Efesus 3:9 - Takia

⁹ Anut san ilo sou saen milaen mok imianuk yen se ya. Ak gug Anut a mel fidian igane yan, iŋanen ilo sou an kuai tem ilasa wo ago ilon yen da. Ago dop tamolpein fidian iŋsan ilo sou imianuk an dile duloŋ a. Agod iŋ urat an dam ŋai ipanag a.

Efesus 3:9 Referans Kwoze

Kolosi 1:26

Idsad tubud baged gamugo dilasa dugo, Anut ru en imianig saen milaen mok imianuk an yen na ya. Ak man gamu Anut ru en iŋanen tamolpein gun ak kuai tem irupidaig duloŋ a.

Matyu 13:35

Iŋ ago igane yan lo awak aban ta profet ta ibol an nuŋon ilasa ya. “Ŋai awag isupani dop ru faŋan lo mi ŋiŋiŋeŋ a. Melmel mianuk lo dien se yan, tan ilasag ipalug gamu en nek ago mi dien dan, niŋedi wo ŋiŋiŋeŋ dop tamolpein duloŋ a.”

2 Timoti 1:9

Iŋsen patud ipasig madok gun ak lo tumado wo igiad a. An man id kagin uyanan tigane yan niŋen o mi ta igiad na ya, tia, iŋanen ilo sou agod iŋanen ilo panek mi irig ate igane ya. Ilo panek an id Jesus Kristus da tumado dan tiŋane san o wagam geig kob an ipanad a, saen nal malan malan gamugo ilasa yan lo iŋ ago igane ya.

Kolosi 3:3

Man dugo, oŋ umat la ya, agod gamu oŋane madok mok ak imianuk Kristus da dumado da, agod oŋ an ule san tia ya, man dugo, Anut mi kagin an igane da.

Matyu 28:19

Ago yak niŋen o, aŋ gidad aup an lo tamolpein a tan fidian lo dumado dan, ŋaisag megeloum adirai dilasa wa. Ago dop aŋ Bai yaŋan lo, Nanun yaŋan lo, Awan Urgun yaŋan lo afulanai a.

Revelesen 4:11

“Tubun ak, oŋ maŋsama Anut, oŋ girager ama da yak, oŋ yaŋa lak na geig ak, agod oŋ dabai ama da ya. An lo tamolpein kagin amaiak niŋen o per dupano wa, agod iŋ ago digane san man oŋ idaisuda mok a. Man ata wo? Oŋ mel fidian oŋsigane uloŋ ak lo gane ya, an lo mel fidian ganeg dilasa yan gamu oŋ tuo lo mi dien da.”

Taitus 1:2

Ilo rumok maŋau da yan sad fun man, kumaen pempem san tiŋane wan san tini ganek an id ilod lo yen da. Anut iŋ sewak tamol tia ya. Saen tan en gamugo ilasa dugo kumaen a ipanad an niŋen o promis igane ya.

1 Timoti 3:16

Id mel en niŋen o ilod kisaek ak, idsad ilo rumok ilon lo mel tubun ak pasauman taloŋ san tia yak yen da: Iŋ tamol mok igo ilasag, Urgun iŋsen mi walal te tamol itaot ak ibol ilasag, eŋel adi dile duloŋ go, tan titin fidian lo dubol go yau, tan tilianek lo iŋ o ilod lo rumok go, Anut iŋaneg iŋ girager anda isida yau a.

Revelesen 13:8

Tamolpein fidian tan en lo emaiak mel kasik en dugudanip ubou an dile wa. Ak man warou kisaek mi ago ta digane na wa. Warou an man, tamolpein fidian nek a, tan en gamugo ilasa dugo, Anut iŋaned yaŋadi buk lo igire idu ya. An man Sipsip Nanun dufunig imat ak iŋanen kumaen san buk nek ama ya. Aria, tamolpein nek an mi mel kasik an san ubou ta dile na wa.

1 Pita 1:20

Tan en gamugo ilasa dugo Anut Iŋ ipiliani a, gug gamu saen en san wadan lo aŋ niŋemi wo Anut igane walal te ilasag ale ya.

2 Timoti 4:17

Gug, Tubun en iŋsen ŋai patug fo itur dugo dabai ipanag a. An lo ŋai awag lo iŋsan ru kuai te ŋabol ilasa pasik a, an lo gob adi fidian iŋanen ru ka duloŋ a. Agod iŋ ŋai patug ipasig mateŋ ta ŋile na ya.

2 Tesalonaika 2:13

Teim taoma, maŋ nal fidian aŋ e Anut ilon ipanaŋ den niŋemi wo iŋ ilo uyan mupani man uyanan a. Man dugo, fun lo mok Anut ipilianaŋ a, ago tag Awan Urgun idiraŋ go gun alasa dan lo, agod ru rumok a ilom lo rumok dan lo dam, patu pasek ale wa.

Kolosi 1:23

Ak man aŋ kulob ago ilasa wo urat amam da ya. Aŋ aŋanem ilo rumok abituanip yau a. Nek ibol kadaŋ duguni dabai go ibuk ila iso san tia yak igo atur dabai a. Agod tamol ta aŋ naom yabip, aŋanem mala nouk a bilaluŋ uyan ak igane ilasa dan, ante asuk amul amoi. Bilaluŋ uyan en gubak mi aloŋ dugo, ru nek emaiak Anut san urat tamol adi aben fidian lo dubol ilasa se ya. Agod ŋai Pol, bilaluŋ uyan emaiak san urat tamol ŋilasag ŋumado da.

