Filipai 1:7 - Takia

⁷ Ŋai aŋ niŋemi wo ago ilog isou dan uyan a. Man dugo, aŋ man ŋaisag bubeg buson mok a. Gidad ŋai subanek lo ŋumado boi, tia, ŋai bilaluŋ uyan ak dabai ŋupani boi, tia, ŋai kulob dabai ate bilaluŋ uyan ak ŋabol ilasa dan, an ru rumok ago ŋukubiai dile boi, aŋ fidian dam Anut san ilo panek e ŋai ipanag den lo atutoug amado da.

Filipai 1:7 Referans Kwoze

2 Korint 7:3

Ŋai ru ago ŋabol an lo, aŋ ta saian ŋupanaŋ na da. Tia, ŋai gubak mi aŋ man maŋsama bubema buson ago ŋabol la ya. Gidad maŋ aŋ da sisem tamat boi, tia, aŋ da sisem kumaen tumado bo man, maŋ aŋ niŋemi wo tubun mi mamat yau oŋ da.

Filipai 1:5

Ŋai aŋ ilog uyan panaŋ da. Man dugo, nal malan te maŋ aŋ luluŋam lo urat fun miganeg ipalug gamu en, aŋ maŋ da sisem urat kisaek, bilaluŋ uyan ak Jesus Kristus niŋen o tabol ilasa dugo tamolpein duloŋ da.

2 Timoti 2:9

Nek fun an niŋen o gamu ŋai sein nam tamol saiag ak igo dusubanag a. Rumok, ŋai sein nam dusubanag a, gug Anut san ru sein nam dusubani san tia ya.

Kolosi 4:18

Ŋai Pol, ŋaiseg banig mok nam ru wadan en ŋigire da. Ŋai ilo uyan ru ŋurupaiaŋ da. Aŋ ŋai subanek lo ŋumado dan, ilom ta iŋaoŋ na wa. Ŋai ŋugudani da, Anut iŋanen ilo panek aŋ da ka amado wa.

Filipai 4:14

Gug, aŋ ŋai da sisem ŋaisag muruan e tisini en lo, aŋ ilom apanag an uyanan a.

Efesus 6:20

Iŋsan bilaluŋ niŋen o ŋai man Anut san nao ŋanek tamol, funatek lo ŋumado da. Aŋ gudanek lo Anut asumiani dop iŋ dabai ipanag dop tamolpein naod na ru dabai mok ŋabol a, man dugo, kagin an ŋigane wan Anut malan lo man uyanan a.

Efesus 3:1

Fun an niŋen o, ŋai Pol, aŋ tamolpein a Juda tia yan niŋemi wo Kristus san subanek tamol ŋumado da. Aria, Anut ŋugudani wo da, ak gug ru ta ŋurupaiaŋ o da.

Aposel 20:23

Mel kisaek en ŋaloŋ la ya, taun fidian ate ŋilasa dan te Urgun irupaiag ak Jerusalem na madai agod muruan wei mi malag igane da.

1 Jon 3:14

Id taloŋ ak mateŋ san dal tibiseig, kumaen san dal lo tiladu ya. Id teid taod niŋedi wo tamat an lo taloŋ ak, an rumok a. Agod ta iŋ turan niŋedi wo ta imat na dan mateŋ san tuon yabituani oŋ da.

2 Pita 1:13

Man dugo, ŋaisag ilog lo saen gamu ŋai tinig tan en lo ŋumado den man gidad ŋai safulalek ru igo ŋurupaiaŋ da, an uyanan a. Ago dop aŋ dam mel en san ilo sou man mi agane wa.

1 Pita 4:13

Tia, youm isa wa, man dugo, aŋ Kristus da sisem mi muruan asini da. An lo saen Kristus san girager kuai isi wan ate dop ilom uyanan geig a.

Hibru 3:1

An niŋen o aŋ ŋaineg teig taog gun ak, aŋ maŋ da Anut san wagiŋ an lo itumanad go tumado dan, aŋ Jesus niŋen o mi ilom isou a. Iŋ aposel agod iŋ pris malan te yak an niŋen o tabol ilasa da.

2 Timoti 1:8

Amaiak niŋen o, idsad Tubun ak san ru ubol ilasa wo miai ta ifuno na wa. Ŋai niŋeg o dam miai ta ifuno na wa, man dugo, ŋai subanek ab lo iŋsan subanek tamol oŋ ŋumado da. Gug oŋ luag usap bilaluŋ ru san madai an tisini wa, an Anut san dabai lo ago tigane wa.

1 Tesalonaika 5:5

Aŋ fidian tamol ilalaŋ san agod ad san, id tidom, tidom tubun da san tia ya.

