Filipai 3:17 - Takia

¹⁷ Teig taog, aŋ ŋaisag tureŋ atutuŋanip amado wa. Tamol a nek maŋ igo dutor dan leil apidinai a, man dugo, iŋ aigim san ager ta dumado na da.

Filipai 3:17 Referans Kwoze

Filipai 4:9

Aŋ ŋaisag na maŋau aŋane da, aŋ ŋaisag na mel asini da, aŋ ŋaisag ru aloŋ da, aŋ ŋaisag tureŋ dugo ŋator dan ale da. Aria, aŋ dam nek ago agane wa, ago tap maror san Anut aŋ da amado wa.

1 Korint 4:16

Fun an niŋen o aŋ ŋududuwaŋ da, ago dop aŋ ŋai atutuŋanag pe, aŋsam tutuŋanek tamol igo woŋ asodudunag ŋilasa wa. Ŋaisag kagin naok naok an anek anek atem agam agane wa.

1 Pita 5:3

Aŋ sipsip a Anut banim lo idirai an ŋai-ŋai kagin lo atirnai amoi. Gug aŋsam kagin an ibol mitilaen igo woŋ Anut san sipsip dile dop duri wa.

2 Tesalonaika 3:9

Rumok geig, maŋ tamol yaŋama tubun ak mi a. Amaiak niŋen o iloma ibol tap man, maŋ ka aŋ musumianaŋ dop kagin apanama wa. Gug ago migane wan mamoi a. Man dugo, maŋ aŋsam tinanou igo woŋ mumado da, an lo aŋsem ale dop maŋsama madok en mi ari wa.

Hibru 13:7

Aŋanem gurman Anut anen ru durupaiaŋ na yan ilom isou. Iŋsad kagin naok naok san nuŋon uyanan kuai isi a, an mi ilom isou wa. Agod iŋsad ilo rumok aŋ dam aŋanep abi wa.

1 Timoti 4:12

Oŋ pinein damag ak niŋen o, oŋ talpein ta ule funi dop ta ibio udu na wa. Tia, ru lo, oŋsa tureŋ lo, ilo panek lo, ilo rumok lo, agod kagin ikok ak lo dam oŋ iŋaned tinanou igo woŋ mado wa.

2 Tesalonaika 3:7

Man dugo, aŋ aŋsem maŋsama kagin naok dugo woŋ ari apani san aloŋ uyanan a. Aŋ ilom isou, saen maŋ aŋ luluŋam lo tumado se yan miyalis man tia ya.

1 Korint 10:32

Gidad tamolpein ta iŋ Juda boi, tia, Juda tia boi, tia, Anut anen midaeŋ, oŋ mel ta ganep an lo iŋ luluŋad lo talpein kisaek ta yau idu na wa.

2 Tesalonaika 3:14

Aria, talpein ta ru kubiaeŋ girek en lo migire idu yen ta iloŋ na tap, talpein an aŋ ale wo uyan dop ida ta ator na wa. Man dugo, aŋ ago agane dop man, iŋ miai ifuni wa.

1 Tesalonaika 1:6

Aŋ maŋsama kagin agod Tubun ak san kagin da agam go ari a. Gidad muruan tubun mok aŋsam na ilasa se yak man Awan Urgun aŋ ibiaŋsag aŋ ilo uyan da isuda geig a. Kagin ago yan lo maŋsama bilaluŋ aŋane ya.

Rom 16:17

Teig taog, tawaŋ agane wo ŋai ŋurupaiaŋ da. Tamol a aŋ luluŋam lo biatitek iŋ muruan da digane ilasa dan, an niŋedi wo kagin agane. Iŋsad ru an naon sen geig a, ibol aŋ ru rumok ak aloŋ ago tia ya. Fun amaiak niŋen aŋ sen alasa wo ŋurupaiaŋ da.

1 Korint 11:1

An niŋen o ŋai Kristus san kagin ŋagam ŋiŋane ya. Nek ago mi aŋ dam ŋaisag kagin agam aŋane wa.