Efesus 1:23 - Takia

²³ Kris tamolpein man Kristus iŋsen tinin. Ago yan lo Kristus iŋsan bunun iŋsen lo awan isag yen dan, Kris midaeŋ fidian ilod lo kuai isip, an lo dop tamolpein fidian dile wa. Man dugo, Kristus iŋsen man mel fidian e tan en lo dumado den tinid iŋanefuteg imado da.

Efesus 1:23 Referans Kwoze

Jon 1:16

Iŋsan ilo muŋanek tubun mok iŋ lo awan isa ya, an lo binawek wei mi an iŋanen banin dibiseig id fidian tiŋane na ya.

Efesus 4:12

Anut san tamolpein man Kristus tinin. Aria, lou funfun amaiak ipidinai an lo man, Anut san tamolpein urat digane san dal dukubune wa. An lo man, iŋ anen anen Kristus san urat biabi ka digane wak, agod iŋ Kristus san tinin dabai dupani wa.

Efesus 3:19

Rumok, id iŋanen ilo panek an taloŋ pasik anen ta idaisuda na ya. Gug gidad, ŋai niŋemi wo Bai ŋugudani oŋ da, aŋ iŋsan ilo panek an aloŋ uyanan a, ago dop man Anut san bunun uyanan fidian ilon lo awa na geig an, aŋ lo dam ka awan isa wa.

Efesus 4:10

Enti iŋ a tan na idu yau amaiak, iŋ mi did aben fidian dam iriŋanaig isuda yau an lo, iŋsen mi mel fidian ilodi tinidi lo iŋ mi awan isa wa.)

1 Korint 15:28

Tia, saen Anut mel fidian Kristus paen na idiri itout gup man Kristus sen Taman Anut paen na imado wa. Saen an lo Anut iŋsen mi malan te geig a, iŋ mi mel fidian sad tamad imado wa.

Kolosi 1:24

Ŋai madai, agod muruan a aŋ niŋemi wo ŋisini se yan niŋen o uyag isusa da, agod ŋai tinig madai dupani dan lo, Kristus tinin madai dupani amaiak san wadan ŋigane itout a. Kristus tinin man iŋanen midaeŋ, agod midaeŋ an ŋibinawai wo, ilo uyan lo muruan an fidian ŋisini da.

Kolosi 3:15

Kristus san maror an aŋ ulum am yabi wa, ago dop aŋ pilianek agane wo uyan a. Man dugo, Anut aŋ igiaŋ go tinik kisaek mi ak alasa ya, an niŋen o Anut aŋ fidian maror lo amado wo irupaiaŋ a.

Kolosi 3:11

Fun an lo na id foud tilasa yan luluŋad lo tarpalek man tia ya. Grik iŋ Juda dadi, tamol a tinid suŋulon dutute yan, a tinid suŋulon ta dutute na yan, tamol asau ak, tia, tamol kasik yu gidigidad digane dak, tamol urat bigabeg ak, tia, tamol kawan imado dan, an fidian kisaek a. Gamu Kristus mi malan te ya, man dugo, iŋ tamol naok an fidian ilod lo imado da.

Efesus 2:16

Kristus tinin kisaek amaiak lo, tamol wagam an uraru mi itumanaig, Anut san turan mok oŋ dilasa ya. An san dal man Kristus aigim fo imat amaiak lo mi a. Dal nek kisaek an lo mi siai a nug lo yen an, Kristus igane itout a.

1 Korint 12:6

Taida mi, Anut tamolpein anen anen biabi binawek naon sensen ipidinai da, ak man Anut e tamolpein fidian ilod lo binawek en idirai dilasa den man kisaek a.

Rom 13:5

Fun an niŋen o, oŋane gurman adi awad paen na mado wa. Dal an lo Anut tiŋaen saian san kagin riŋani wa. Fun an niŋen o mi tia, tia, oŋane kankan uyan ak a ru kagin ipano dan niŋen o awa parsisalek ta gane na wa.

Efesus 4:4

Id Kris adi tinid kisaek, agod Awan Urgun dam kisaek a. Nek ago mi, mala nouk kisaek nek a Anut niŋen o igiaŋ ago mi a.

Efesus 3:10

Rumok geig, Anut iŋ kulob a iŋsan tamolpein luluŋad lo igane ilasa yan lo, iŋanen maŋau funfun naon senamo geig an iganeg kuai isi a. Ago igane yan lo, ur sad gurman iŋ ur fidian a dabai amad da yan dida lak na ditilani dutor dan, Anut san maŋau tubun geig ak an ikubiai pidinai dop dile wa.

Efesus 4:13

Urat en ka yau woŋ dop id fidian sad ilo rumok lo, agod idsad maŋau a Anut Nanun niŋen o an lo dam, id tamolpein itumanad pe kisaek tilasa wa. An lo dop id Kristus san kagin lo busumak sad tou tiŋanep tumado wa. Aria, busumak adi sad bunun a tiŋane wo maeg tigane dan san tou man, bunun an fidian Kristus lo mi yen da.

Kolosi 2:19

Talpein naok ago yan idaned gurman Kristus an yabipitili a. An niŋen o iŋ Kristus tinin ibiseig yaug patun fo ilasa ya. Kristus mi iŋsinanen tinin san gurman, agod tinin anen boi an fidian itirnai da. Iŋ lo, tinin san im, tinin san boi aenta fidian disatuanaig nug diabi dan lo italbusi da, ago dop Anut ilon yen dak ago mi tinin fidian isap dabai a.