Aposel 8:31 - Takia

³¹ Iŋ ibol, “En dugop ŋai ru en fun ŋaloŋ ak i? Rumok talpein ta fun ifulale ak man nap ka ŋaloŋ a.” Agog Filip iwagig isidag siŋiren na imasi a.

Aposel 8:31 Referans Kwoze

Rom 10:14

Ago man, tamolpein a Tamol Tubun ak ta duloŋ na dugo iŋ o ilod ta rumok na yan, en dugo woŋ pe iŋ lo gudanek ka digane wak i? Ago man, Tamol a niŋen o ru ta duloŋ na yan, en dugo woŋ pe iŋ o ka ilod rumok ak i? Ago man, talpein ta ipalug Kristus niŋen o ta irupidai na yak ago tap, en dugo woŋ pe iŋ Kristus niŋen o ru duloŋ ak i?

1 Korint 8:2

Tamol a iŋanen maŋau niŋen o ikawil an ago ibol dan, ŋiŋeŋ naok an lo mel en kuai tem ilasag yen dugo tile da, iŋanen maŋau gamugo tubun a. An lo man maŋau naok a tamol an yabi wo Anut ilon ibol dan, an iŋ ilon lo man katukan go ago yen da.

Jems 1:21

Ago yak niŋen o aŋsam kagin saiak saiak fidian, aŋsam aupasek san naok naok fidian abiau dop sem ibiaŋ adup Anut san ru a bubem lo yen den ilom isoup ari wa, man dugo, ru an iŋ dabai anda, an lo murnap mateŋ san saen lo ŋutum ka ibinawi wa.

Jems 1:10

Kris tamol ta iŋ melmel wei mi aman da man dam ka ilon uyan a, man dugo, murnap iŋ nek ibol tamol yaŋan tia yak ilasa woŋ a. Anut iŋ tamol filian anda yak aben tan en lo malan te yak ibisei san ago igane wa, nek ibol garaŋ san ai bob an ilasad itapas yau kisaek oŋ dak ago mi a.

1 Korint 3:18

Aŋ sem ta irawaŋ na wa. Aŋ luluŋam lo tamol ta, tan en san tamolpein dugo woŋ ilod isou dak iri panim, iŋ kankan milaen ak aman da ago ilon isou tap, iŋ gidad iŋanen ilo sou ibilisa wa. Iŋ tan en san tamolpein sad leil lo tamol burau ak igo woŋ ilasa wa. An lo dop iŋ kankan milaen ak aman da ilasap imado wa.

Mak 10:15

Ŋai rumok nuŋon ŋurupaiaŋ da. Talpein enti nanuk igo woŋ Anut san kagin panek iŋane tap, iŋ Anut san kagin panek aben ilon lo ka iladu wa. Ak gug iŋ nanuk oŋ ilasa wo imoi tap, iladu san tia geig a.”

Aposel 8:30

Ago tag Filip imaspalu oŋ yaug sumeik dugo, profet Aisaia san ru isuti dugo iloŋ tag isumiani, “Dugo, ru suti dan fun kitek uloŋ di?”

Aposel 8:32

Ru girek boi emaiak isuti, “Iŋ man sipsip dufuni wo diŋane diau dak igo woŋ. Iŋ nek ibol sipsip nanun fufulun dutute dop awan itau itur dak igo woŋ. An lo awan kitek ipuk man tia ya.