Efesus 1:10 - Takia

¹⁰ Iŋsan ilo sou igo ya, iŋ mel fidian un ad yabip yau gup, nal a kob ipani antep, mel an fidian Kristus lo mi itumani wa. Melmel lak na, agod tan na dam, Kristus paen na mi dien a, agod iŋ mel an fidian sad tamad imado wa.

Efesus 1:10 Referans Kwoze

Kolosi 1:20

Nanun lo mi Anut mel a tan na dumado dan, agod a kumaen panu lo yan dam, fidian iŋiliaip iŋanen muroun muroun igo woŋ siŋiren na dumul pe dupalu wa. An fidian iŋsan ager oŋ ago mi dumado san tia ya, man dugo, iŋanen Nanun san dar aigim fo iwatik an lo maror iganeg ilasa ya.

Galesia 4:4

Ak man nal a Anut ipateg ilasa yan ate iŋanen Nanun igane idu ya. Iŋ pein ta tiŋaen lo ilasa ya, Juda adi sad kubiaeŋ an paen na dam imado wo ago ilasa ya.

Mak 1:15

Iŋ igo ibol, “Nal ilasa la ya, Anut san kagin panek an san saen sumeik a. Man niŋen o aŋ ilom ibilisa dop bilaluŋ uyan ŋurupaiaŋ dan ilom lo rumok a.”

Hibru 1:2

Gug gamu nal wadan en lo man iŋsinan Nanun awan lo irupaiad a. Iŋsen lo mok Anut mel fidian igane ya, agod Anut sen iŋ murnap mel an fidian taman imado wo ipiliani a.

Kolosi 1:16

Man dugo, Nanun banin log Anut mel fidian idirig dilasag dien da. Mel a kumaen panu lo yen dan, tan na dam yen dan, mel a malad nam teil san, agod mel a malad nam tile san tia yan dam fidian idiri a. Mel a malad nam tile san tia man, eŋel adi, tubud adi, tan keit tuon adi, agod ur naon funfun dabai amad da ya. Awo, rumok, Anut iŋ Nanun banin lo mel fidian idiri a, agod iŋ niŋen o mel an idiri a.

1 Pita 1:20

Tan en gamugo ilasa dugo Anut Iŋ ipiliani a, gug gamu saen en san wadan lo aŋ niŋemi wo Anut igane walal te ilasag ale ya.

Efesus 3:15

Iŋ warou fidian lak na yak iŋ tan na yak dida dumado dan sad Tamadi a. Man niŋen mel fidian an iŋsen mi yaŋad ipidinai a.

Revelesen 5:9

Iŋ bar foun ak ta igo diabi da, “Oŋ buk ŋanep kendel san gureŋ ate buk dufutanig dufou yan fidian oŋ pasi san uloŋ a. Oŋ ago gane san man idaisuda geig a. Ata wo, iŋ oŋ dufuno umat dugo, oŋane dar lo tamolpein Anut tuon lo dirai san udad a. Tamolpein aenta man, warou fidian lo yak, muroun ru fidian lo yak, tinik naon sensen lo yak, agod tan titin fidian lo yan oŋ udad uŋal a.

Efesus 1:22

Anut iŋ mel fidian Kristus paen na iganeg dien da. Agod ipilianig Kris midaeŋ fidian tan en lo sad gurman igane ya. Ago yan lo binawek uyan uyan ak ipidinai a.

1 Korint 11:3

Ŋai ilog ibol dak mel en aloŋ uyanan a. Tamol fidian sad gurman man Kristus, pein san gurman man iŋanen tamol, agod Kristus san gurman man Anut.

Hibru 11:40

Man dugo, wagam mok Anut mel ta nen uyanan ak idsad saen an lo ilasa wan ile ya. An man tamolpein an id tia yak man itaot dilasa san tia ya, tia, iŋ id da sisem itaot tilasa wa.

Kolosi 3:11

Fun an lo na id foud tilasa yan luluŋad lo tarpalek man tia ya. Grik iŋ Juda dadi, tamol a tinid suŋulon dutute yan, a tinid suŋulon ta dutute na yan, tamol asau ak, tia, tamol kasik yu gidigidad digane dak, tamol urat bigabeg ak, tia, tamol kawan imado dan, an fidian kisaek a. Gamu Kristus mi malan te ya, man dugo, iŋ tamol naok an fidian ilod lo imado da.

Efesus 2:15

Iŋsan mateŋ lo Moses san ru kubiaeŋ fidian agod ru kagin fidian ilon lo yen an dam ifini imat pasik a. An lo na Kristus iŋsen Juda tamol iŋ Juda tia yak da iŋal go itumanaig, an lo tamol foun ak kisaek mi ilasa ya. Dal an lo maror igansi a.

1 Korint 10:11

Mel en fidian tamolpein an fo dilasa san fun man, tinanou naok naok amaiak id tile dop kagin tigane wa. Ru kulob a fidian niŋedi wo yan buk lo wagam mi digire ya. Ata wo? Mel saiak saiak a dilasag muruan dupidinai na yan, id tusutip tile dop, kankan uyan ak dupanad a. Saen e gamu tumado den lo man, saen a lo mel fidian diau dutout an sumeik a. An niŋen id kagin saiak ago yak tigane man Anut imoi a.

Matyu 25:32

Ago dop iŋ tan titin fidian sad tamolpein itumanai dop naon na dutur a. Ante dop iŋ itarpasaip malan uraru lo idirai a, nek ibol titianek tamol sipsip sen idirai dop bilelek sen idirai dak ago mi a.

Hibru 9:10

Melmel an man sen kubiaeŋ ibol ago anaŋ nuaeŋ, you lukluk agod fulanek funfun digane dop lo ikok dilasa san mi a. Kulob en man tinik fufo yak san mi a, ago digane yaup melmel foun ak dilasa wan san saen ilasa wa.

Efesus 3:2

Aŋ dag ru en aloŋ boi. Anut iŋsen iŋanen ilo panek ŋai banig lo iganeg ŋuwae panaŋ o urat ŋigane da.