Filipai 1:28 - Takia

²⁸ Agod dal ta lo ager adi urer ta dupanaŋ na wa. Kagin a agane dan lo mel en kuai te ilasa ya: Anut murnap ipitiŋinai ak ago ikubiai dile da, gug aŋaŋem kagin aŋ niŋemi wo ago ta ibol na da, tia, Anut aŋ patum ipasi wan ago ibol go aloŋ da.

Filipai 1:28 Referans Kwoze

Matyu 10:28

Agod tamolpein a oŋ tini dufuni imat gug, oŋ ŋutu dufuni imat san ta idaisuda na yan niŋedi wo ta urer na wa. Tia, gidad enti a oŋ tini ŋutu sisem Ades lo daoŋ ka ipidinai san dabai aman da yan niŋen o mi urer a.

Rom 8:17

Aria, id Anut nanun muroun tumado tap, filian tiŋane san tamolpein tumado wa. Awo, id Kristus da madai tisini tap, id iŋ da Anut san filian tiŋane wa. Man dugo, id Kristus da madai tisini dan lo Anut mi id Kristus da girager ipanad a.

Hibru 13:6

Fun amaiak niŋen o, ru e id tabol ilasa den man ru rumok a, “Tubun en man ŋaisag binawek, an niŋen o mel ta wo ŋai ta ŋarer na wa. Dugo, tamol ta mel ta lo dam ŋai ifunag san idaisuda yak i?”

Revelesen 2:10

Saen kitekan dap aŋ muruan asini wa, ak gug an niŋen o aŋ gidad ilom ta irer na wa. Ŋai ŋurupaiaŋ da, Satan ago igane dop, iŋ tamol aenta aŋ luluŋam lo subanek lo idirai a, ago dop an lo aŋ ikubianaŋ a. Saen an lo dop aŋ nal 10 muruan iŋ madai da asini wa. Gidad oŋ dufuno umat a, oŋane ilo rumok ŋai lo yan wabi dabai dop yaup umat a. Ago dop man, kumaen pempem mi mado san kob ŋupano wa.

1 Tesalonaika 2:2

Inug mi Filipai na man, maŋ tinima malan dusueg ilo madai miŋane man aŋ aloŋ a. Ak man idsad Anut maŋ bubema dabai ipani an lo, maŋ dabai miŋaneg iŋsan bilaluŋ uyan an aŋsam na mufulale se ya. Maŋ ager tamol adi dida nug mabi midiri se yak man niŋedi wo ta marer se na ya.

Luk 3:6

Ago dop tamolpein fidian iŋ patu pasek tamol a Anut idinip ipalu wan dile wa.’”

Aposel 28:28

“Ago yak niŋen o aŋ aloŋ. Anut iŋsan patu pasek san ru iganeg tamolpein Juda tia yan sad na yau da. Iŋ ru an duloŋ pe niŋen o kududod dugure wa!”

Jon 16:8

Urgun ipalu dop, tamolpein ilod isafulalep, kagin saiak san fun, agod kagin itaot ak san fun dam dumuŋani fufei wa. Agod murnap Anut naon na ditur pe bitinaek lo idirai an san fun dam iŋsed ilod lo dukubiani wa.

Mak 3:3

Aria, Jesus tamol e banin saian en irupei, “Oŋ masap, titiŋaem utur.”