Efesus 3:4 - Takia

⁴ Saen aŋ ru en asuti dop, igo ale gup, Kristus san ru mianuk ak an ŋai ŋaloŋ fufei a.

Efesus 3:4 Referans Kwoze

Kolosi 4:3

Agod saen aŋ Anut agudani dop, maŋ o dam ilom isou panama wa. Anut asumiani dop, iŋanen ru mianuk Kristus niŋen o yan mabol ilasa san iŋ ka dalawan ipasi panama wa. Ŋai gubak mi ru mianuk an tamolpein ŋufulale pidinai se ya. Fun an niŋen o ŋai dusubanag go sein nam ŋieg banig dufoug subanek ab lo ŋumado da.

1 Korint 4:1

Amaiak niŋen o aŋ maŋ igo aliama wa. Maŋ Kristus san urat tamol mi a, agod ru a gubak mi an Anut ilon lo imianuk a, gug gamu kuai te ilasa amaiak tamolpein murupidai duloŋ san urat maŋ banima lo iganeg, kaginan migane da.

2 Korint 11:6

Gidad, ŋai ŋiŋeŋ lo ta uyan na ya, ago bo man, ŋaisag maŋau Kristus lo man ta katukan na ya. Saen fidian maŋsama kagin naok naok dugo migane dan lo maŋsama maŋau an mukubiaig ale se ya.

1 Timoti 3:16

Id mel en niŋen o ilod kisaek ak, idsad ilo rumok ilon lo mel tubun ak pasauman taloŋ san tia yak yen da: Iŋ tamol mok igo ilasag, Urgun iŋsen mi walal te tamol itaot ak ibol ilasag, eŋel adi dile duloŋ go, tan titin fidian lo dubol go yau, tan tilianek lo iŋ o ilod lo rumok go, Anut iŋaneg iŋ girager anda isida yau a.

Kolosi 2:2

Ŋai ilog man, ŋai aŋ iŋ dida ilom ŋabisap, ilom dabai amam da amado wa, agod ilo panek lo atumanip kisaek a. Ago dop an lo aŋ iŋ dida maŋau milaen mok an ilom lo ilasap yen a. An lo dop Anut san ru mianuk an aloŋ pasik a. Ru mianuk a taloŋ san uyanan man Kristus iŋsen.

Efesus 6:19

Aŋ gudanek lo mi Anut asumiani dop ŋai binawek ipanag a. Ŋai ilog igo yen da, aŋ agudani dop, Anut iŋanen ru ŋai awag lo igansi wa. Ago dop ŋai ŋarer se yan ŋibiseip, an lo Anut san bilaluŋ uyanan a imug mi imianuk go iŋ lo yen gug gamu kuai isi an mi ŋabol ilasa wa.

Efesus 5:32

Ru an ilon lo ru faŋan tubun mi yen dak taloŋ san ta pasauman na ya. Gug ŋaisag ilo sou lo, ru an Kristus iŋ sinanen tamolpein da niŋedi wo ibol a.

Efesus 1:9

Mel an wagam mi Anut san ilo sou lo mi yen a. Ak man milaen mok iŋanen ilo sou an imianuk yen a. Aria, gamu gug iŋanen ilo sou imianuk an kuai tem igane ilasag id ilod isafulale ya. Kristus lo gup urat an yen a.

Luk 8:10

igo ibol irupidai, “Anut iŋsan kagin panek aben san melmel imianuk an san maŋau ipanaŋ a. Ak man tamolpein aenta ru faŋan fun tia yak mi duloŋ da. An lo man, ‘Iŋ leil digane bo man, ilod ta itarpasi na da. Agod kududod nam duloŋ bo man, fun mok ta diŋane na da.’”

1 Timoti 3:9

Iŋ ilod lo iŋaned kankan ilok pe muruan ta yen man tia, kagin an lo gidad idaned ilo rumok, agod an san mel mianuk ak id taloŋ uyan san ta pasauman na yan, an fidian diabi sakar dop kagin dupani wa.

1 Korint 13:2

Ŋai profet ru ka ŋabol a, agod mel mianuk ak fidian fud ŋaloŋ uyan a, agod taida mi ŋai maŋau fidian amag da ya, agod ŋaisag ilo rumok lo mi ŋabol pe tan bubun ta isuk yaup asau mi itur a, ak man ŋai ilo panek amag tia yak tap, ŋai tamol kawan mi a.

Matyu 13:11

Jesus ru naon irupidaig ibol, “Anut iŋsan kagin panek aben san melmel imianuk an san maŋau ipanaŋ a. Ak man iŋ maŋau an ta ipidinai na ya.

Rom 11:25

O teig taog, ŋai ilog igo ya, aŋ Anut anen ilo girek mianuk yen en niŋen aŋaoŋ san tia ya, kabelan aŋsem yaŋam asini banau. Aenta Isrel luluŋad lo bubedi sakar ilasa ya. Ago mi dumado yaup murna gup gob adi a Anut ipilianai an fidian iŋsan ar lo diladu wa.

Rom 16:25

Aria, gamu id Anut yaŋan tabisa dop ubou an tile wa. Iŋ ŋaisag bilaluŋ uyan ak Jesus Kristus niŋen ŋufulale dan lo, aŋ dabai ipanaŋ pe lo atur sakar san idaisida ya. O gubak mi Anut san bilaluŋ en imianig imianuk yen a, ak man id taloŋ an niŋen kuai te igane ilasa ya.

Efesus 3:3

Ŋai imug girek en ŋigireg lo ŋurupaiaŋ a, Anut sen iŋsan ilo sou mianuk an, an ŋai irupaiag a.

Efesus 3:9

Anut san ilo sou saen milaen mok imianuk yen se ya. Ak gug Anut a mel fidian igane yan, iŋanen ilo sou an kuai tem ilasa wo ago ilon yen da. Ago dop tamolpein fidian iŋsan ilo sou imianuk an dile duloŋ a. Agod iŋ urat an dam ŋai ipanag a.

Kolosi 1:26

Idsad tubud baged gamugo dilasa dugo, Anut ru en imianig saen milaen mok imianuk an yen na ya. Ak man gamu Anut ru en iŋanen tamolpein gun ak kuai tem irupidaig duloŋ a.