Efesus 6:8 - Takia

⁸ Man dugo aŋ aloŋ uyan ak, talpein ta iŋ mel ta uyanan ak igane tap, iŋsan urat naon man mel ta uyanan ak naon kisaek Anut banin lo ipalu dan an mi iŋane wa. Gidad iŋ bigabeg boi, tia, iŋsinanen ilobol lo itor san tamol boi, uraru an sad urat naon man kisaek a.

Efesus 6:8 Referans Kwoze

Kolosi 3:24

Fun an niŋen o, aŋ mel en aloŋ uyan ak, Tubun en aŋ dam mel uyanan a Anut san tamolpein ipidinai o iganeg yen dan, aŋanem urat naon igo woŋ ipanaŋ a. Tamol nek a iŋsan urat agane dan man Tubun ak Kristus iŋsen mi.

Luk 14:14

Ago tap oŋ bar uyan ama da wa. Man dugo, iŋ naon fon oŋ dupano san tia ya. Gug mitep saen tamol itaot adi kumaen dumasa dop, Anut kulob a gane yan naon ipano wa.”

Kolosi 3:11

Fun an lo na id foud tilasa yan luluŋad lo tarpalek man tia ya. Grik iŋ Juda dadi, tamol a tinid suŋulon dutute yan, a tinid suŋulon ta dutute na yan, tamol asau ak, tia, tamol kasik yu gidigidad digane dak, tamol urat bigabeg ak, tia, tamol kawan imado dan, an fidian kisaek a. Gamu Kristus mi malan te ya, man dugo, iŋ tamol naok an fidian ilod lo imado da.

2 Korint 5:10

Man dugo, id fidian mi Kristus naon na bitinaek lo tatur a, ago dop id anen anen atem tan na tumado dugo kagin uyan saian tigane na yan atem naon tiŋane wa.

Matyu 16:27

Man dugo, Tamol Nanun mitep Taman san girager an lo ipalu dop, iŋanen eŋel adi dida dudu wa. Agop talpein fidian iŋaned urat dugo dugo digane na yan naon ipidinai a.

Matyu 6:4

An lo dop mianuk lo mi oŋsa binawek pidinai a. Ago dop lo oŋane Tama kagin a mianuk lo mi gane yan ile dop, naon ipano wa.

Hibru 10:35

Fun an niŋen o aŋanem tini ganek Kristus lo yan abal yau amoi. Man dugo, Anut mel an naon tubun ak ipanaŋ a.

Hibru 11:26

Iŋ misilanek Kristus yaŋan niŋen o ile man Igipta sad bala filian an fidian iriŋani pasik an ibol a. Man dugo, iŋsan ilo isou imug yau an lo iŋsan urat naon ile ya.

Galesia 3:28

Fun amaiak niŋen o gamu gup ta iŋ Juda tamol, ta iŋ Juda tia yak, enti iŋ bigabeg urat san subanek lo imado dan, enti iŋanen ilobol lo mi itor dan, enti iŋ tamol, enti iŋ pein, yaŋak an ago ta tipate na wa. Yaŋak naok ago yan man mel kawan a. Man dugo, gamu aŋ fidian mi man Jesus Kristus lo kisaek a.

Matyu 6:1

“Kagin gane wo uyan a, oŋane kagin uyan uyan man tamolpein naod na gane dop lo dilio wo ago ta gane na wa. Oŋ ago gane tap, Tama kumaen panu lo imado dan naon ta ipano na wa.

Matyu 5:12

Yousai lo amado dop ilom uyanan a, fun dugo, aŋanem naon kumaen panu lo yen den tubun geig a. Man dugo, nek muruan naon kisaek mi tamolpein profet adi imug dumado yan dupidinai se ya.

Luk 6:35

Gidad. Aŋanem ager ilom ipidinaip, kagin uyan ak mi iŋ lo agane wa. Ta mel apani tap, naon ipanaŋ o ta abol na wa. Ago agane tap, murnap naon tubun ak aŋane dop, Anut lak na yan nanun mok amado wa. Man dugo, Anut sen tamolpein a ilo uyan ru ta dupani na dan, agod a iŋsed mi wo ilo sou digane dan dam, ilon ipidinai da.

1 Korint 12:13

Man dugo, id fidian Ur kisaek mi nam suguek tiŋaneg, an lo tutumanig tinik kisaek tilasag tumado da. Gidad id aenta Juda, tia, aenta Juda tia yak, aenta urat bigabeg adi, aenta kawan tumado tator da, Anut id fidian Urgun kisaek mi lo taluk o ipanad a.

Kolosi 3:25

Aloŋ uyan ak, talpein enti igane saian dan, iŋsinan kagin saian an naon ka iŋane wa. Gidad oŋ urat bigabeg, oŋ urat bigabeg taman, naon panek kagin a Anut igane dan kisaek a, man dugo, iŋsan leil lo man, id fidian tou kisaek mi a.

Matyu 20:7

Iŋ abi muroun ru naon durupeig dubol, ‘Tamol ta maŋ ibiama man tia ya.’ Ago tag irupidai, ‘Aŋ dam gamu ŋaineg wain abi lo au a.’