Kolosi 4:3

Agod saen aŋ Anut agudani dop, maŋ o dam ilom isou panama wa. Anut asumiani dop, iŋanen ru mianuk Kristus niŋen o yan mabol ilasa san iŋ ka dalawan ipasi panama wa. Ŋai gubak mi ru mianuk an tamolpein ŋufulale pidinai se ya. Fun an niŋen o ŋai dusubanag go sein nam ŋieg banig dufoug subanek ab lo ŋumado da.

Efesus 4:1

Ŋai Pol, Tubun ak san subanek tamol, ŋai igo ŋurupaiaŋ da. Madok a Anut niŋen o igiaŋ an ari apani wa. Ago dop kagin a iŋsen niŋen o ilon yen dan lo mi itaot ator o ago ilom ŋabisa da.

Galesia 5:6

Man dugo, saen talpein ta iŋ Kristus da dutumani dan, gidad muluŋ lo idu boi, tia, muluŋ lo ta idu bo man an mel kawan a. Mel kisaek nek en mi iŋ tubun a, id ilo rumok amad da yan lo tamolpein aenta ilod tipidinai da.

2 Korint 3:2

Tia, aŋsem mi man, maŋanema girek ta kuai tem ibol da, an lo tamolpein aŋ diliaŋ dop duloŋ ak maŋ Anut san urat tamol mok a. Man dugo, girek an aŋ bubem ilon lo Kristus igire idu la ya, an lo tamolpein fidian dusuti dop aŋanem nao lalek dile duloŋ a.

1 Korint 13:7

Ilo panek kagin man pempem aenta ibargiranai dugo, pempem ilon lo rumok da, agod pempem mala nouk imado dugo, pempem muruan lo itur sakar da.

1 Korint 9:23

Kagin en fidian bilaluŋ uyan ak faŋan lo ŋigane da, ata wo, murnap bar a fidian bilaluŋ uyan amaiak idiraip dilasa wan lo ŋututou wo ilog ago yen da.

Aposel 21:33

Yu tamol sad gurman tubun an Pol san na yaug yabig ibol dugo sein uraru nam dusubani a. Agog tamolpein isumianai, “En so tamol ta i? Agod iŋ dugo igane ak i?”

1 Pita 5:1

Ŋai matu gurman aŋ luluŋam lo dumado dan, ŋai dam nek iŋ ago mi ŋumado da. Ŋai dam Kristus madai isini an seg malag mok nam ŋile ya. Taida mi ŋaiseg dam iŋsan girager murnap kuai isi wan ŋai dam an lo ŋumado da. An lo igo ŋusumianaŋ o da.

Filipai 1:12

Teig taog, aŋ aloŋ uyan o ŋai ilog ibol da, muruan ta ŋai tinig fo digane ya, ago bo man muruan nek an bilaluŋ uyan en ifufurak yau san dal ipasi a.

Filipai 1:13

Rumok, iŋ ŋai subanek lo diginiag a, gug kagin an lo tamolpein fidian Rom na dumado dan iŋ duloŋ ak ŋai Kristus san urat ŋigane damaiak naon ŋisini da. Agod tamol adi Kaisa san ab dititiani dan, an dam fidian duloŋ a.

Filipai 1:14

Agod an mi tia ya. Tia, ŋai teig taog Tubun en lo dumado dan wei mi dam, ŋai sein nam dusubanag go ŋumado dan lo, iŋaned ilo rumok dabai ipanig direr san tia ya, an lo Anut anen ru dabai nam dufulale da.

Filipai 2:22

Gug aŋ aloŋ ak Timoti iŋsen ikubiai tile yak iŋ tamol uyan a. Man dugo, iŋ nek ibol awa yabek nanuk ta taman da urat digane dak igo woŋ, ŋai siŋireg na bilaluŋ uyan ak san urat an migane se ya.

Filipai 4:3

Awo, oŋ dam, ŋaisag turag uyanan urat sisem tigane da, ŋai igo ŋusumiano, oŋ pein uraru an binawai a. Man dugo, ŋai ru uyanan ŋufulale na yan lo, iŋ ŋai dida nug mupinig urat migane se ya. Agod Klement iŋ ŋaisag urat kisaek aenta dida yaŋad kumaen san buk lo yen la yan, urat nek ago mi nug mupinig migane se ya.

Filipai 4:15

Agod aŋ Filipai tamolpein aŋsem aloŋ ak, saen ŋai fun ŋiganeg Tubud ru ŋufulaleg Masedonia ŋubiseig ŋau an midaeŋ taida ŋai moni lo dibinawag man tia ya, tia, aŋsem mi ŋai abinawag a.

Filemon 1:13

Ŋai ŋabituanip, saen ŋai bilaluŋ uyanan ak niŋen subanek lo ŋumado dan niŋen o, iŋ oŋ wage lo ibinawag o ilog ibol da. Ago bo man,