋ girager aman da, imug imado ya. Agod dabai tubun ak aman da ya. Iŋ melmel fidian sad gurman imado da. Iŋ gubak mi imado ipalug, gamu dam mi imado da. Saen murna dop, ago mi imado yau a. Rumok.

Filipai 1:11

Agod kagin itaotan san nuŋon wei mi Jesus Kristus lo ilasa dan, aŋ tinim lo idaisuda wa. An lo tamolpein iŋ Anut yaŋan girager aman da yak diabisa dop ilo uyan dupani wa.

Efesus 3:21

Ago yak niŋen o, iŋsan tamolpein luluŋad lo, Kristus lo dam, Anut san girager kuai tem yen a, gamu yen ak, nal pempem nek agom yen yau a. Rumok.

Revelesen 11:13

Saen nek amaiak lo mi, kanaurig tubun ak ilasa dugo, taun tubun an titin kisaek daoŋ ipani a, ago gug titin 9 an yen a. An lo man seven tausen tamolpein kanaurig an lo dumat a. Gug tamolpein a dumado yan, tubun mi geig direr dugo, kumaen panu san Anut yaŋan diabisa se ya.

1 Timoti 1:17

Iŋ man Kiŋ pempem san. Iŋ man malad lo tile san tia yak, agod dam dimirirani san tia ya. Iŋsen Anut rumok ak mi imado da. Ago yak niŋen o pempem iŋ yaŋan tabisa dop tipitiani wa. Rumok.

Filipai 4:23

Tubun ak Jesus Kristus iŋanen ilo panek aŋanem ur da itumanip kisaek mi amado wa.

Rom 16:27

An niŋen iŋ yaŋan tabisa. Iŋ mi Anut, iŋ mi maŋau tamol a. Jesus Kristus yaŋan lo mi, iŋ mi yaŋak tubun ak pempem iŋane wa. Rumok.

Matyu 28:20

Ru kagin fidian ŋai aŋ ŋurupaiaŋ amaiak iŋ duri dupani uyanan o apiteŋanai a. Agod en ale, ŋai pempem mi aŋ da tumado da, ago mi yaup saen en itout a.”

Matyu 6:9

Fun an niŋen o aŋ igo agudani wa. O Bai, oŋ did lo mado da. Oŋane yaŋa gun migane da.