Filipai 2:16 - Takia

¹⁶ ago dugo aŋ tamolpein naod na, ru a kumaen ka ipidinai an diŋanep diabi wo abal ilasa dugo dile da. An lo dop Kristus san nal idu dan te ŋai se pitianoi ru igo ka ŋabol a, ŋaisag maspalu yan, agod ŋaisag urat dam nuŋon igane ya.

Filipai 2:16 Referans Kwoze

1 Korint 9:26

Ŋai ŋaiseg tinig piteŋanek uyanan ŋupani da. An lo ŋai ŋaloŋ uyan ak, ŋai tamol imaspalug dal yapitilig yau dak igo woŋ tia ya, tia, ŋai nek ibol tamol ta nug dufuni dugo, banin kawan ifu yau na yak ago dam tia ya.

Galesia 2:2

Man dugo, Anut iŋsen ŋai Jerusalem na ŋau o ikubiai panag a, an niŋen o ŋai ŋaug atna ŋumado ya. Ante ŋai ubou leil san tamol adi dadi mukubiai dugo, bilaluŋ uyanan a gob adi luluŋad lo ŋabol ilasa se yan naod na ŋufulaleg duloŋ a. (Gug mianuk lo mi tamol adi a yaŋad tubun ak amad da yan dida bilaluŋ awan an san fun dam ŋufulaleg duloŋ a.) Kabelan ŋaisag piteŋanek dibitinae dop ŋai naok naok aenta lo kawan ŋumaspalu se yak ago dubol banau.

1 Jon 1:1

Kumaen san ru a fun lo mok yen go ipalu yan, tamol mok igo ilasa ya. Iŋsen awan lo kumaen san ru ilasa dugo maŋ maloŋ ak, malama lo mok mile yak, agod tinin dam banima nam mabi ak, an mi maŋ niŋen o miŋiŋeŋ da.

Jon 6:68

Saimon Pita awan yabig ibol, “O Tubun ak, maŋ enti san na mau wo ubol di? Oŋane ru mi iŋ kumaen pempem san aman da ya.

1 Tesalonaika 3:5

Ŋai aŋ niŋemi wo ilo weiwei ag da ŋumado se ya. Kitek milaen go ŋai ilo maror amag tia ya, an lo Timoti ŋidinig aŋsam ilo rumok niŋen o yen dabai boi, tia boi, an kuai ipani wo aŋsam na ipalu ya. Ŋaisag rirek man, ur saiak ilo ŋanek san ta ilom iŋaneg maŋsama urat an kawan a.

Jon 6:63

Urgun mi iŋ tamol kumaen ipani da, tinid man iŋ kitek ibinawad san tia ya. Ru e ŋai ŋurupaiaŋ den, iŋ ur agod iŋ kumaen a.

Luk 12:8

“Ŋai aŋ ŋurupaiaŋ da. Talpein ta tamol naod na iŋ ŋaisag ago ibol tap, ŋai dam Anut san eŋel naod na ŋatur pe ŋabol ak iŋ ŋaisag a.

Hibru 4:12

Anut san ru man kumaen a, agod dabai aman da ago yen da. Nek ibol bubarek kisaek malan uraru aman da yak igo woŋ, an talpein tinin isuep iladu yau geig da, iŋsan ŋutun ur da ibiatai da, tatu batek dam titiŋaem igilep sensen dilasa wa. Agod bubed san kankan iŋ ilo girek da ka ikubiani san iloŋ da.

1 Pita 1:23

Man dugo, ai patun kitekan yen pe itout yau san an lo aŋ foun ak igo woŋ ta alasa na ya. Tia, ai patun a itout yau san tia yan lo tamolpein foun ak alasa ya. Ai patun an man Anut san ru kumaen ak, agod pempem yen yau san an mi a.

1 Tesalonaika 2:19

Murna gup, saen idsad Tubun ak Jesus tan na imul dop id naon na tatur an, maŋsama mala nouk dugo i? Ago dop maŋ ata mel niŋen o yousai migane wak i? Ago dop maŋsama urat naon miŋane wan dugo i? An nek aŋsem mi a.

Galesia 4:11

Ŋai aŋanem kagin naok an niŋen o ilog saian da, kabelan ŋaineg urat aŋ luluŋam lo ŋigane yan kawan banau.

Revelesen 22:17

Awan Ur iŋ Sipsip Nanun san pein da Jesus durupeig ago dubol, “Oŋ palu.” Agod talpein enti buk en lo ru iloŋ dan iŋ dam ka ibol, “Oŋ palu.” Talpein enti kulagun igos pe iluk o imat dop, iŋ ka ipalup you kumaen san an naon tia kawan iŋane wa.

Aposel 13:26

“O teig muroug, Abraham malan kubulan, agod aŋ tamolpein aenta Anut yaŋan abisa dan kudom agure. Patu pasek san ru man Anut idsad na iganeg ipalu ya.

Matyu 10:27

Ru tidom tubun lo ŋurupaiaŋ dan, ad lo abol ilasa wa. Agod ru dugo kisikisik lo aloŋ dan, ab fuŋ fufo atur pe awam tubun mi abol ilasa dop fidian duloŋ a.

1 Korint 1:8

Iŋ aŋ dabai ipanaŋ pe atur sakar yaup saen wadan idu wa, an lo idsad Tubun ak Jesus Kristus san nal idu wan lo iŋ aŋ mel ta niŋen o ru ta ipanaŋ na wa.

Filipai 1:6

Agod ŋai mel en ŋaloŋ uyan ak, Enti a aŋ lo urat uyanan mok fun igane yan, urat an igane yaup nal a Jesus Kristus imul ipalu wan te gup itout a.

Filipai 1:10

An lo aŋ kagin naok naok a Anut malan lo uyanan mok an niŋedi wo ilom itarpasi san aŋ idaisuda geig a. An mi tia, aŋ bubem itaot, aenta aŋ niŋemi wo ru tia, ago amado yaup Kristus san nal ilasa wa.