Efesus 1:4

Saen Anut tan ta igane ilasa na dugo, id Kristus ida itumanad o kob ipanad a. An lo saen id iŋ naon na tatur dan, id gun tumado dop, iŋ malan lo man id ai wadan amad tiap itaot mi ago ka tumado wa.

1 Korint 2:7

Ak man kankan milaen a maŋ kuai te migane ilasa dan man, gubak mi mianuk lo yen na ya. Kankan milaen an Anut wagam mok, saen tan en gamugo ilasa yan, iŋsinan ilo sou lo imiani a, agog saen milaen mok ante yen na ya. Man dugo, Anut fun lo mok tan gamugo ilasa dugo ilon igo yen a, mitep kankan milaen an id ipanad dop lo girager amad da tilasap tumado wa.

Aposel 15:18

Tubun en mel an fidian, fun log ipalug gamu kuai tem tamolpein duloŋ san ak idirig, ago ibol ilasa ya.”

Jon 10:30

Ŋai Tamag da fuma kisaek a.”

Jon 5:19

Jesus irupidaig ibol, “Ŋai rumok nuŋon mi ŋurupaiaŋ da, Nanuk man iŋ sen ilon nam mel ta igane san tia ya. Tia, iŋ Bai san banin leil ipani dugo, kagin naok dugo yak igane dan ago mi iŋ dam igane wa. Man dugo, urat dugo Bai igane dan mi Nanun dam igane da.

Jon 5:17

Ago tag Jesus irupudai, “Ŋaisag Tamag iŋ nal fidian urat igane yau da, an niŋen o ŋai dam nek ago ŋigane da.”

Luk 24:47

Iŋ yaŋan lo Anut tamolpein ilod ibilisa dop, iŋaned muruan ipasi pidinai an san ru, Jerusalem na fun igane gup, panu panu lo yau a.

Matyu 25:34

“Agop Kiŋ tamolpein a tuon won ak ate dumado dan, igo irupidai, ‘Aŋ ŋaineg Bai san bar aŋane ya. Apalup kagin panek aben e Anut fun lo mok tan igane ilasa wo dugo ikubuneg yen den aŋane wa.

Matyu 10:27

Ru tidom tubun lo ŋurupaiaŋ dan, ad lo abol ilasa wa. Agod ru dugo kisikisik lo aloŋ dan, ab fuŋ fufo atur pe awam tubun mi abol ilasa dop fidian duloŋ a.

Revelesen 17:8

Mel kasik en oŋ ule la ya, gubak mi imado yak, gamu fon ta imado na da. Ak man murnap iŋ gib e fun tia yen ibiseip isuda wak gug, ideg yau geig a. Tan san tamolpein iŋ mel kasik en dilep dumasa saian geig a. Nek tamolpein a iŋaned yaŋadi Anut tan gamugo igane ilasa yan lo, kumaen san buk lo ta igire na yan, iŋ dumasa saian a. Man dugo, mel kasik en gubak mi imado yak gug, gamu ta imado na da, ago bo man murna dop kumaen fon imul da wa.”

Revelesen 14:6

Agog ŋai eŋel sen ta keit titiŋae mi irou dugo ŋile ya. Iŋ bilaluŋ uyanan pempem san isinig tamolpein tan na dumado den irupidai o da. Tamolpein tinid naod funfun lo, muroun ru naon sensen lo, warou fidian lo, agod aben fidian muroudi lo ibol ilasa wa.

Rom 11:25

O teig taog, ŋai ilog igo ya, aŋ Anut anen ilo girek mianuk yen en niŋen aŋaoŋ san tia ya, kabelan aŋsem yaŋam asini banau. Aenta Isrel luluŋad lo bubedi sakar ilasa ya. Ago mi dumado yaup murna gup gob adi a Anut ipilianai an fidian iŋsan ar lo diladu wa.

Efesus 3:2

Aŋ dag ru en aloŋ boi. Anut iŋsen iŋanen ilo panek ŋai banig lo iganeg ŋuwae panaŋ o urat ŋigane da.

Efesus 6:19

Aŋ gudanek lo mi Anut asumiani dop ŋai binawek ipanag a. Ŋai ilog igo yen da, aŋ agudani dop, Anut iŋanen ru ŋai awag lo igansi wa. Ago dop ŋai ŋarer se yan ŋibiseip, an lo Anut san bilaluŋ uyanan a imug mi imianuk go iŋ lo yen gug gamu kuai isi an mi ŋabol ilasa wa.

Kolosi 4:3

Agod saen aŋ Anut agudani dop, maŋ o dam ilom isou panama wa. Anut asumiani dop, iŋanen ru mianuk Kristus niŋen o yan mabol ilasa san iŋ ka dalawan ipasi panama wa. Ŋai gubak mi ru mianuk an tamolpein ŋufulale pidinai se ya. Fun an niŋen o ŋai dusubanag go sein nam ŋieg banig dufoug subanek ab lo ŋumado da.