Efesus 1:14 - Takia

¹⁴ Awan Urgun man mel imug Anut ipanad a, amaiak lo id taloŋ ak, murnap id dam mel aenta fidian uyanan ak Anut bageu iganeg yen dan tiŋane wa. An nek ago mi yen yau dop Anut mi melmel an ipanad a. Fun an niŋen o iŋsan girager an tubun mok per tupani geig a.

Efesus 1:14 Referans Kwoze

2 Korint 5:5

Mel e maŋ miŋane san man, Anut iŋsen mi kubunek lo idirama la ya. Agod iŋanen Ur an man, kumaen foun en san satuanek igo ya. Ur a ipanama yan lo maŋ rumok maloŋ ak mel en ilasa wa.

2 Korint 1:22

Iŋsan Ur id ilod lo igane ya. Kulob naok en lo id iŋsan mok ago kob ipanad a. Fun an niŋen o saen iŋsan Ur id lo yen dan taloŋ uyan dop man, id taloŋ ak id iŋsan mok a.

Efesus 4:30

Aŋ Anut san Awan Ur ilo muruan apani amoi. Awan Urgun iŋ man Anut san kob aŋ ilom ilon lo igane ya, amaiak lo Anut iŋanen tamolpein iŋiliai san nal an lo aŋ dam sisem iŋiliaŋ a.

Galesia 4:6

Aŋ Anut iŋanen nanun igo woŋ amado da. Man niŋen o Anut iŋ Nanun san Awan Ur idinig ipalug, id bubed ilon lo iladu ya. Ago yan lo Awan Ur id ilod yabisa dop, Anut tiwagiŋ pe, “O Bai,” ago tabol a.

Rom 8:23

Gug melmel fidian en mi tia ya, tia, id dam Awan Urgun san urat nuŋon malan te ya. Id dam an lo madai tile dugo tumado da. An lo Anut iŋsen id iŋanen nanun muroun idirad tilasa wo mala nouk tumado da. Saen an lo dop Anut idsad tinid en ibilisap naon sen geig tilasa wa.

Efesus 1:12

Maŋ Juda adi malmalan mi Kristus o iloma rumok a. Aria, Anut kob a ipanama yan san fun man, iŋsan girager tubun geig an per mupani dop lo mator a.

Aposel 20:32

“Gamu Anut banin lo ŋidiraŋ da. Agod iŋsan ilo muŋanek san ru aloŋ an ibunawaŋ pe, aŋanem ilo rumok dabai ipani wa. Ru an dam iganep aŋ tamolpein a Anut idiraig gun dilasa yan dida Anut san wasar an sisem mi aŋane san idaisuda geig a.

1 Pita 2:9

Gug aŋ man Anut san tamolpein iŋsen ipilianaŋ a. Aŋ man Kiŋ san pris adi, tamolpein gun ak sad midaeŋ, agod Anut iŋ muroun a. Aŋsam urat man, iŋ a aŋ igiaŋ go tidom tubun an abiseig, iŋsan lilaman siŋaokan ak lo aladu yan lo, iŋanen bunun uyanan an niŋen abol ilasa wo ago igane ya.

Aposel 20:28

Sem kagin ipanaŋ dop Urgun sipsip malan tubun banim lo igane yan dam kagin apidinai uyanan a. Sipsip an Anut iŋanen Nanun san dar lo iŋal a. Aŋ Tubun en san midaeŋ sad titianek adi ak niŋen o afutai o uyanan a.

Luk 21:28

Saen melmel an ago fun diganep dilasa dop, amasap mala nouk lo malam lak na isuda wa. Man dugo, Anut iŋiliaŋ san saen sumeik mok ipalu da.”

1 Korint 1:30

Anut iŋsen mi, aŋanem madok Jesus Kristus lo yan san fun mok a. Anut lou wei mi Kristus ipanig ate id ibinawad a. Kristus lo mi id kankan milaen ak amad da tilasag tumado da. Tamol a id idad go iŋiliad an man Kristus mi a. Iŋ lo yak niŋen o Anut malan lo id itaot, agod gun tilasag tumado da.

Efesus 1:11

Iŋ lo dam Anut id ipilianad go id Kristus san mi a. Man dugo, Anut iŋ mel dugo ilasa san niŋen o ilo sou igane dan ago mok mi igane ilasa da. An niŋen o Anut mel a id niŋed o ilasa wan wagam mi ilon yen ago mi igane ilasa ya.